تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/78f0/a2eb/9d62/5acb2352e7e37.jpg?time=1718915904)
تورکیه نینگ مطبوعات خلاصه لری
ستار روزنامه سی: «ادلب گه قرشی اویوشتیریلگن هجوملر سیاسي جریانگه تۉسیقلیک قیلهدی».
جمهور رئیس لیک سوزچیسی ابراهیم قلین، ابراهیم قلین وزیرلر کینگشی جلسه سی نینگ آرتیدن بیانات بیردی.
دنیانی ادلبگه قرشی اویوشتیریلیشی احتمال بولگن هجوملرنی توختهتیشگه چقیردی. شونینگدیک، معمانی سیاسي یوللردن حل قیلیش بارهسیده کیلیشیب آلینیشی کیرهکلیگینی تأکیدلهدی. قلین، «ادلبگه قرشی اویوشتیریلگن هجوملر سیاسي جریانگه توسیقلیک قیلیب، ایشانچسیزلیککه یول آچهدی. اروپاگه اوزی نینگ سلبي تأثیرینی کورسهتهدیگن درجهده ینگی کوچ دالغه سی یراتهدی. شوندهی ایکن غرب، امریکا قوشمه ایالتلری و منطقه دولتلرینی اویوشتیریلیشی احتمال بولگن هجوملرنی توختهتیشگه چقیرهمیز» دیدی.
خبر تورک روزنامه سی: چاووش اوغلی ادلب مسألهسیگه توختهلر ایکن «تکلیفیمیز معلوم» دیدی.
رومانیاده اویوشتیریلگن تورکيه-رومانیالیکيه-پولشه تشقی ایشلر وزیرلری ییغیلیشی آرتیدن اویوشتیریلگن مشترک مطبوعات کنفرانسیده تشقی ایشلر وزیری مولود چاووش اوغلی سوريهدهگی وضعیت نینگ همهنی علاقهدار قیلگنلیگیگه اعتبار قرهتگن حالده، بو بارهده بیر خیل فکردهگی دولتلر بیلن بیرگهلیکده فعالیت آلیب بارگنلیکلرینی قید ایتدی. ادلب گه قرشی رژیم کوچلری بیلن بیرگه روسيه نینگ هجوملری نینگ هم دوام ایتگنلیگینی ایسلهتگن مولود چاووش اوغلی، «تکلیفیمیز معلوم. (ادلبدهگی) هجوملر توختهسین. ترور تشکیلاتلرینی یوق قیلیش اوچون بیرگهلیکده فعالیت آلیب بارهیلیک» دیدی.
یینی شفق روزنامه سی: تشقی ایشلر وزیرلیگی امریکا قوشمه ایالتلریگه اعتراض بیلدیردی.
تشقی ایشلر وزیرلیگی سوزچیسی حامی آقسوی، «فلسطین آزادلیک تشکیلاتی نینگ وشینگتوندهگی نماینده لیگی نینگ یاپیلیشی حقیدهگی قرار امریکا قوشمه ایالتلری نینگ یقین شرق تینچلیک جریانیده اوزی نینگ بیطرفلیگینی یوقاتگنلیگیدن دلالت بیرهدی» دیدی. آقسوی، تورکيه نینگ فلسطین خلقی نینگ یانیده بولیش گه دوام ایتهجگینی تأکیدلهدی.
وطن روزنامه سی: سوريه چیگرهسیگه کتّهکان بیراق اورنهتیلدی.
تورکيه نینگ سوريه چیگرهسیدهگی شانلی اورفا ولایتی نینگ جیلانپنار تومنیدهگی بیر تیپه گه اورنهتیلگن 150 متر مربع لیک تورک بیراغی آسیب قوییلدی. جیلانپنار بلدیه سی تامانیدن 50 مترلیک کتّه تورک بیراغی نینگ آسیب قوییلیشی طفیلی تومندهگی اوزبیک محلهسی یقینیدهگی تیپهلیکده علیحده مراسم اویوشتیریلدی. مراسمده جیلانپنار بلدیه باشلیغی مندرس آتیلا، عدالت و ترقیات حزبی نینگ تومن باشلیغی خالد شیمشیک بیلن بلدیه مجلسی اعضالری و کوپچیلیک اشتراک ایتدی.
صباح روزنامه سی: « تیک اوچر نینگ بیرینچی فعالیتی موفقیتلی ایدی. حتا تاریخ صحیفهلریده اورین آلیشی ممکن».
تورکيه نینگ بیرینچی اوزیگه خاص T625 تیک اوچری تورک مدافعه و هواچیلیک صناعتی نینگ بوگونگی کوندهگی دیزاین و ایشلب چیقریش ترماغیدهگی موفقیتینی یقّال کورسهتدی. ماشین توسعه بیریش پروژه سی، مذکور تیزیم نینگ اینگ اساسي نقطهسینی تشکیل ایتگن ماشین نینگ پروتوتیف تولیدی تماملندی و بیرینچی باسقیچ یعنی بیرینچی فعالیتی موفقیتلی اوتدی.