تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
حریت گزیته‌سی: "جمهور باشلیغی ایردوغاندن مهم بیانات"
جمهور باشلیغی رجب طیب ایردوغان استانبول کیمه‌سازلیک قوماندانلیگیده بولیب اوتگن Milgem پروژه‌سی نینگ اوچینچی کیمه‌سی TCG Burgazada نی دینگیز کوچلریگه تاپشیریش مراسمیده سوزله‌گن نطقیده، سونگی دورلر، شرقي آق دینگیز و اژه ده‌گی حادثه‌لر نینگ اولکه‌ده‌گی دینگیز کوچلری نینگ هیچ بولمه‌سه باشقه عنصرلر قدَر کوچلی بولیشی کیره‌کلیگینی ینه بیر باره کورسه‌تگنینی بیلدیردی. ایردوغان، "شرقي آق دینگیزیده‌گی طبيعي منبعلرنینگ اولکه‌میز و شمالي قبرس تورک جمهوریتیینی چیتله‌گن تشبثلرگه رخصت بیرمه‌یمیز. بیز نینگ هیچ کیم نینگ حقی، حقوقی، توپراغیده کوزیمیز یوق. بیز فقط اولکه‌میز و قرداشلریمیز نینگ حققینی قوریقله‌یمیز. تورکيه‌گه قره‌مه‌سدن شرقي آق دینگیزیده یاکه اژه ده قدم تشلشینی اویله‌گنلر قنچه‌لیک کتّه خطاگه توشگنینی انگلشگه باشله‌دی" دیدی.
صباح روزنامه سی: "تشقی ایشلر وزیری چاووش اوغلی، فتو، جاپان‌ده هم اوز فعالیتلرینی دوام ایتتیرماقده"
جاپان سفری دایره‌سیده نگویاده‌گی تورکلر بیلن کوریشگن تشقی ایشلر وزیری مولود چاووش اوغلی، فتح لله چی ترور تشکیلاتی (فتو) و بولووچی ترور تشکیلاتی پی کاکا نینگ دنیا نینگ تورلی جایلریده فعالیتلرینی دوام ایتتیرگنینی بیلدیریب، "بو تشکیلاتلر جاپان‌ده هم فعالیتلرینی دوام ایتتیرماقده" دیدی.
ستار روزنامه سی: "80 اولکه نماینده سی بوغازایچی جلسه سی اوچون تشریف ایته‌دی"
تورکيه، 80 دولتدن تخمینن 2 مینگ سیاستچی، متخصص و ضیالی شخصیتگه 9. بوغاز ایچی جلسه سیده میزبانلیک قیلیشگه تیارلنماقده. جمهور رئیس لیک حمایه‌سیده 26-28 نوامبر کونلری استانبولده بوله‌دیگن جلسه نینگ اساسي موضوعسی تینچلیکنی دوام ایتتیریش و هر تامانله‌مه رواجلنتیریش" دیب بیلگیلندی.
خبر تورک روزنامه سی: "ایرانلیک توریستلر قاره دینگیزده"
ایرانده فعالیت آلیب بارگن 40 اطرافیده توریزم شرکتی نماینده سی، ترابزونده تیگیشلی کیشیلر بیلن اوچره‌شیب سکتور بیلن علاقه‌لی ییغیلیش اوتکزدی. ترابزون تجارت و صناعت اتاقی باشقروو کینگشی رهبری سوآت حاجی صالح اوغلی، بیر مهمانخانه‌ده اوتکزیلگن ییغیلیشده سوزله‌گن نطقیده، ایران و شرقي آق دینگیزیده همکارلیک نینگ اصل مقصدی نینگ اوزارا توریزم و تجارتنی رواجلنیتیریش بولگنینی ایضاحله‌دی.
وطن: "امپوتی فوتبال ملي جماعه‌سی جهان ایکّینچیسی بولدی"
امپوتی فوتبال ملي تیرمه جماعه‌سی، میکسیکو‌ده بولیب اوتگن دنیا کپ فاینلیده، اوز مدتیده تینگ حسابده یه‌کوینلنگن بیله شوودن کیین انگوله گه پینالتیلر بیلن 5-4 حسابیده مغلوب بولیب ایکّینچی ا‌ورینگه کوتریلدی. 2007، 2010، 2012 و 2014 ییللری دنیا کپلریده 3. ا‌ورینلرنی آلگن ملي جماعه، فینالده انگیلا‌گه قرشی مغلوبیت گه اوچره ب 2 بولدی.
