تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک روزنامه سی: مولود چاووش اوغلی: « -YPG ترور تشکیلاتیدن قوراللر قَیتریب آلینه‌دی» دیدی.
مولود چاووش اوغلی امریکا قوشمه ایالتلری تشقی ایشلر وزیری مایک پمپیئو بیلن کیلیشیب آلگن موضوعلر حقیده انتا‌ليا‌ده ژورنالیستلرگه بیاناتلر بیردی. چاووش اوغلی بو حقده، امریکا قوشمه ایالتلری ییتکچیلری پی کاکا ترور تشکیلاتی نینگ سوريه‌ده‌گی قناتی PKK/PYD-YPG ترور تشکیلاتینی ترور تشکیلاتی دیب تن آله‌دیگندیک. اولر منبجدن چیقیب کیتر ایکن امریکا قوشمه ایالتلری بیرگن قوراللر قَیتریب آلینه‌دی» دییه گپیردی.
حریت روزنامه سی: جهان بانکی تورکيه نینگ اوسیش تخمینلری حقیده‌گی فکرینی اوزگرتیردی.
جهان بانکی نینگ «گلوبال اقتصادي اوسیش تخمینلری» حساباتی نینگ شو ییل نینگ جون آییده‌گی سانی چاپ ایتیلدی. حساباتده دنیا نینگ بعضی دولتلری نینگ اوسیش تخمینلری کوریب چیقیلر ایکن شونگه کوره جهان بانکی اقتصادی تورکيه نینگ اوسیش تخمینلرینی 2018-ییل اوچون 4.5 فایز؛ 2019-2020 ییللر اوچون ایسه 4 فایز دیب بیلگیلب آلدی.
صباح روزنامه سی: بیرینچی بورغولش کیمه‌سی «فاتح» انتا‌ليا‌گه ییتیب باردی. ایزمیت کورفزیدن یولگه چیققن «تورکيه نفت-گاز» سهامی جمعیتی نینگ آق دینگیزده عملگه آشیره‌دیگن و چقور قازیش ایشلری اوچون فایده‌لنیله‌دیگن بیرینچی فعال بورغولش کیمه‌سی «فاتح»، انتا‌ليا‌گه ییتیب باردی.
وطن روزنامه سی: تورک هوا یول، تورکيه نینگ اینگ قیمت‌بها مارکی دیب تاپیلدی. خلق ارا مارک تیکشیروو دیب ناملنگن بریندلر بها بیریش بوییچه اینگ ییریک موسسه سی نینگ تیکشیروویگه کوره تورک هوا یوللری 2 میلیارد 42 میلیون دالرلیک بهاسی بیلن «تورکيه نینگ اینگ قیمت‌بها هوا یولی» دیب تاپیلدی.
ستار روزنامه سی: تورک شرکتی آلمان نینگ ییریک شرکتینی ساتیب آلدی.
تورکيه‌ده 2013-ییلدن بیری فعالیت آلیب بارگن «Borlease گروپ» جرمني نینگ ییریک بیمه شرکتی «مه‌گدیبورگیر»نی «Allianz» بیمه شرکتیدن ساتیب آلدی.
