تورکیه نینگ مطبوعات خلاصه لری

تورکیه نینگ مطبوعات خلاصه لری  

وطن روزنامه سی، جیوترمالدن برق تولیدی 4 آی جریانیده 35 فایز آرتیب کیتگن.

جیوترمال الکتریک سنترالی سرمایه گذارلری اویوشمه سی، جاری ییل نینگ ایلک 4 آیی جریانیده بو سنتراللردن برق تولیدی نینگ 2017 – ییلی گه کوره 35 فایز آرتیب 2 ملیارد 259 ملیون کیلوات ساعتگه بارگنینی بیلدیردی.

ستار روزنامه سی: ینگی بیر قونلغه توزه تیله دی

باش وزیر اورین باسری و حکومت سوزلاوچیسی بکر بوزداغ، یوزگات نینگ سرعتلی ریل ساختمانی نینگ 2019 – ییلی نینگ ایککینچی دوریده نهایی بولیشیدن خبر بیردی. بوزداغ، یوزگات قونلغه سی نینگ بنیادی نینگ 3 جون یکشنبه کونی قوییلرلیگینی ایتدی.

صباح روزنامه سی: تناپ پروژه سی نینگ سونگی ییتیب کیلدی

آذربایجان هزار دینگیزیدن چیقرگن طبیعی گازنی تورکیه آرقه لی اروپاگه آلیب باریشنی مقصد قیلیب آلگن ترانس اناطولی طبیعی گاز ترماغی پروژه سی (TANAP) تورکیه گه کیره دیگن بولیمی ارداخان پوسوفده نل بیرلشتیریش پروسه سی نهایی بولدی. نللر توپراققه کومیلدی.

خبر تورک روزنامه سی، تورکیه قیزیل یریم آی اداره سی بیلن قطر خیرات موسسه سی یمن گه 1 ملیون دالر بخشیش قیله دی

تورکیه قیزیل یریم آی اداره سی بیلن قطر خیرات موسسه سی اورت سیده بولگن کیلیشووگه کوره یمن گه بشری فعالیتلر اوچون 1 ملیون دالر بخشیش قیلینه دی.

قیزیل یریم آی نینگ استانبول دفتریده بولگن مراسمده قیزیل یریم آی باشلیغی کرم قینیق بیلن قطر خیرات موسسه سی باشلیغی فیصل رشید الفحاید همکارلیک کیلیشوونی امضاله دیلر.

صباح روزنامه سی، تورکیه حربیسی ینگی تکنالوژیلر بیلن بایلشتیریله دی

مدافعه صنایع مستشارلیگی 2017 – ییلی کیتمه – کیت تسلیمات پروگراملری عملگه آشیردی. 2017 ییلی خوفسیزلیک کوچلری نینگ خذمتی گه ینگی قورال، واسطه و اسبابلر تقدیم ایتیلدی. بوره و K قطارلری نینگ راکتلرنینگ تیست و قبوللری نهایی بولیب 200 دن آرتیق راکت تسلیم ایتیلدی. حرب نینگ کوچی ینگی کیمه لرنینگ قتنشیشی بیلن کوپه ییب کیتدی.