تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
ستار روزنامه سی: روس مطبوعاتی «تورکيه انرژی مرکزیگه اَیلنماقده»
دولت باشلیغی رجب طیب ایردوغان بیلن روسیه دولت رهبری ولادیمیر پوتین نینگ اشتراکیده «تورک آقیمی» پروژهسی نینگ دینگیز قِسمی نینگ تماملنیشی بوییچه اویوشتیریلگن مراسم روس مطبوعاتیده کینگ کولملی اورین آلدی. شو دایرهده روسیه نینگ نفوذلی روزنامهلریدن بیری «ایزویستيه» تامانیدن، «تورکيه روس گازی نینگ مرکزیگه اَیلنماقده» دیگن سرلوحه بیلن ترقهتیلگن معلوماتیده تورک آقیمی پروژهسی نینگ «اآق قویو" اتوم الکتریک ستشنیدیک تورکيه بیلن روسیه اورتهسیدهگی شریکلیک نینگ رمزیگه ایلنگنلیگیگه اعتبار قرهتگن. «ویدوموستی» روزنامه سی مذکور پروژهنی، «روس انرژی شرکتی گازپرام تامانیدن اروپا بازارلری اوچون یولگه قوییلگن اینگ ییریک ایکّیته پروژهدن بیری دیب حسابلر ایکن»، «پروژهنی یولگه قوییش ایشلری ایکّله مملکت اورتهسیده یوز بیرگن اوچاق انقراضی دوریده هم توختهمهدی» دیدی.
وطن روزنامه سی: سرطان کسللیگیگه قرشی فایدهلنیلهدیگن محلي دارو-درمان فعالیتلری اوز نهایهسیگه ییتیب بارماقده.
تورکيه علمي تکنالوژیک تدقیقاتلر کینگشی توبیتاک تامانیدن توسعه بیریلگن و انسان نینگ باش و بویین قِسمیده سرطان کسللیگی پیدا بولگن وضعیتلرده فایدهلنیلهدیگن محلي دارو-درمان فعالیتلری اوز نهایهسیگه ییتیب باردی. صنایع وزیری مصطفی ورهنک بو حقیده، «سرطان کسللیگیگه قرشی فایدهلنیلهدیگن محلي دارو-درمان 2019-ییل نینگ می آییده شرکتگه تاپشیریلهدی. بیمارلریمیز دردیگه درمان بولیشی اوچون ینه بعضی باسقیچلردن اوتیشی کیرهک» دیدی.
حریت روزنامه سی: قیرقلر ایلی نینگ سوتی دنیا نینگ 16 ته دولتیده ایچیلماقده.
تراکیا نینگ اینگ مهم قیشلاق زراعت و چارواچیلیک مرکزلریدن بیری حسابلنگن قیرقلر ایلی مملکت اقتصادیگه صادر قیلگن سوت و سوت محصولاتلری آرقهلی حصه قوشماقده. قیرقلر ایلی والیسی عثمان بیلگین، «شهریمیزدن ییل نینگ 9 آییده 20 میلیون دالرلیک سوت و سوت محصولاتلری صادر قیلیندی. اروپا ستندردلریگه اویغون روشده ایشلب چیقریلگن سوت و سوت محصولاتلریمیزنی دنیا نینگ 16 ته دولتیگه صادر قیلماقدهمیز» دیدی. اروپا اتفاقی ترکیبیدهگی دولتلرگه صادر قیلیش ایشلری 2013-ییلی باشلر ایکن، اونینگ اینگ اوّلا یونان یریم آرالیگه یوباریلگنلیگینی ایسلهتگن والی، آرتیدن لذتی و صفتی بیلن مشور بولگن قیرقلر ایلی سوتی نینگ امریکا قطعهسیدن آسیا قطعهسی نینگ بیر نیچه دولتیگه ساتیلگنلیگینی اوز سوزیگه علاوه ایتدی.
صباح روزنامه سی: روس شرکتلری نینگ «لفکه تکه سی»گه بولگن قیزیقیشی کتّه. تورکيه نینگ بیله جیک ولایتی نینگ عثمان ایلی تومنیده 1900-ییللر نینگ باشیدن اعتباراً توقیله باشلهگن لیکن 1980-ییللرده اوز اورنینی فابریکهلرگه آلدیریب قوییب آخرگی ییللرده آچیلگن کورسلر یاردمیده قَیته تیکلنگن و تومن نینگ قدیمگی نامی بیلن اتهلگن «لیفکی تیکه سی»گه، روس شرکتلری نینگ قیزیقیشی کتّه بولگن. اوتگن هفته روسیهده اویوشتیریلگن، " "EthnoModa Festival of Young Designers فستیوالده نمایش ایتیلگن لیفکی تکه سی، حکملر هیئتی تامانیدن اینگ اعلی بهالنگن دیزهینلر قطاریگه کیریتیلدی. فستیوال آرتیدن بعضی روس شرکتلری، عثمان ایلی بلديهسی بیلن علاقه اورنهتیب، لیفکی تکه سی محصولاتلریدن نمونه سوردی.
خبر تورک روزنامه سی: چاناق قلعه ده قدیمي شهر تاپیلدی.
تورکيه نینگ چاناق قلعه شهریده اورین آلگن، «اونسیکیز مارت» نامیدهگی عالی بیلیم یورتیگه قرهشلی و ارکیولوژی فعالیتلری آلیب بارگن بیر گروه، 3 ییل دوام ایتگن تدقیقات نتیجهسیده 2 700 ییللیک «لیمنهی» دیب ناملنگن قدیمي شهرنی تاپدی. تاریخ دیپارتمنتی اوقیتووچیسی پروفیسور دوکتور ریحان کورپه، ایانیه İonia دن کوچیب کیلگنلر تامانیدن قوریلگن شهر نینگ روم دوریگچه یشه گنلیگینی بیلگیلب اوتگن حالده، او ییر نینگ «گیلی بولو» یریم ارالی نینگ اینگ بای شهرلریدن بیری ایکنلیگینی قید ایتدی.