تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
ستار روزنامه سی: تشقی ایشلر وزیرلیگی: «امریکا قوشمه ایالتلری نینگ تجاوزکار حرکتیگه لایق جواب بیریلهدی».
امریکا قوشمه ایالتلری نینگ تورکيه وزیرلریگه چیکلاو جاري ایتیشیگه تورکيه تشقی ایشلر وزیرلیگی جواب بیردی. وزیرلیکدن شو حقده بیریلگن بیاناتده، «چیکلاو جاري ایتیش حقیدهگی قرارنی کیسکین قارهلهیمیز. هیچ قندهی مقصدگه خدمت قیلالمهیدیگن بو تجاوزکار خطی-حرکتگه تیزلیک بیلن جواب بیریلهدی. امریکا قوشمه ایالتلری باشقرووینی مذکور ناتوغری قراردن واز کیچیشگه چقیرهمیز» دییلدی.
صباح روزنامهسی: ایردوغان اولیم جزاسی مسألهسیگه توختهلدی.
جمهور باشلیغی رجب طیب ایردوغان تورکيه نینگ حقاری ولایتی نینگ یوکسیک اوا تومنیده، پی کاکا ترور تشکیلاتی تامانیدن یولگه آلدیندن جایلشتیریب قوییلگن پارتلاوچی مادّه نینگ اوزاقدن پارتلهتیلیشی عاقبتیده شهید بولگن عسکرنینگ تورموش اورتاغی و اونینگ فرزندی نینگ جنازه مراسمیده سوزلهگن نطقیده، «اعدام جزاسی نینگ مین اوچون قنچهلیک نازک مسأله ایکنلیگینی یخشی بیلهسیز. لیکن موضوع پارلمان تامانیدن قبول قیلینگودیک بولسه، تصدیقلشدن باش تارتمهیمن» دییه گپیردی.
یینی شفق روزنامهسی: تقریبا 35 مینگ سوريه تبعه سی جان سهقلهگن 5 ته باشپناه مرکزی یاپیلیپدی.
جمهور باشلیغی ایردوغان تامانیدن سیلاوآلدی کمپاینلرده قَیت ایتیلگنیدیک تورکيهدهگی سوريهلیک مهمانلر اوز توپراقلریدهگی خوفسیز حدودلرگه قَیتیپدی. بو نینگ اوچون کیرهکلی بیرینچی فعالیتلر عملگه آشه باشلهدی. شو دایرهده مملکت نینگ غازی انتیب، آدی یمان و ماردین ولایتلریده سوريهلیکلر قالگن و وقتینچهلیک خدمت بیرگن 5 ته باشپناه مرکزی یاپیلیب، کمپده گی 34 مینگ 180 مهاجر چیگرهدهگی ینگی کمپلرگه جایلشتیریلهدی.
حریت روزنامهسی: اژه دینگیزیدهگی مهم وظیفه. سووآستیده ایشلهیدیگن قوماندانلیک اوچون تورک انجنیرلری تامانیدن یهسهلگن، دنیا نینگ اینگ تیزکار و رادارگه توشمهیدیگن، «یونجه-اونوک» دیب اتهلگن قاییق بودرومگه کیلدی. مذکور قَاییق یاز موسمی دوامیده بودروم و اونینگ محلهلری قیرغاغیدن اوزاق نقطهدهگی دینگیز بیلن کردهک قایهلری آرهسیدهگی منطقهده، قاچاقچیلیک و یونانگه قرهشلی ساحل خوفسیزلیک خدمتی قَاییقلری نینگ تورک سوولریگه رخصتسیز کیریشی نینگ آلدینی آلیش ایشلریده فایدهلنیلهدی.
وطن روزنامهسی: کپه دوکیاده اروپالیک سیاحلر سانی نینگ آرتگنلیگی کوزهتیلدی. کپهدوکياده تصویرگه توشیریلگن سریال و فلملر، منطقهدهگی اروپالیک سیاحلر سانی نینگ آرتیشیگه ایجابي حصه قوشماقده. وولقان طفیلی پیدا بولگن قیزیق کورینیشلر و غار شهرچهلری بیلن مشهور بولگن کپه دوکیاده آخرگی وقتلرده اروپالیک سیاحلر سانیده جدّي آرتیش کوزهتیلماقده. اروپاده تماشابینلر اعتباریگه حواله قیلینگن و اروپالیکلرده کتّه قیزیقیش اویغاتگن «Todeo Jones 2: قرال میداس نینگ سِیرّی» دیب ناملنگن فلم نینگ هم کتّه حصهسی بار دیسهک مبالغه بولمهیدی.