تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامه‌سی: جمهور رئیس ایردوغان سوءِقصد تیارگرلیگی حقیده‌گی ادعالرگه جواب بیردی. جمهور رئیس رجب طیب ایردوغان رسمی سفر بیلن بیر کونلیگیگه بازنيا‌گه بارر ایکن سرایوواده دولت کینگشی رهبری بکر عزت بیگ اویچ بیلن اوزارا و هیئتلر ارا اوچره‌شوو اوتکزدی. آرتیدن مشترک مطبوعات انجمنی اویوشتیردی. سوءِقصد تیارگرلیگی حقیده‌گی ادعالرگه بیرینچی مراتبه مذکور مطبوعات انجمنیده توخته‌لگن ایردوغان، «بو حقیده‌گی معلومات مینگه هم ییتیب کیلدی. مین شو نینگ اوچون هم بو ییرده‌من» دیدی.
ستار روزنامه‌سی: جمهور رئیس ایردوغان چیت ایلده‌گی تورکلر حقیده‌گی خوش خبرنی بوزنیا و هرزگوینا‌ده بیردی. جمهور رئیس رجب طیب ایردوغان سرایووده اروپالیک تورکلرنینگ دموکرا‌تیک اتفاقی نینگ 6- ییغیلیشیده نطق سوزله‌دی. ایردوغان مذکور نطقیده، «سیز گه بیرگن وطنداشلیگینی مطلقا آلینگ. اگر بیرسه باش تارتمنگ، آلینگ. ایکّی مملکت وطنداش لیگیگه رخصت بیرگن مملکتلرده بیز ایتمسه‌ک هم هیچ قنده‌ی معما یوق. بو باره‌ده فرقلی طرزده ایش آلیب بارگن مملکتلر اوچون ماوي کارت قاله ویرسه، تورکيه‌ده‌گی حق و حقوقلرینگیزنی قولدن بای بیرمه‌ی تورگن درجه‌ده ایکّی مملکت وطنداشلیگیدن فایده‌لنه آلیشلیگینگیز اوچون تورلی یوللر ایزلب تاپدیک» دیدی. ایردوغان، «اسعار آرقه‌لی حربي خدمتنی ادا قیلیش باره‌سیده نرخنی 6 مینگ یورودن 1000 یورگه توشیریش بیلن‌گینه چیکلنیب قالمه‌ی، 38 یاشدن کتّه لیکن اسعار آرقه‌لی حربي خدمت ادا قیلیش یوللریگه مراجعت قیلمه‌گن کیشیلر نینگ معماسینی هم یقینده حل قیله‌میز» دیب گپیردی.
صباح روزنامه‌سی: بن علی ییلدیریم، «کوتگنیمیز بولمه ی قالدی» دیدی.
باش وزیر بن علی ییلدیریم یونان‌ده هفته‌ده بیر مراتبه چاپ ایتیلگن هفته نامه‌سیگه بیانات بیردی. بن علی ییلدیریم شو دایره‌ده 2016-ییل نینگ 15-جولایی کونی، فتح الله چی ترور تشکیلاتی موازی دولت توزیلمه‌سی تامانیدن قول اوریلگن تونتریش تشبثی یوز بیرگن کونی کیچه‌سی یونان‌گه قاچگن 8 نفر FETÖ/PDY ترور تشکیلاتی اعضاسی مسأله‌سیگه توخته‌لر ایکن باش وزیر بو حقده، « یونان عدالتی تامانیدن قبول قیلینگن قرار بیز اوچون کوتیلمه گن حادثه بولدی. چونکه یوقاریده نامی تیلگه آلینگن شخصلر گناهسیز انسانلرنینگ اولیب یره لنیشی گه باعث بولگن انه شو تونتریش تشبثیده اشتراک ایتدیلر. مجلسنی بمباردمان قیلدیلر. خلق تامانیدن سه‌یلنگن جمهور رئیسنی نشانگه آلدیلر. دموکرا‌تیک طرزده سه‌یلنگن حکومتنی تونتره آلمه‌سلیگینی کوریب مذکور 8 کیشی تیک اوچر بیلن، ناقانوني یوللر آرقه‌لی قاچیب کیتدی. قبول قیلگن قراری آرقه‌لی یونان عدالتی، خلق‌ارا حقوق قاعده‌لریگه توغری کیلمه‌گن روشده اولرنی جزاگه تارتمه‌دی. قربان بولگن شخصلرنینگ حقوقینی پایمال قیلدی» دیدی.
یینی شفق روزنامه‌سی: کیمه توریزمی اوچون ایش‌لر قوله‌یلشتیریلدی.
ترانسپورت، دینگیزچیلیک و خبرلشوو وزیری احمد ارسلان، تورکيه نینگ آق دینگیزی نینگ اینگ مهم کیمه توریزمی مرکزیگه ایلنتیریلیشی مقصدیده بروکراتیک پرسه‌لر نینگ قیین چیلیگی نینگ یوق قیلینگنلیگینی بیلگیلب اوتگن حالده، کیمه لرنینگ تورکيه‌گه کیریب کیلیشی بیلن 1 یاکه 1.5 کون دوام ایتگن طبي خدمتلرنی 5 دقیقه‌گه توشیرگنلیکلرینی قید ایتدی. احمد ارسلان تورکيه نینگ کیمه توریزمیده آق دینگیزی نینگ اینگ گا‌و-جوم مرکزلریدن بیریگه ایلنیشی اوچون مهم فعالیتلر آلیب بارگنلیکلرینی افاده ایتگن حالده، آق دینگیزی ترماغیده 1 میلیوندن آرتیق کیمه بارلیگینی معلوم قیلدی.
خبر تورک روزنامه‌سی: نوبتده‌گی «تورکلر کونی یوریشی» نیو-یارکده اوتکزیلدی. امریکا قوشمه ایالتلری نینگ نیو-یارک شه‌هریده عنعنه‌گه ایلنگن «تورکلر کونی یوریشی» بو ییل تورک قوراللی کوچلریگه بغیشلندی. تورک-امریکا جمعیتی فدراسیونی تامانیدن بو ییل اوتّیز ییتّینچی مراتبه اویوشتیریلیاتگن یوریشده امریکاده‌گی تورکلر بیلن نیو-یارکده‌گی «آتا‌تورک» مکتبی اوقووچیلری هم ملي لباسلری بیلن اشتراک ایتدی. یوریش مدیسو‌نده، 53-کوچه نینگ بورچه‌گیده باشله‌دی و بیرلشگن ملتلر تشکیلاتی نینگ مرکزیگه یقین نقطه‌ده اوز نهایه‌سیگه ییتدی.
