تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/0527/3e69/9a11/5b46f20fe501a.jpg?time=1718952122)
تورکیه نینگ مطبوعات خلاصه لری
حریت روزنامه سی، تورکيه دولت باشلیغی رجب طیب ایردوغان ترابزون شهریده اوتکزیلگن عدالت و توسعه حزبی مجلسیده تورکيه-امریکا قوشمه ایالتلری اورتهسیدهگی انقراضنی بهالهگنلیگینی یازماقده.
تورکيه دولت باشلیغی؛
«ترابزوندن توریب شونی ایتهمن کی، امریکا قوشمه ایالتلری نینگ حیلهسینی کوردیک و بو حیلهنی فاش ایتهمیز. سیز دالر بیلن بیزگه اوروش آچسنگیز، بیز هم باشقه چارهلر قیدیرهمیز. بیز ترورچیلیک تشکیلاتینی دیب 81 میلیونلیک اهالیسی بولگن مملکت بیلن شریکلیک و اتفاقچیلیکنی قربان قیلهدیگنلر بیلن خیرلشهمیز»،-دیدی
وطن روزنامه سی، «مسکودن بعضی تورک تبعه لریگه ویزه قولهیلیگی» سرلوحهسی بیلن بیرگن خبرگه کوره، روسیه تشقی ایشلر وزیرلیگی بعضی طلبلرگه جواب بیرگن تورکيه تبعه لریگه ویزهنی برطرف قیلیشگه تیار ایکنلیگینی معلوم قیلدی.
روسیه تشقی ایشلر وزیرلیگی ویزه حقیده یازمه بیانات بیردی.
بیاناتگه کوره، تشقی ایشلر وزیری سیرگی لاوروف 10-ایلچیلر کنفراسسی مناسبتی بیلن 13-14 اگست کونلری تورکيهده بولهدی. کنفراسده تورکيه و روسیه اورتهسیدهگی اقتصادي مناسبتلر محاکمه قیلینهدی.
«مملکتلریمیز اورتهسیدهگی سودا حجمیده کوزهتیلگن آرتیشنی ممنونیت بیلن بهالهیمیز. سفر چاغیده ایکّی دولت تبعه لری نینگ اوزارا سیاحتلرینی قولهیلشتیریش مسألهسی محاکمه قیلینهدی. مسکو تورکيه تبعه لریگه بعضی طلبلر بیلن ویزهنی برطرف قیلیشگه تیار ایکنلیگینی معلوم قیلهدی»، دییلهدی بیاناتده.
خبر تورک روزنامه سی، «سودا مشوره بیلن آلیب باریلهدی» سرلوحهسی بیلن بیرگن خبرگه کوره، تورکيه تجارت وزیری روخصار پیکجان ینگی دورده نادولت تشکیلاتلری بیلن فعال همکارلیک قیلیشینی و سودا همده صادراتنی آشیریش اوچون پرو اکتیف سیاست آلیب باریشینی بیلدیریب، «بو دایرهده همکارلیک کینگشی توزدیک. تجارت نینگ آلدیدهگی توسیقلرنی برطرف قیلیش و خصوصي سکتور نینگ آلدینی آچیش مقصدیده برچه نینگ تکلیف و توصیهلریگه قولاق ساله میز»،دیدی.
صباح روزنامه سی، «بیله جیکدن فرانسه گه 45 یوک موتریده چیغه ناق صادراتی» سرلوحهسی بیلن بیرگن خبرگه کوره، تورکيه نینگ بیله جیک ولایتیده «قاره چیغه ناق دولمه سی» ایشلب چیقرگن فابریکه بوتون محصولاتینی فرانسه گه صادر قیلماقده.
ستار روزنامه سی، «یاسمین جان اروپا اوچینچیلیگینی قولگه کیریتدی» سرلوحهسی بیلن بیرگن خبرگه کوره، تورکيه ملي اتلیتی یاسمین جان اروپا اتلیتیزم بیلشویده برونز مدال صاحبی بولدی.
آلمان نینگ پایتختی برلینده اوتکزیلگن پروسه نینگ فاینلیده تورکيه ملي اتلیتی یاسمین جان مسابقه ده 3- بولیب، برونز مدالنی قولگه کیریتدی.