تورکیه نینگ مطبوعات خلاصه لری

تورکیه نینگ مطبوعات خلاصه لری  

حریت روزنامه سی: بویوک شرکتلر تورکیه گه کیله دی

تورک تیلیکوم انترنیشنل و تورکسل سوپر آنلاین، دنیا تیلیکوم اریناسی نینگ مهم ترماقلرینی تورکیه ده ییغیشتیره دی. تیلیکومنیکیشن سکتوری نینگ بویوک شرکتلری 1-3 اکتوبرده انتالیاده کوتیب آلینه دیلر. تورک تیلیکوم انترنیشنل و تورکسل سوپر آنلاین "خلق ارا ترماقلر مشتری پروگرامی" ده "تورکیه نی منطقه نینگ ارتباط مرکزی قیلیش ریجه سی دایره سیده مهم پیاملر بیره دی. ییغیلیش گه 40 دن آرتیق اولکه دن 100 شرکت و 300 قتنه شووچی نینگ اشتراک ایتیشی کوتیلماقده.

وطن روزنامه سی: پارتمان ساتیشلری کوپه ییب بارماقده

تورکیه ده اینگ یخشی سرمایه گذارلیک دیب کوریلگن پارتمان سکتوریده ساتیشلر سونگی 6 ییل جریانیده کوپه ییب بارگن. 2013 ییلی جنوری آیی بیلن 2018 ییلی اگست آیی اورته سیده توپلم 5 میلیون 895 مینگ 269 پارتمان ساتیلگن. اوتگن ییلی 1 میلیون 409 مینگ 314 بیلن سونگی 5 ییل نینگ ریکاردی قولگه کیریتیلدی. جاری ییل نینگ جنوری – اگست آییده 875 مینگ 64 پارتمان ساتیلگن.

یینی شفق روزنامه سی: تورک هوا یوللری بگاژ مسئله سینی حل قیلووچی تکنالوژی کیلتیردی

تورک هوا یوللری بیر مدت آلدین قیلگن تکنالوژیک ینگی لیک آرقه لی یولاوچیلر بیر کارت نینگ یاردمی بیلن بگاژلرینی تسمه دن کیلیشینی اوزاق مدت کوتیب تورمه یدیلر. RFID کارتنی بگاژیگه قویگن یولاوچیلرگه مسیج آرقه لی معلومات بیریله دی. شونده ی قیلیب یولاوچیلر قونلغه ده کوپ وقت مصرف قیله یدیلر. شو وقت فقط آتاتورک تشقی پروازلر بولیمیده بولگن بو تیزیم ینگی قونلغه ایچکی و تشقی پروازلرگه هم عملی بولیب باشلنه دی.

ستار روزنامه سی: دینگیزده 2 میلیارد لیره لیک قاییق کورگزمه سی

خلق ارا Boat Show Eurasia کورگزمه سی 2-8 اکتوبر تاریخلری اورته سیده استانبول ویاپورت مریناده آچیله دی. 2019 ییلی خاص تیارلنگن کیمه لرنینگ ارزشی 4 میلیارد لیره دیر. 60 مینگ لیره بیلن 75 میلیون لیره آره سیده بولگن 200 دن آرتیق کیمه نمایش گه قوییله دی. کورگزمه ده تورک مالی گیویلو کیمه 75 میلیون لیره بیلن تورکیه نینگ اینگ ارزشلی کیمه سی دیرب. بو ییل 240 میلیون لیره ساتیش آماجلنماقده.

صباح روزنامه سی: سیواس نینگ هابیت اویلری دنیا مقیاسیده علاقه کورماقده

سیواس بلدیه سی تامانیدن یوزوک لرنینگ افندیسی فلمیده گی هابیت اویلریدن الهام آلیب میله جاییده قورگن اویلر چیت ایلدگیلرنینگ هم علاقه سینی اوزیگه جلب قیلیب آلماقده. قیزیق معماریسی بیلن علاقه نی اوزیگه جلب قیلگن مهمانلر طبیعت نینگ ایچیده گی گوزه ل هوتل کبی حس قیله دیلر. طلب کوپ بولگن لیگی باعث ایککینچی سانی آرتیریلدی.