تورکیه نینگ مطبوعات خلاصه لری

تورکیه نینگ مطبوعات خلاصه لری  

ستار روزنامه ‌سی: الجزایر بیلن ملیارد دالرلیک کیلیشوو امضالندی

جمهور رئیس رجب طیب ایردوغان، تورکیه – الجزایر سوداگرلر ییغینیده قیلگن صحبتیده، "الجزایرنینگ ملی انرژی شرکتی SONATRACH بیلن رونسانس و بایه گان اورته سیده آداناده یومورته لیک آزاد منطقه سیده 1 ملیارد دالرلیک پطرو-کیمیا سرمایه گذارلیگی توغریسیده کیلیشووگه قول قوییلدی. 

صباح روزنامه سی: تورکیه چک جمهوریتینی آگاهلنتیردی

بولووچی ترور تشکیلاتی پی کاکانینگ سوریه ترماغی PYD-YPG نینگ باشقرووچیسی صالح مسلم نی آزاد ایتگن چک جمهوریتینی آگاهلنتیردی. الجزایرده بولگن تشقی ایشلر وزیری مولود چاووش اوغلی ژونالیستلرگه بیانات بیردی. -YPG نینگ باشقرووچیسی نینگ چک جمهوریتی محکمه سی تامانیدن آزاد ایتیلیشینی قاره لب چک جمهوریتینی آگاهلنتیردیک، بونینگ آرقهخ سینی قوییب یوبارمه یمیز. دیب ایتدی. 

وطن روزنامه سی: شیمشک صادراتچیلرگه پیام بیردی

باش وزیر اورین باسری مِحمد شیمشک، استانبول ده گی نمایش افتتاحیده قیلگن صحبتیده، تورکیه نینگ بوندن هم کوپراق صادرات قیلیش گه حرکت قیلیشینی معلوم قیلیب، سکتور نماینده لریگه حکومت اوله راق سیزگه همکارمیز. تورلی همکارلیک قیلیش گه اماده میز" دیب پیام بیردی.

خبر تورک روزنامه سی: قزاقستاندن تورکیه لیگ تجارلرگه 47 تورلی سرمایه گذارلیک تکلیفی بیریلدی

قزاقستان تورکیه لیک سوداگرلرگه اقتصادنینگ تورلی ساحه لریده 47 عدد سرمایه گذارلیک تکلیف قیلدی. قزاقستان باش وزیرلیگیدن بیریلگن بیاناتده، Kazakh Invest ملی سرمایه گذارلیک شرکتی باشلیغی سپربیک تویاک بایف اوتگن هفته تورکیه گه قیلگن سفری دایره سیده تورک سوداگرلری بیلن اوچره شگن لیگی بیلدیریلدی. اوچره شووده بایف نینگ تورکیه لیک تجارلرگه قزاقستانده تورلی ساحه لرده 47 بویوک سرمایه گذارلیک پروژه سی تکلیف ایتگن لیگی بیلدیریلدی.

یینی شفق روزنامه ‌سی: دنیا بوییچه ایلک بار تورکیه ده امتحانم قیلینه دی

اسپانیاده دنیا بویوکلری بیلن تورکیه اورته سیده مهم بیر کیلیشووگه قول قوییلدی. ترانسپورت، دینگیزچیلیک و خبرلشوو وزیرلیگی نینگ اشتراکی بیلن مبایل دنیا کنگره سیده آلیب باریلگن کیلیشوو بیلن 5G و ینگی نسل تکنالوژیلری دنیا مقیاسیده ایلک مرته تورکیه ده تیست قیلینه دی.