تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/185f/2bcf/ae2f/582409edad683.jpg?time=1718856891)
تورکیه نینگ مطبوعات خلاصه لری
صباح روزنامه سی: جمهور باشلیغی ایردوغان ایرانلیک کسبداشی حسن روحاني بیلن اوچرهشدی. جمهور باشلیغی رجب طیب ایردوغان بیلن ایران جمهور باشلیغیی حسن روحاني تیلفون آرقهلی ملاقات قیلدی. مذکور ملاقاتده ایکّله لیدر سوريه نینگ تمامیت ارضی نینگ حمایه قیلینیشی و مملکتدهگی معما نینگ بوتونلهی حل قیلینیشی اوچون تورکيه، ایران و روسیه نینگ آستانه جریانی دایرهسیده بیرگهلیکده فعالیت آلیب باریشی نینگ اهمیتیگه توختهلدی. اوچرهشووده شونینگدیک تورکيه بیلن ایران اورتهسیدهگی اقتصادي مناسبتلر نینگ کون اوتگن سه یین مستحکملنیشیدن خرسند ایکنلیکلری قید ایتیلدی.
یینی شفق روزنامه سی: ملي خوفسیزلیک کینگشی فوق العاده وضعیت نینگ ینه 3 آی اوزهتیلیشینی توصیه قیلدی.
جمهور باشلیغی رجب طیب ایردوغان رهبرلیگیده ییغیلیش اوتکزگن ملي خوفسیزلیک کینگشی ییغیلیش آرتیدن چاپ ایتیلگن قوشمه اعلامیه ده فوق العاده وضعیت نینگ اوزهتیلیشینی توصیه قیلدی. اعلامیه ده شونینگدیک ملی خوفسیزلیک کینگشی ییغیلیشیده مملکت نینگ ایچکی و تشقی خوفسیزلیگی بیلن خلقارا خوفسیزلیک محیطیگه اوز تأثیرینی کورسهتگن سیاسي و حربي وضعیتلر نینگ قولگه آلینگنلیگی معلوم قیلیندی.
حریت روزنامه سی: بکر بوزداغ تورکيه نینگ اژه دینگیزیدهگی واقعه نینگ کورمسلیککه آلالمسلیگینی قید ایتدی.
باش وزیر اورینباسری و حکومت سوزلاوچیسی بکر بوزداغ وزیرلر کینگشی ییغیلیشی آرتیدن بیانات بیردی. بکر بوزداغ مذکور بیاناتده اژه دینگیزیدهگی بیراق واقعهسیگه توختهلر ایکن بو حقده، «اژه دینگیزیدهگی آراللر اوستیدن تارتیشوولرگه یول آچهدیگن مسألهلر اورتهده. هیچ کیم تورکيه اژه دینگیزیده یوز بیرگن واقعهلرنی کورمسهلیککه آلهدی دیگن فکرگه بارمسین. اگر یونان شوندهی فکرگه بارگودیک بولسه اونده ادهشهدی» دیب گپیردی.
وطن روزنامه سی: برات آل بیراق، جرمني نینگ تورکيه اوچون واز کیچیلمس مهم سودا شریکی ایکنلیگینی قید ایتدی.
انرژی و طبيعي منبعلر وزیری برات آل بیراق جرمني پایتختی برلینده عملگه آشیرگن ایکّی تامانلی اوچرهشوولر آرتیدن ژورنالیستلرگه بیانات بیردی. برات آل بیراق مذکور بیاناتیده تورکيه و جرمني نینگ بیر-بیری بیلن سودا شریکی ایکنلیگینی، قریب 40 میلیارد یورولیک سودا حجمی بارلیگینی، جرمني نینگ تورکيه وارداتیده ایکّینچی، صادراتیده ایسه بیرینچی اورینده ایکنلیگینی شو نینگ اوچون هم جرمني تورکيه اوچون واز کیچیلمس مهم سودا شریکی ایکنلیگینی قید ایتدی.
ستار روزنامه سی: چینده «2018-تورکيه توریزمی ییلی» فعالیتلری اوز ایشینی باشلهدی. چینده «2018-تورکيه توریزمی ییلی» فعالیتلری نینگ آچیلیش مراسمیده اشتراک ایتگن تورکيه جمهوریتی مدنیت و توریزم وزیری نعمان قورتولموش 2018-ییل نینگ ایکّی مملکت اورتهسیدهگی مناسبتلرنینگ مستحکملنیشی جهتیدن بیر امکان ایکنلیگینی تأکیدلهدی. شونینگدیک، «تورکيه بیلن چین اورتهسیدگی یقین مناسبت نینگ رواجلنهیاتگن دنیاده ینگی تینچلیک و خاطرجمعلیک ترتیبی نینگ تشکیل ایتیلیشی اوچون ایجابي حصه قوشیشینی تیلهب قالهمن» دیدی.