تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/9537/d3a9/ae3a/59eee1423662e.jpg?time=1718970376)
تورکیه نینگ مطبوعات خلاصه لری
حریت روزنامه سی: جمهور رئیس آزاد سوريه قوشینی خودّی قووهیی مليه کبی
جمهور رئیس رجب طیب ایردوغان، عدالت و ترقیات حزبی ییغیلیشیده بیرگن بیاناتیده، « آزاد سوريه قوشینی اوز وطنلرینی حمایه قیلیش اوچون بیردملیکده و تشکیلاتلنگن حالده کورهشماقده و بیز هم اولرنی حمایه قیلهمیز، خودّی آزادلیک اوروشیدهگی کبی قوایی مليه کوچلری کبی بیر تینچ اهالی تشکیلاتیدیر» دیدی.
صباح روزنامه سی: « تشقی ایشلر وزیری چاووش اوغلی، روس همکسبی لاوروف بیلن تیلفون آرقهلی ملاقات قیلدی.
تشقی ایشلر وزیری مولود چاووش اوغلی، روس همکسبی سیرگیی لاوروف بیلن تیلفون آرقهلی ملاقات قیلدی. اوچرهشووده، سوريه نینگ عفرین حدودیدهگی تروریست عنصرلرگه قرشی باشلهتیلگن زیتون نودهسی نامیدهگی حربي عملیات محاکمه قیلیندی. وزیرلر علیحده، روسیه نینگ ساچی شهریده اویوشتیریلهدیگن سوريه جلسه سی بارهسیده هم فکر المشدی.
ستار روزنامه سی: تورک قوراللی کوچلری (تقک)دن عفرینلیکلرگه 3 تیلده بیلدیریش چقیریغی…
تقک، آزاد سوريه قوشینی نینگ حمایهسی بیلن 20- جنوریدن بیری عفرینده اویوشتیریلگن زیتون نودهسی نامیدهگی حربي عملیات دایرهسیده منطقه خلقیگه تورکچه، عربچه و کرد تیلیده تیارلنگن بیلدیروولر هوادن تشلندی، خلقدن PKK/PYD و داعش ترور تشکیلاتلریگه قرشی بیرگهلیکده کورهشگه چقیرگن بیلدیرووده، « عفرین عفرینلیکلر نینگ» دیب قید ایتیلدی.
وطن روزنامه سی: « انتالیاگه کیلگن سیاح سانیده 12 فایز نسبتیده آرتیش کوزهتیلدی»
انتالیا قونلغه سی ملکی اداره مدیرلیگی معلوماتلریگه کوره، اوتگن ییل فقطگینه انتالیا قونلغه سیگه 9 میلیون 738 مینگ نفر، غازی پاشا قونلغه سی بیلن بیرگهلیکده 10 میلیون 486 مینگ چیت ایلّیک انتالیاگه تشریف بویورگن ، توریزم 2018ده هم یخشی باشلهدی. جنوری آییده انتالیا قونلغه واسطه سی بیلن کیلگن سیاح، 29- جنوریگچه 92 مینگ 413گه ایریشدی.
اوتگن ییل، انه شو دوریده 82 مینگ 840 بولگن سیاح سانیدهگی آرتیش نسبتی، 12 فایزگه باردی.
اوتگن ییل نینگ جنوری آییده 2 مینگ 850 بولگن سیاح سانی، بو ییل 3 مینگ 200 کیشیگه باردی.
یینی شفق روزنامه سی "بیتلیسگه 1 میلیون دالرگه تینگ قویاش برق استشنی"
بیتلیس نینگ تاتوان تومنیده نمروت تاغی ایتکلریده 20 جریب میدانده استشن اوچون قراردادی اوتکزیلدی. تاتوان بلدیه باشلیغی فتاح آقسوی بیرگن بیاناتیده، تومنده ایندی قویاش انرژیسیگه اوتیلهدی دیب قید ایتدی.