تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: ایردوغاندن یورتداشلرگه، محلي پولینگیزنی اسعار بیلن المشمنگ»
جمهور باشلیغی رجب طیب ایردوغان، اسعار بازاریدهگی تولقینلی حالتنی محاکمه قیلدی.
جمهور رئیس لیک مجتمعیده بولیب اوتگن افطار دستوریده بیاناتلر بیرگن ایردوغان،
«مینیم خلقیمدن التماس، اوز ملي پولینگیزنی اسعارگه المشتیرمنگ» دیدی. ایردوغان، « ملي پولیمیز بیلن حرکت ایتیشگه دوام ایتهمیز. ملي لیک محلي لیک، وطنپرورلیک نینگ اساسيدیر. بونی حمایه قیلسهک استقبالیمیز جوده هم فرقلی بولهدی. بوگونگچه جوده کوپ قیین کونلرنی تورکيه اوز باشیدن اوتکزدی. اللّه نینگ یاردمی بیلن و ملتیمیز نینگ حمایهسی بیلن بو مسألهنی هم آشیب اوته میز» دیب قید ایتدی.
ستار روزنامه سی: ایردوغان: اسعار بازاریدهگی تولقینلنیش تورکيه نینگ اقتصادي حقیقتلری بیلن ماس ایمس»
جمهور باشلیغی رجب طیب ایردوغان، آخرگی کونلرده اسعار بازاریده صادر بولگن قسمی تولقینلنیش تورکيه نینگ اقتصادي حقیقتلری بیلن ماس ایمس، دیدی. « تورکيه اوتگن ییل 7،4 فایز نسبتیده اوسگن، هنوز هم اوشبو جریانده اوسیشینی دوام ایتتیرگن بیر اولکهدیر» دیگن ایردوغان، « صادراتیمیز جاري ییل نینگ اپریل آییده 161 میلیارددن آشیب کیتدی. جاري ییل نینگ آخریده 170 میلیاردنی آشه دی دیب اویلهیمیز. توریزم 40 میلیوندن کوپ، 30 میلیارد دالر پول تشلب کیتیشی کوتیلماقده. بانکلریمیز امریکا قوشمه ایالتلری، اروپادهگی اوز تینگداش تشکیلاتلریدن ایکّی برابر ینه کوچلی سرمایه ییترلیلیککه ایگهدیر. دولت قرضلری 8،4 فایز بولگن ملي درآمدیمیزگه بولگن نسبتی جهتیدن هم رواجلنگن اولکهلرنینگ کوپیدن جوده ایلگریده میز . بوندهی بیر شرایطده اولکهمیزده اسعار بازاری نینگ کوتریلیشی نینگ سببینی توغری انیقلش کیرهک» دیدی.
وطن روزنامه سی « تورکيه انرژی ساحهسیده ییریک قدملر تشلشگه تیار»
تورکیه رادیو تلویزیون اداره سی TRT ده جانلی روشده آلیب باریلگن مخصوص دستورده جمهور باشلیغی رجب طیب ایردوغان، تورکيه انرژی ساحهسیدهگی تشلهگن قدملر بارهسیده معلومات بیردی. حقاریده ینگی نفت قازیب چیقریش اوچون قودوقلر آچیلهدی دیگن ایردوغان، اتوم انرژیسی بیلن علاقهلی مرسین آق قویو استشنی نینگ انشاات فعالیتی دوام ایتگنینی، ینگی اتوم انرژی استشنینی انشا ایتیلیشینی معلوم قیلدی. تازه انرژی پروژهلریگه اهمیت بیرگنلرینی افاده ایتگن ایردوغان، ترانس انادولی طبيعي گاز پیپ لاین ( تناپ) بیلن آذربایجان طبيعي گازینی تورکيه آرقهلی اروپاگه ییتکزیب بیریشلرینی قید ایتدی. تورکيه شمال انرژیسیده مینگ میگواتلیک جوده جدّي بیر قدمنی قونيهده تشلهگنلرینی معلوم قیلدی.
یینی شفق روزنامه سی: ایرانلیکلر سیاحت اوچون تورکيهنی تنلهماقده»
امریکا قوشمه ایالتلری اتوم کیلیشوویدن چیقیب کیتیب چیکلاولر تطبیق ایتیش قراری آلگن ایراندن تورکيه گه سیاح کیلیشی کوتیلماقده. 2017- ییلیده 2،5 میلیون نفر ایرانلیک سیاحنی مهمان قیلگن توریزم سکتوری مریکا قوشمه ایالتلری و اروپا بیرلیگی بازاریگه چیکلاولر طفیلی باره آلمهیدیگن ایرانلیک سیاحلر تورکيهگه قرهب یونهلدی دیب قید ایتیلماقده. غربلیک سیاحلرگه کوره 35-40 فایز کوپراق خرجت قیلگن ایرانلیک سیاحلر کیلگوسی دور تورکيه کیلیشی کوتیلماقده. جاری ییل نینگ اوچ آییده تورکيهگه اینگ کوپ سیاح یوبارگن اولکهلر قطاریده 738 مینگ کیشی بیلن ایران بیرینچی اوریننی ایگهلهدی.
خبر تورک روزنامه سی: « بیشیکتاش، اروپاده اینگ کوپ اعتباری آرتگن جماعه بولدی»
آلدینگی ییل بیری- کیتین قهرمان بولگن و آخرگی ایکّی ییلده اروپادهگی کورهشی بیلن یخشی درآمدگه ایگه بولگن بیشیکتاش، اروپا نینگ اینگ کوپ اوسگن کلوپی بولدی. دنیاگه مشهور تیکشیروو و مصلحتچیلیک شرکتی KPMG Football Benchmark گروهی هر ییل تیارلب کیلگن اروپا ایلیتی تدقیقاتاتی نینگ آخرگی حساباتیده اروپا فوتبالی نینگ اینگ قیمتلی 32 جماعهسی بیلگیلندی. تدقیقاتگه کوره، تورکيه عالي لیگی نینگ اینگ قیمتلی کلوپی بیشیکتاش 52 فایزلیک نسبتی بیلن اروپا نینگ اینگ کوپ قیمتی کوتریلگن گروهی دیب حسابلندی.