تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
ستارروزنامه سی: ایردوغان، «غلبه یقیندیر» دیدی.
تورکيه جمهوریتی جمهور رئیسی شونینگدیک عدالت و ترقیات حزبی رهبری رجب طیب ایردوغان عدالت و ترقیات حزبی نینگ آفیون قاره‌حصارده‌گی ولایت کنگرسیده تورک قوراللی کوچلری تامانیدن سوريه نینگ عفرین منطقه سیده دوام ایتگن «زیتون نوده‌سی» عملیاتیده‌گی قرارلیلیگینی ینه بیر بار تأکیدله‌دی. ایردوغان، «جرا‌بلوسده، را‌یده، البابده بولگنیدیک عفرینده، ادلیبده و منبیجده هم نتیجه‌نی قولگه کیریته میز. کون اوتگن سایین غلبه‌گه یقینلشماقده‌میز» دیدی.
وطن روزنامه‌سی: بن علی ییلدیریم، «بیرته تروریست هم قالمه‌یدی» دیدی.
باش وزیر بن علی ییلدیریم انقره‌ده بیرگن بیاناتیده تروریزمگه قرشی کوره‌ش نینگ اوزلوکسیز دوام ایتگنلیگینی بیلگیلب اوتدی. ییلدیریم، «بوگونگی کونده اسلانلریمیز، قهرمانلریمیز، محمدلریمیز عفرینده داستان بیتماقده. هم تورکيه‌ده، هم ده چیت ایلده تروریستلرنی بوتونله‌ی یوق قیلگونگه قدَر بو عملیات دوام ایته‌دی. کیم نیمه دیسه دیسین، بیرته تروریست هم قاله میدی» دیدی.
صباح روزنامه‌سی: چاووش اوغلی، «امریکا قوشمه ایالتلری بو گل بیرگن وعده‌سینی بجریشی کیره‌ک» دیدی.
تورکيه جمهوریتی تشقی ایشلر وزیری مولود چاووش اوغلی میونیخده بولیب اوتگن نوبتده‌گی خوفسیزلیک کنفرانسیده نطق سوزله‌دی. اوشبو نطقیده سوريه‌ده تورلی واقعه آرتیده، دنیا نینگ بیر نیچه دولتی بارلیگیگه اعتبار قره‌تیب، شو نینگ اوچون هم سوريه بوییچه مذاکره‌لرنی دوام ایتتیریشلری کیره‌کلیگینی قید ایتدی. چاووش اوغلی اوز نطقی نینگ یکونیده، «امریکا قوشمه ایالتلری تشقی ایشلر وزیری تیلرسون نینگ تورکيه‌گه بولگن تشریفی چاغیده بعضی مسأله‌لرده کیلیشیب آلدیک. امید قیله‌من کی امریکا قوشمه ایالتلری بو کیلیشوولرگه عمل قیلیب، بیرگن وعده‌لرینی بجره‌دی» دییه گپیردی.
خبر تورک روزنامه‌سی: شیمشک، «خزینه بیرینچی ایکّی آی ایچیده بازارده‌گی وضعیتنی یولگه قویدی» دیدی.
اقتصادیاتدن مسؤل و باش وزیر اورین باسری محمد شیمشک حکومت تامانیدن آلینگن چاره و تدبیرلر نینگ یاردمیده خزینه نینگ بیرینچی ایکّی آی ایچیده بازارده‌گی وضعیتنی یولگه قویگنلیگینی بیلگیلب اوتگن حالده، «چیت ایلّیک سرمایه گذارلر بیرینچی 5 هفته ایچیده 1.5 میلیارد دالرلیک ابلیکتسیه خرید قیلیب آلدی» دیدی.
حُریت روزنامه‌سی: «قارسده‌گی قیش توریزمی نینگ آلتین دوری».
تورکيه نینگ قارس ولایتی، سری قمیش تومنیده‌گی جیبیل تپه قایاق مرکزی پایتخت انقره بیلن قارس اورته سیده سفر قیلگن و آخرگی کونلرده محلي و چیت ایلّیک سیاحلرنینگ علاقه سینی اوزیگه جلب ایتگن شرق ایکسپریسی آرقه‌لی بو ییل هر ییل گه قره‌گنده ینه ده کوپه ییب کیتدی. سری قمیش توریزم جمعیتی رئیسی میر حسن تاش، شرق ایکسپریسی سفری نینگ منطقه‌ده‌گی توریزم مرکزلری نینگ تنیتیلیشیگه کتّه ایجابي حصه قوشگنلیگینی، قارسده‌گی قیش توریزم نینگ بو ییل آلتین دورینی یشه یاتگن لیگینی قید ایتدی.
