تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامه سی: جمهور باشلیغی ایردوغان دولت نشانی بیلن تقدیرلندی»
جمهور باشلیغی رجب طیب ایردوغان، رسمي اوچرهشوولر اوتکزیش اوچون تشریف بویورگن پاراگوئه ده دولت نشانی ماریئو ابدو بینیتیز بیلن پایتخت اسونسیئوندهگی تاریخي حکومت قرارگاهی لاپیز سراییده اوزارا اوچرهشوو بولیب اوتدی. پاراگوئه جمهور باشلیغی بینتیز، اوچرهشوو نینگ آرتیدن جمهور باشلیغی ایردوغاننی دولت نشانی بیلن تقدیرلهدی.
ستار روزنامه سی: صادرات تاریخي ریکارد سویهگه ایریشدی»
نوامبر آییده عملگه آشیریلگن 15.5 میلیارد دالرلیک صادرات « آیلیک مقیاسده» ریکارد سویهده ایدی. بوگونگچه صادرات قیلینگن» اینگ یوکسک سویه نوامبر آیی رقمی، آخرگی 12 آیده صادرات ایسه 7.8 سویهدهگی آرتیش بیلن 168.1 میلیارد دالرگه کوتریلدی.
صباح روزنامه سی: « اسیلسان نینگ چولدهگی ظفری»
اسیلسان تامانیدن چیقریلگن و اینگ ینگی قورال تیزیملریدن بولگن سرپ- ظفر، دستلبکی سیناوینی قطرده اوتکزدی. سرپ- ظفر، اولکهده حربي مسؤللر تامانیدن سیناودن اوتکزیلدی. سرپ- ظفر، یوروک 4*4 زرهلی حربي واسطه بیلن بیرگهلیکده چول شرایطلریده عملگه آشیریلگن ساحه سیناوی موفقیت بیلن یکونلندی.
خبر تورک روزنامه سی: « اروپا نینگ گُلی انتالیادن»
تورکيه نینگ گُل ایشلب چیقریش مرکزی انتالیاده نوئیل و ینگی ییل قوتلاولری اوچون اروپا اولکهلریگه گُل صادرات قیلیشگه باشلهدی. نوئیل و ینگی ییل مناسبتی بیلن فعالیتگه باشلهگن سکتور، کیسیلگن گُللر هالند بیلن بیر قطارده انگلستان، اوزبیکستان و دنیا نینگ 65 مملکتیگه صادرات قیلینماقده. 60-65 میلیونته گُل صادراتیدن ایسه 8-10 میلیون دالر درآمد حاصل قیلیش کوتیلماقده.
حریت روزنامه سی: پلاندوکینده مشعللی باشلنغیچ»
دنیاگه مشهور قیش توریزم مرکزلریدن ایرزورومدهگی پلاندوکین تاغی، بو ییل هم فصلگه یاریتیلگن میدانلری بیلن باشلندی. اروپا نینگ اینگ اوزون میدانیگه ایگه بولگن پلاندوکین قاییق مرکزیگه بو ییل 1 میلیون سیاح نینگ کیلیشی کوتیلماقده.