تورکیه مطبوعاتیدن خلاصه لر 14.01.1397

خبرترک روزنامه سی, روسیه دولت رهبرلیگی قصری کرملین تشقی سیاست لری مشاوری یوری اوشاکوف نینگ, روسیه دولت رهبری ولادیمیز پوتین نینگ تورکیه گه قیله دیگن سفری بیلن علاقه لی ایریم بیاناتلر بیرگن لیگی نی بیلدیرماقده.

خبرده اوشاکوف نینگ, پوتین بیلن ترکیه جمهوریتی جمهوررئیسی رجب طیب اردوغان اورته سیده بولیب اوته دیگن اوچره شوو لر جریانیده ایککی اولکه اورته سیده گی مناسبت لر دن تشقری سوریه مسئله سی داخل منطقه و خلق ارا مقیاسده گی موضوع لر باره سیده هم بحث ایتیلیشی نینگ کوتیلیاتگن لیگی نی معلوم قیلگن لیگی ایسله تیلماقده. 

صباح روزنامه سی, تورکیه جمهوریتی عسکری الکترونیک صایع شرکتی دن عبارت بولگن "اسیلسان" نینگ, تانک, تکتیک زرهی واسطه لر و عسکری مرکز لرنینگ محافظه ایتیلیشی اوچون اویلب چیقارگن اوزاقدن کنترول ایتیله آله دیگن سلاح سیستمی دن حاضرگی کون گه قدر قریب 1 مینگ 350 ته تولید ایتگن لیگی نی یازماقده. 

خبرده, خوددی منه شوو سلاح لرنینگ بیر مینگ ته سی نینگ تورکیه ده استفاده ایتیلگن لیگی و قالگن قسمی نینگ ایسه چیت ایللرگه ساتیلگن لیگی معلوم قیلینماقده. 

روزنامه, اسیلسان نینگ یقین کیله جکده اوشبو سلاح لرنینگ توری نی آرتیریش اوچون تیارگرلیک اوتکزیاتگن لیگی نی بیلدیرماقده. 

وطن روزنامه سی, گرجستان مدافعه وزیری لیوان ایزوریا نینگ, تورکیه نینگ عسکری تکنالوژی بوییچه انچه آلغه کیتگن لیگی نی بیلدیررایکن, گرجستان نینگ تورک سلاح لری بیلن قیزیقیاتگن لیگی نی معلوم قیلگن لیگی نی ایسلتماقده. 

خبرده, ایزوریا نینگ, مارچ آیی نینگ 30 نچی کونیده رسمی بیر سفر بیلن تورکیه گه تشریف بویورگن لیگی معلوم قیلینرایکن, ایزوریا نینگ تورکیه نینگ گیراسون ولایتیده تورکیه جمهوریتی ملی مدافعه وزیری نورالدین جانیکلی بیلن اوچره شگن لیگی بیلدیریلماقده. 

روزنامه ایزوریا نینگ, "تورکیه بیلن بولگن همکارلیککه اهمیت بیرماقده میز.  حاضر عسکری تکنالوژی ساحه سی بوییچه همکارلیک توغری سیده بیر تاریخ انیقله دیک.  اوشبو ساحه بوییچه تورکیه جدی موفقیت لر قولگه کیریتگن. خوددی منه شوو وضعیت نی خلق ارا جامعه هم بیله دی.  بیز هم قوراللی کوچلری میز نینگ مدرن لشتیریلیشی اوچون سیز نینگ موفقیت لرینگیز بیلن قیزیقماقده میز.  اوشبو دایره ده خوددی منه شوو ساحه بوییچه تورکیه بیلن گرجستان اورته سیده گی اوز ارا همکارلیک نینگ کیله جکده هم دوام ایتیشی نی آرزو ایتماقده میز" دییه قید ایتگن لیگی نی ایسلتماقده. 

ستار روزنامه سی, تورکیه نینگ انتالیا ولایتی والی سی منیر قارال اوغلی نینگ, اجتماعی ترماقلر آرقه لی بیرگن بیاناتیده, میلادی 2017 نچی ییلی مارچ آییده اوشبو شهر گه 165 مینگ توریست کیلگن لیگی نی بیلدیررایکن, جاری ییل نینگ خوددی منه شوو دوریده ایسه مذکور رقم نینگ 286 مینگگه کوتریلیب کیتگن لیگی نی معلوم قیلگن لیگی نی یازماقده. 

خبرده والی نینگ, میلادی 2018 نچی ییلیده اوشبو شهر گه 14 میلیون توریست نینگ کیلیشی نینگ هدف قیلیب آلینگن لیگی نی بیلدیرگن لیگی ایسله تیلماقده.