تورکیه نینگ مطبوعات خلاصه لری

تورکیه نینگ مطبوعات خلاصه لری  

یینی شفق روزنامه سی: « تورکیه ده راللی بیله شووی بولیب اوتدی»

جهان راللی بیله شوولری نینگ 10 – مسابقه سی بولمیش تورکیه راللیسی مرمریسده بولیب اوتدی. 8 ییل نینگ آرتیدن تورکیه ده اجرا ایتیلگن 2018 – ییلی راللی فعالیتی گه 22 مملکتدن 68 موتر و 136 سپورتچی قتنشدی. بیله شووده قازانگن سپورتچیلرنینگ مکافاتی جمهور باشلیغی رجب طیب ایردوغان تامانیدن بیریلدی.

وطن روزنامه سی: تورکیه سیاحت سکتوریده ریکارد اورنه تیلماقده.

انتالیا توریزم سکتوریده اینگ یخشی دوریده بولیب ریکارد اورنه تماقده. انتالیاگکه بوییل هوا یوللری بیلن کیلگن سیاح سانی 10 میلیون 47 مینگ 672 کیشی بولدی. اوتگن ییل نینگ خوددی شو دوریگه کوره 25 فایز 2016 – ییلی گه کوره 110 فایز برچه زمانلرنینگ اینگ یخشی ییلی بولمیش 2014 – ییلی گه کوره 621 مینگ کوپه یگن. جاری ییلده تورکیه نینگ توریزم ساحه سیده گی عایدی 35 میلیارد دالر، سیاح سانی نینگ 35 میلیوندن کوپ بولیشی کوتیلماقده.

ستار روزنامه سی: آق دینگیزده حاضرله نیب تورگن تورک عسکری کیمه سی، امکانیت و ظرفیتینی دنیاگه نمایان قیلدی.

دینگیز کوچلری قومندانلیگی نینگ ایلغار ملی لوجستیک کیمه سی TCG آقرگه تیک اوچردن توشیریش تربیه سی بیریلدی. دنیا کوچلری حربی کیمه لری بیلن آق دینگیزده اوزلری نینگ موجودیتلرینی کورستماقده ایکن بو تربیه لش بیلن دینگیز کوچلری وطندن اوزاق بیر جایده حرکت قیلیش امکانیت و ظرفیتی دنیاگه کورسه تیلدی.  

خبر تورک روزنامه سی: جرارد دیپاردیو تورک وطنداشی بوله من.

میلادی 2013 – ییلی روسیه تابعیتینی قولگه کیریتگن فرانسه لیک اکتور جرارد دیپاردیو اکتوبر آییده تورکیه گه کیله جگینی ایتدی. جمهور باشلیغی رجب طیب ایردوغان بیلن اوچره شه جگینی بیلدیردی. تورک تابعیتینی آلماقچی ایکن لیگینی ایتدی. دیپاردیونینگ روسیه و الجزایر وطنداشلیگی هم بار.

حریت روزنامه سی: تیار کییم صادراتچیلری فرانسه گه باره دی

تورک نساجی سکتوری دنیانینگ اینگ معتبر نساجی و تیار کییم فستیوالی دیب اتلگن پریمر ویزیون منوفکتورینگ پاریس کورگزمه سیگه 29 شرکت بیلن اشتراک ایته دی. 2018 – ییلی جریانیده 611 میلیون دالر صادرات قیلگن تورک نساجی سکتوری جاری ییل نینگ آخریگچه 1 میلیارد دالرنی اوتماقچی. کورگزمه 19-21 سپتامبر تاریخلریده اوتکزیله دی.