تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/78f0/a2eb/9d62/5acb2352e7e37.jpg?time=1719039668)
تورکیه نینگ مطبوعات خلاصه لری
ستار روزنامهسی: ابراهیم قلین، امریکا قوشمه ایالتلری نینگ ایران بیلن هستوي دستور بۉییچه توزیلگن کیلیشوودن چیقیشینی «برقرارسیزلیک و ینگی اوروشلرگه یول آچگن قرار» دیب بهالهدی. جمهور رئیس لیک سوزلاوچیسی ابراهیم قلین اوزی نینگ تویتر حسابی آرقهلی امریکا قوشمه ایالتلری نینگ ایران بیلن هستوي دستور بوییچه توزگن کیلیشوودن چیقیب کیتیشینی بهالهدی. ابراهیم قلین اونده مذکور قرارنی، «امریکا قوشمه ایالتلری نینگ ایران بیلن هستوي دستور بوییچه توزیلگن کیلیشوودن بیر تامانلی اولهراق چیقیب کیتیشی، برقرارسیزلیک و ینگی اوروشلرگه یول آچگن قراردیر. کوپ تامانلی کیلیشوو، باشقه دولتلر بیلن دوام ایتهدی. تورکيه، هر دایم هر قندهی هستوي قوراللرگه قرشی دیر» دیدی.
یینی شفق روزنامهسی: باش وزیر بن علی ییلدیریم اروپا کونی مناسبتی بیلن پیام ترقتدی. باش وزیر بن علی ییلدیریم «اروپا کونی» مناسبتی بیلن پیام ترقتر ایکن اونده، «چیت ایلّیکلرگه بولگن دشمنلیک و اسلام مخالفت لیگی نینگ سیاسي مذاکرهلرگه ایلنیب کیتیشی، اروپا اتفاقی نینگ کیلهجگی حقیدهگی تشویشلرنی آرتتیرماقدهدیر» دیگن افادهلرگه اورین بیردی.
خبر تورک روزنامهسی: جهان بانکی تورکيه نینگ اوسیش سرعتی نینگ ینه آرتهجگینی قید ایتدی.
جهان بانکی تورکيه نینگ صاف ایچکی محصولاتی نینگ اوسیش سرعتینی 2017-ییل نینگ اکتوبر آییدهگی تخمینلرگه نسبتاً 1.2 درجه کوترگن حالده اونی 4.7 فایزگه چیقردی. جهان بانکی تامانیدن چاپ ایتیلگن اروپا و مرکزي آسیا دولتلری اقتصادی حقیدهگی راپوریگه کوره صافی محصولات نینگ 2018-ییلی 4.7 فایزگه اوسیشی آرتیدن 2019-ییلی 4.4 فایز اوسیشی تخمین قیلینماقده.
صباح روزنامهسی: تورکيهده بیرینچی مراتبه طبيعي گاز ایشلب چیقریش حقیدهگی لایحه یولگه قوییلماقچی.
انرژی بازارینی ترتیبگه سالیش کمیتهسی تورکيهده بیرینچی مراتبه سویولتیریلگن طبيعي گاز ایشلب چیقریشنی کوزده توتگن LNG گاز ایشلب چیقریش، اونی سقلش و ساتیش سهامی شرکتی تامانیدن قوریقلیگیده قوریلهدیگن تأسیسلرده LNG سقلشنی هم اوز ایچیگه آلگن لایحهنی تصدیقلهدی. LNG گاز ایشلب چیقریش، اونی سقلش و ساتیش انونیم شرکتی مدیری جواد اوليا اوغلی، یوقاریده آتی تیلگه آلینگن تأسیسلرنی تورکيه نینگ آفیون قاره حصار و چوروم ولایتلریده قورماقچی ایکنلیکلرینی معلوم قیلدی.
حریت روزنامهسی: بو ییل انگلستانلیک سیاحلر تورکيهده ریکارد اورنهتهدی. انگلستان نینگ تورکيهدهگی ایلچیسی دومینیک چیلکات، بو ییل انگلستاندن تورکيهگه 3 میلیون سیاح کیلیشی کوتیلهیاتگنلیگینی قید ایتدی. چیلکات شو دایرهده، «بو ییل انگلستاندن کیلگن سیاحلر ریکارد اورنهتهدی» دیدی.