تورکیه مطبوعاتیدن خلاصه لر 04.11.1396

ستار روزنامه سی, ترکیه جمهوریتی جمهوررئیسی رجب طیب اردوغان نینگ, تورکیه قوراللی کوچلری نینگ سوریه نینگ عفرین منطقه سیده ترور تشکیلاتی پی کاکا/کاجی کا/پی وای دی- وای پی جی و داعش منسوب لری نی تاثیرسیز وضعیتگه کیلتیریش, دوست و قرداش منطقه خلقی نی ظلم دن نجات بیریش اوچون باشلتگن "زیتون ناوده سی" عملیاتی جریانیده شهید بولگن قهرمان تورک حربی سی نینگ جنازه مراسمی گه اشتراک ایتگن لیگی نی معلوم قیلماقده. 

خبرده, اردوغان نینگ خودی منه شوو مراسم جریانیده قیلگن صحبتیده, "بو ملت اوز ایشی نی اوزی حل ایته دی.  نسب سیز بیر گروپ کیشی نینگ چیگره لریمیزده حاکم بولیشی گه هیچ قچان اجازت بیرمیمیز" دییه قید ایتگن لیگی بیلدیریلماقده. 

روزنامه اردوغان نینگ اوز سوز لری نی, "ایرکین سوریه اردوسی بیلن بیرگه غلبه قازانه میز.  بونگه ایشانچی میز کامل و اوشبو خصوصده قرارلی میز" شکلیده دوام ایتتیرگن لیگی نی یازماقده. 

وطن روزنامه سی, ترکیه جمهوریتی جمهوررئیسی رجب طیب اردوغان نینگ, امریکا تامانی نینگ طلبی گه بناً بوگون امریکا قوشمه ایالت لری دولت رهبری دونالد ترامپ بیلن تلفن آرقه لی صحبت ایته دیگن لیگی نی بیلدیرماقده. 

خبرده, اردوغان نینگ, توناوون هم فرانسه لیک تینگداشی امانوئل ماکرون و کیین چه لیک ایسه روسیه دولت رهبری ولادیمیر پوتین بیلن تلفن آرقه لی صحبت ایتگن لیگی ایسله تیلماقده. 

روزنامه, اردوغان نینگ, اوشبو صحبت لر جریانیده, تورکیه نینگ سوریه عملیاتیده گی اساسی هدف نینگ عفرین نینگ ترورچی لر دن تصفیه ایتیلیشی دن عبارت ایکن لیگی نی بیلدیرگن لیگی نی معلوم قیلماقده. 

حریت روزنامه سی, ترکیه جمهوریتی باش وزیری بنعلی ییلدیریم نینگ انقره ده بولیب اوتگن بیر مراسم جریانیده قیلگن صحبتیده, تورکیه نینگ تروریزم گه قرشی کوره شی نینگ اوزلوکسیز دوام ایته دیگن لیگی نی بیلدیرگن لیگی نی ایسلتماقده. 

خبرده, ییلدیریم نینگ, تورکیه نینگ زیتون ناوده سی عملیاتی نینگ, سونگگی ترورچی نینگ هم تاثیرسیز وضعیتگه کیلتیریلگونگه قدر دوام ایته دیگن لیگی نی معلوم قیلرایکن, "تروریزم دهلیزی نی ییر بیلن یکسان قیله میز" دییه قید ایتگن لیگی بیلدیریلماقده.

صباح روزنامه سی, تورکیه قوراللی کوچلری نینگ سوریه نینگ عفرین منطقه سیده ترور تشکیلاتی پی کاکا/کاجی کا/پی وای دی- وای پی جی و داعش منسوب لری نی تاثیرسیز وضعیتگه کیلتیریش, دوست و قرداش منطقه خلقی نی ظلم دن نجات بیریش اوچون باشلتگن "زیتون ناوده سی" عملیاتی دایره سیده اوچ جهت دن آلغه کیتیاتگن تورکیه قوراللی کوچ لری و ایرکین سوریه اردوسی نینگ مهم جای لر نی قولگه کیریتگن لیگی نی معلوم قیلماقده. 

خبرده, عمر اوشاغی قشلاغی نینگ قولگه کیریتیلگن لیگی بیلدیریلرایکن, عملیات دایره سیده تورت کونده 260 ترورچی نینگ اولدیریلگن لیگی معلوم قیلینماقده. 

خبرترک روزنامه سی, جمهوررئیسی اردوغان نینگ اوتگن کیچه ایلک مراتبه  جمهوررئیس لیگی مجتمع سیده گی "دولت کوردیناسیون بیلگی مرکزی" دن فایده لنگن لیگی نی بیلدیرماقده. 

خبرده, اردوغان نینگ, تورکیه نینگ سوریه نینگ عفرین منطقه سیده گی "زیتون ناوده سی" عملیاتی نی تعقیب ایتیش اوچون اوشبو مرکز دن استفاده ایتگن لیگی معلوم قیلینماقده. 

روزنامه, بحران و اوروش لر جریانیده دولت نینگ یوقاری مرتبه لی مقاملری نینگ عملیات نی تعقیب ایتیشی مقصدی بیلن پلانلنگن اوشبو مرکز نینگ قوریلیشی اوچون ایچیده فولاد بولگن کانکریتدن استفاده ایتیلگن لیگی نی یازماقده. 

خبرده, اوشبو مرکز نینگ 10 مینگ کیلو گرام بمب, کیمیاوی و هستوی هجومگه قرشی چیدملی ایکن لیگی بیلدیریلماقده.