تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: مولود چاووش اوغلی امریکالیک کسبداشی بیلن ملاقات قیلدی. تشقی ایشلر وزیری مولود چاووش اوغلی امریکا قوشمه ایالتلری تشقی ایشلر وزیری مایک پمپیو بیلن تیلفون آرقهلی ملاقات قیلدی. دیپلوماتیک منبعهلردن آلینگن معلوماتگه کوره مولود چاووش اوغلی بیلن میاک پمپیو ادلیب بوییچه کیلیشیب آلینگن شرطنامه حقیده گپلشگن.
یینی شفق روزنامه سی: خلوصی آقر، تورکيه روسیه اورتهسیدهگی حربي فعالیتلرنینگ موافقلشتیریلگن روشده دوام ایتهجهگنی قید ایتدی. ملي مدافعه وزیری خلوصی آقر سوچیده کیلیشیب آلینگن مسألهگه توختهلر ایکن تیگیشلی تامانلر و منطقه خلقی اوچون مهم غلبه دییه بهالهدی. شونینگدیک تورکيه نینگ ادلبدهگی حربي فعالیتلری نینگ بوگونگچه بولگنیدیک، بوندن کیین هم روسیه بیلن موافقلشتیریلگن روشده دوام ایتهجهگنی قید ایتدی.
ستار روزنامه سی: تشقی ایشلر وزیرلیگی امریکا قوشمه ایالتلری خلقیگه تعزیه اظهار ایتدی.
تورکيه «فلورانسه» طوفانی نینگ امریکا قوشمه ایالتلریده کوپچیلیک نینگ جان بیریشی گه سبب بولگنلیگی حقیدهگی خبرنی چوقور قیغو بیلن قرشی آلگنلیگینی معلوم قیلدی. تشقی ایشلر وزیرلیگی امریکا قوشمه ایالتلریدهگی «فلورنسه» طوفانی یول آچگن یوقاتیشلر طفیلی امریکا قوشمه ایالتلریگه تعزیه اظهار ایتدی. مذکور تعزیهده، «طوفانده جان بیرگنلر نینگ یقینلریگه و امریکا قوشمه ایالتلری خلقیگه تعزیه اظهار ایتهمیز» دییلدی.
حریت روزنامه سی: تورکيه نینگ «کلیاپترا پلیاژی» دنیانی اوزیگه جلب ایتدی. تورکيه نینگ گوک اوا کورفزیده جایلشگن سیدیر آرالیدهگی « کلیاپترا پلیاژی» محلي و چیت ایلّیک سیاحلرنی اوزی جلب ایتدی. خصوصي اطراف-محیطنی حمایه قیلیش منطقهسیده جایلشگن سیدیر آرالیگه محلي سیاحلردن تشقری چیت ایلّیک سیاحلر نینگ هم قیزیقیشی کتّه ایکنلیگی حقیده گپیرگن موغلا مدنیت و توریزم مدیر وکیلی فلز قاره جه آغاچ، بو ییل آرالگه روسیه و اوکراینلیک سیاحلر نینگ قیزیقیشی یوقاری بولگنلیگینی تأکیدلهدی.
وطن روزنامه سی: تورک بلیغی دنیاده مشهور بولیب باشلهدی.
سوو و چارواچیلیک محصولاتلری ترماغی 2018-ییل نینگ بیرینچی 8 آیی دوامیده 1 میلیارد 625 میلیون دالرلیک صادراتگه قول قویدی. بو نینگ 640 میلیون دالری نینگ سوو محصولاتلری ترماغی تامانیدن عملگه آشیریلگنلیگینی قید ایتگن سوو محصولاتلری ایشلب چیقرووچی مرکز اتفاقی رهبری اورینباسری احسان بوزهن، «یورتیمیزده بلیقلر اوزاق دوام ایتگن فعالیتلر نتیجهسیده صفت جهتیدن یوقاری اورین ایگللب باشلهدی. آزیق-طعام خوفسیزلیگی بوییچه آلینگن سرتیفیکیتلر آرقهلی تورک بلیغی دنیاده مشهور بولیب باشلهدی» دیدی.