تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/a9ea/d60d/1b96/58255f645da05.jpg?time=1718859053)
تورکیه نینگ مطبوعات خلاصه لری
یینی شفق روزنامه سی: "ایردوغان بیلن پوتین اوچرهشدی" دیب یازماقده.
توکيه جمهور باشلیغی رجب طیب ایردوغان، روسیه جمهور باشلیغی ولادیمیر پوتین بیلن تیلفون آرقهلی کوریشدی. صحبتده سوريهدهگی سونگی احوال، آق قویو نوکلر سنترال پروژه سی بیلن تورک آقیمی طبيعي گاز ترماغی پروژه سی نینگ ایجابي سیلجیشیدن ممنون بولگنینی افاده ایتگن ایکّی رهبر شونینگدیک، سوريهده سیاسي ییچیم گه یول آلیش اوچون آستانه جریانی بیلن قولگه کیریتیلگنلر نینگ اهمیتیگه توختهلیب اوتدی.
خبر تورک روزنامه سی: "چاووش اوغلی آلمانده گپیردی" دیب چاپ ایتگن.
آلمان نینگ سالینگین شهریده 25 ییل بورون عرقچیلر تامانیدن اوییگه قصداً اوت قوییلیشی نتیجهسیده حیاتینی یوقاتگن 5 نفر گنچ عایلهسی اوچون دوسلدورفدهگی شمالی رین ویستفایه ولایتیده باش وزیرلیک بناسیده یادگه آلیش مراسمی اوتکزیلدی. مراسمگه آلمان باش وزیری انگیلا مرکل، تورکيه تشیق ایشلر وزیری مولود چاووش اوغلی، ولایت حاکمی ارمین لسچیت بیلن کوپ سانده دولت اربابی قتنهشدی. چاووش اوغلی سوزلهگن نطقیده، گینچ عایلهسی یشه گن حادثه و آلمانده عرقچی هجوملرگه اوچرهگن باشقه تورکلر نینگ معماسیگه دقت قرهتیب، "آلماننی اوزلری اوچون ایکّینچی وطنی دیب بیلگن بو انسانلرنینگ یگانه ایستهگی بو جمعیت نینگ تینگ فردلری بولیشدیر" دیدی.
ستار روزنامه سی: "اسیلسان اسیست، آی صنفی دینگیز آستیده خدمتگه باشلهدی"
حربي الکترونیک صناعتی نینگ (اسیلسان)، انترسیپت سانر سیستمی (اسیست)، آی صنفی دینگیز آستیده خدمت بیریشگه باشلهدی. اوزگریشلرنی اسیلسان مطبوعات انجمنی بیلن ایشیتتیردی. اسیلسان، اسیستی دینگیز کوچی نینگ احتياجلریگه جواب بیرهدیگن شکلده، حربي ستندردلرگه ماس اوله راق توزدی. کیمه ایچیدهگی بولیملرگچه، بوتونلهی محلي امکانیتلردن فایدهلنیلدی. دینگیز کوچلری اسیست آی صنفی دینگیز آستیده سینهب کوردی و موفقیتلی بولگنیگه قرار قیلدی.
صباح روزنامه سی: "توریستلر انتالیاگه آقیم ایتماقده" دیب چاپ ایتگن.
تورکيه توریزمده 2018-ییلی 14 میلیون توریست گه میزبانلیک قیلگن انتالیاگه، 28- می کونیدن اعتباراً فقط قونلغه لردن کیلگن توریستلر سانی 3 میلیونگه باریب ییتدی. اوشبو رقملر، 2015-2016-2017 ییللردهگی رقملرنی اوتر ایکن، توریزمده اینگ یخشی ییل دیب بیلینگن 2014 ییلگه دییرلی یقینلشدی.
وطن روزنامه سی، استانبولده 1700 ییل لیق قبر تاپیلدی
استانبول تاریخی شیخ سلیمان مجسدی نینگ ترمیمی جریانیده زیرخانه ده 1700 ییل لیق ایکن لیگی تخمین قیلینگن "پاگان قبری" یوزه گه چیقدی. وقف لر 1 – منطقه مدیری مرسل سری، اوستیگه مسجد توزیلگن بنانینگ زیرخانه سیده روما دوریدن قالگن یینه ایککی قوات باشقه بار. آستیده گی بیرینچی قوات سیکیز بولیمدن عبارت بیر قبر بناسی دیر، دیدی.