تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/78f0/a2eb/9d62/5acb2352e7e37.jpg?time=1719141697)
تورکیه نینگ مطبوعات خلاصه لری
حریت روزنامه سی: جمهور باشلیغی ایردوغان تاریخي پروژه نینگ نامینی معلوم قیلدی. ملي تکنالوژيلرنی رواجلنتیریش زیربنا توزیلمسی نینگ آچیلیش مراسمی جمهور باشلیغی رجب طیب ایردوغان نینگ اشتراکیده بولیب اوتدی. جمهور باشلیغی ایردوغان مذکور مراسمده مهم بیاناتلر بیردی. شو دایرهده جمهور باشلیغی ایردوغان، «قلقان دیگن نام بیلن بیز باشلهتگن ملي و اوزاق مصافهلی منطقوي هوا راکتلری مدافعه تیزیمی نینگ یخشیلیککه آلیب کیلیشینی تیلهیمن. بیرینچی تیزیملر نینگ 2021-ییل نینگ آخریده تاپشیریلیشی ریجهلشتیریلماقده» دیدی.
یینی شفق روزنامهسی: فرات نینگ شرقینی نشانگه آلگن ایکّینچی بمباردمان نتیجهسیده 4 تروریست یوق قیلیندی. تورک قوراللی کوچلری تامانیدن تورکيه نینگ شانلی اورفا چیگره حدودیدن سوريه نینگ عین العرب منطقهسیگه آتیلگن اوبوس راکتلر آرقه لی PYD/PKK ترور تشکیلاتیگه اعضا 4 تروریست یوق قیلیندی. اوندن تشقری 6 تروریست تن جراحتی آلدی. اوبوس راکتلردن، چیگره نینگ نریگی بیتیده انیقلنگن ترور موضوعلریگه قرشی و او ییردن تورکيه چیگرهسینی نشانگه آلگن اغواگر اوق اوزیشلرگه جواب طریقهسیده، اوز-اوزینی حمایه قیلیش دایرهسیده اوت آچیلگنلیگی معلوم قیلیندی.
صباح روزنامهسی: تشقی تجارت رقملری معلوم قیلیندی.
تورکيه نینگ صادراتی شو ییل نینگ سپتمبر آییده اوتگن ییل نینگ شو آییگه نسبتاً 22.4 فایزگه آرتیب، 14 میلیارد 456 میلیون دالرگه ییتدی. بو دورده تشقی سودا کمآمدی 77.1 فایزلیک کمهییش بیلن 1 میلیارد 869 میلیون دالرگه توشدی. تورکيه ستاتیستیک کمیتهسی بیلن تجارت وزیرلیگی تامانیدن تشکیل ایتیلگن شو ییل نینگ سپتمبر آیی و جنوری-سپتمبر دوریگه بغیشلنگن وقتینچهلیک تشقی تجارت استاتیستیکی معلوم قیلیندی. صادرات نینگ واردات نسبتی اوتگن ییل نینگ سپتمبر آییده 59.1 فایزنی تشکیل ایتر ایکن بو ییل نینگ شو آییده 88.5 فایزگه کوتریلدی.
خبر تورک روزنامهسی: تاریخي سفر عملگه آشیریلدی.
استانبول قونلغه ده بیرینچی تجاري پرواز تورک هوا یوللری نینگ استانبول-انقره قتناوی بیلن باشلهدی. توناون ساعت 11:33 ده باشلهگن بیرینچی پرواز 12:19 ده اوز نهایهسیگه ییتدی. TK2124klfvلی اوچاق ساعت 12:19 ده پایتخت انقرهدهگی ایسینبوغه نامیدهگی قونلغه گه باریب قوندی. «بویینگ 777» روسومیدهگی یولاوچی تشووچی اوچاق نینگ بیرینچی قتناوینی عملگه آشیریش اوچون کوتریلیش رخصتینی مملکت نینگ ترانسپورت و زیربنا وزیری جاهد تورخان بیردی. بیرینچی قتناوهده 349 یولاوچی اورین آلدی. تورک هوا یوللری باشلیغی بلال ایکشی سفر آلدیدن بیرگن بیاناتیده 2019-ییل نینگ 1-جنوریدن اعتباراً بوتونلهی استانبول قونلغه سیدن خدمت بیره باشلشلرینی معلوم قیلدی.
ستار روزنامهسی: قطر، تورکيهدن هجومچی کیمه آلیشنی ریجهلشتیرماقده.
عرب کورفزیده رادرگه اوشلنمهیه دیگن درجهده کیچیک و تیز یورر کیمهلردن فایدهلنگن قاچقینلر نینگ آلدینی آلیشنی خواهلهگن قطر، تورکيهدن هجومچی کیمه آلیش اوچون تیارگرلیک کورماقده. اوز فعالیتلرینی انتالياده دوام ایتتیرگن ARES فابریکه سی بیلن علاقه اورنهتگن قطر ایچکی ایشلر وزیرلیگی بیر ساعتده 65 دینگیز مِیلی تیزلیگیگه چیقه آلگن 6 ته ARES 65 ته HARPOON مخصوص تاپشیریقلی کیمه آلماقچی بولدی.