تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: «جمهور رئیسلیک سوزچیسی ابراهیم قلیندن مهم بیانات"
تورکيه جمهور رئیسلیک سوزچیسی ابراهیم قلین، "ملي خوفسیزلیک کینگشیده هم محاکمه قیلینگنی کبی، مملکتیمیزده، منطقه‌میزده و گلوبال حادثه‌لر طفیلی میدانگه کیلگن خوفسیزلیک تهدیدلرینی برطرف ایتیشگه قرشی آلیب بارگن کوره‌شیمیز دوام ایته‌دی" دیدی. سوريه‌ده‌گی ایچکی اوروشگه سیاسي بیر ییچیم تاپیش غیرتلریگه هم توخته‌لیب اوتگن قلین، بو بیلن علاقه‌لی سیاسي کیریشوولر نینگ دوام ایتگنینی و بونلردن بیری نینگ ساچی جلسه سی ایکنلیگینی قید ایتدی.
ستار روزنامه سی: «شانلی اورفا‌ده سوريه چیگره‌سیده 6 مترلیک تورک بیراغی آسیلدی"
شانلی اورفا نینگ آقچه قلعه بلدیه سی تامانیدن خوفسیزلیک مرکزی نینگ حویلیسی گه 6مترگه 4 مترلیک تورک بیراغی آسیلدی. بیراق نینگ، ترور تشکیلاتی PKK/YPG نظارتیده‌گی تل ابیاض حدودیدن انیق کورینگنی بیلدیریلدی.
یینی شفق روزنامه سی: «محلي İHA اوله‌ک هجومگه تیار"
تورک مدافعه صناعتی اختراع ایتگن اوچووچیسیز هوا واسطه‌سیگه (İHA) اوله‌ک هم قوشیلدی. موازنتلی ایلنگن پروانه‌سی بولگن İHA نینگ برچه خصوصیتلرینی اوزیگه مجسم ایتگن اوله‌ک نینگ، جاري ییل آخریده ایشلب چیقریلیشی و واسطه‌گه ینگی خصوصیت علاوه ایتیلیشی ریجه لنماقده.
حریت روزنامه‌سی: "صبیحه گوکچینده یولاوچی حجمی 41 میلیونگه کوتریله‌دی"
استا‌نبول صبیحه گوکچین خلق‌ارا قونلغه سیده 26 میلیون یورولیک سرمایه گذارلیک بیلن خدمتگه اوتگن ینگی ایچکی سفرلر ترمینا‌لی نینگ قوشیمچه بناسی نینگ آچیلیشی بولیب اوتدی. اوشبو قوشیمچه بنا بیلن قونلغه نینگ یولاوچی حجمی 41 میلیونگه کوتریله‌دی.
وطن روزنامه سی: «توریزم درآمدی ریکارد اورنه‌تدی"
تورکيه نینگ توریزم درآمدی، ییل نینگ ایکّینچی چایره‌گیده اوتگن ییل نینگ عینِ دوریگه قره‌گنده 30،1 % آرتیب 7 میلیارد 44 میلیون 591 مینگ دالر بولدی.
