تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامه سی: «تورکيه تشقی ایشلر وزیرلیگی یونانگه ناراضیچیلیک کورسه‌تدی"
تورکيه تشقی ایشلر وزیرلیگی سوزچیسی حامی آقسوی، یونان عدالت وزیری ستروفتوس کونتونیس نینگ تورکيه‌ده قیدیریلگن تروریستلر رویخطیده جای آلگن تورکيه کمونیست حزبیی-ماکسیست-لینینیست اعضاسی تورگوت قایا‌نی قَیتریب بیریشنی رد ایتیشیگه ناراضیچیلیک بیلدیردی. آقسوی، "انترپول تامانیدن قیدیریلگن تورگوت قایا‌نینگ، یونان محکمه سی نینگ قراریگه قره‌مه‌سدن یونان عدالت وزیری نینگ قراری بیلن تورکيه‌گه قَیترمه گنلیگی، یونان سیاستی نینگ اولکه‌میزگه قرشی اوزگرمه‌گنینی کورسه‌تماقده" دیدی.
خبر تورک روزنامه سی: "پیکجان، تجارتده ینگی یول خریطه‌سی بیلگیله‌دی"
تورکيه تجارت وزیری روخسار پیکجان، تورکيه نینگ صادرات یونه‌لیشی نینگ دوام ایتیشینی ایتدی. پیکجان، "فعال و اولکه‌لرگه خاص استراتیژيلر بیلن ینگی بازارلر تاپه‌میز. بو دایره‌ده چین، لاتین امریکا، مکسیکو و افریقا کبی بازارلرگه کیره میز" دیدی.
ستار روزنامه سی: «تورکيه اتوموبیل صادراتی جولای آیی آرتدی"
اتوموبیل سکتوری جولای آیی صادراتی، اوتگن ییل نینگ عینِ آیی 13،8 % اوسیب 2 میلیارد 765 میلیون دالر بولدی. جنوری-جولای آره‌سیده یینگیل اتوموبیل صادراتی اوتگن ییل نینگ عینِ دورلریگه قره‌گنده 7 % آرتیب 7 میلیارد 662 میلیون دالر بولر ایکن، اتوموبیل قوشیمچه پرزه لری ایشلب چیقریش صادراتی 22 %، یوک تاشوو واسطه‌لری صادراتی 15 %، اتوبس کیچیک اتوبس صادراتی هم 6 % رواجلنگنی کوزه‌تیلماقده.
حریت روزنامه سی: "مانشنی اینگ تیز اوتگن ایلک تورک عیال"
تورک سپورتچی بنگیسو آوجی، انگلستان و فرانسه نی بیر بیریدن اجره‌تگن مانش دینگیزینی اینگ تیز سوزیب اوتگن تورک عیال عنوانیگه ایگه بولدی. انگلستان قیرغآغیده‌گی داویر شهریدن سوزیشگه باشله‌گن آوجی، 29 ساعت 11 دقیقه‌دن کیین فرانسه قیرغآغیده‌گی کاپ گریس نیزگه باریب ییتدی. حرارتی 14 بیلن 17 درجه اوزگرگن سووده سپورتچی اوزلوکسیز 36 ساعت سوزدی.
صباح روزنامه سی: «تورکيه‌ده ایلک برقی اتوبس حاجت تپه ده خدمتگه اوته‌دی"
تورکيه‌ده ایشلب چیقریلگن ایلک 100% چارچلی اتوبس، انقره حاجت تپه عالی بیلیم یورتیده اوقووچیلرگه خدمت بیره‌دی. اطراف-محیطنی محافظه ایتیش مقصدیده اخترا ایتیلگن اتوبس، نفت اورنیگه طبيعي انرژی منبعی بولگن برق کوچی بیلن ایشله‌یدی.
