ترکیه مطبوعاتیدن خلاصه لر 07.10.1396

وطن روزنامه سی, ترکیه جمهوریتی جمهوررئیسی رجب طیب اردوغان نینگ تونس گه تشریف بویورگن لیگی نی بیلدیرماقده. 

خبرده, جمهوررئیسی اردوغان نینگ, تونس جمهوررئیسی باجی قائد السبسی بیلن مشترک بیر مطبوعاتی کنفرانس ترتیب له گن لیگی بیلدیریلماقده. 

روزنامه, سوریه توغری سیده بحث ایتگن جمهوررئیسی اردوغان نینگ, "ایندی سوریه ده بشار الاسد نینگ سیاستده بولیشی ممکن ایمس. بشار الاسد نینگ بیر تروریست دن عبارت ایکن لیگی نی انیق روشده بیلدیرماقده من" دییه قید ایتگن لیگی نی معلوم قیلماقده. 

حریت روزنامه سی, ترکیه جمهوریتی جمهوررئیسی رجب طیب اردوغان نینگ چاد دن تونس گه اوتیاتگن پیتده طیاره نینگ ایچیده ژورنالست لر بیلن قیلگن صحبتی جریانیده, (آلمان بیلن هالند گه سفر پلانلنگن می؟ ترکیه نینگ اوروپا بیرلیگی اعضالیگی بوییچه هر قنده ی بیر فعالیت موجود می؟) شکلیده گی سئوال گه جواب قیتررایکن, "بونده ی بیر سفر نینگ بحث موضوعی بولمس لیگی اوچون هیچ قنده ی بیر سبب موجود ایمس. هردایم شونی ایتیب کیلماقده من.  دشمن نی کمیتیریب دوست نی آرتیریشی میز کیره ک.  بیز نینگ آلمان, هالند و بلجیم کبی اولکه لر بیلن هیچ قنده ی بیر مشکلی میز یوق.  عکسینچه او ییرلرده قدرت ده بولگن کیشی لر مینینگ سابق دوست لریمدن عبارت. مینینگ مقابلیم گه اشتباه لر گه مرتکب بولدیلر.  بو باشقه بیر مسئله. مین هالند باش وزیری روت بیلن اوچره شیب کیلماقده ایدیم.  بلجیم و آلمان هم شونده ی. شتاینمایر و مرکل بیلن باشقه چه بیر ارتباطی میز بار ایدی.  هر دایم معما لر بولیشی گه قره مسدن سونگگی اوچره شوو لری میز یخشی بولیب اوتدی" دییه قید ایتگن لیگی نی یازماقده. 

صباح روزنامه سی, ترکیه جمهوریتی باش وزیری بنعلی ییلدیریم نینگ سعودی عربستان پادشاه سی سلمان بن عبدالعزیز بیلن اوچره شگن لیگی نی بیلدیرماقده.

خبرده, اوشبو اوچره شوو جریانیده بیت المقدس نینگ موقفی گه بیریلگن اهمیت گه دقت قره تیلرایکن, فلسطین لیک لرنینگ حق لری نینگ قورینیشی اوچون برچه اسلام عالمی نینگ بیر یقه دن باش چیقاریشی کیره ک ایکن لیگی نینگ معلوم قیلینگن لیگی ایسله تیلماقده.

روزنامه, عینی دمده اوچره شوو ده بیرلشگن ملت لر تشکیلاتی عمومی کینگشیده قبول قیلینگن قرار نینگ خلق ارا جامعه نینگ کوچلی بیر پیامی دن عبارت ایکن لیگی نینگ بیلدیریلگن لیگی نی ایسلتماقده. 

خبرده, مذکور اوچره شوو جریانیده, کورفز و اورته شرق نینگ اینگ مهم اولکه لریدن بیری بولگن سعودی عربستان بیلن بولگن علاقه لر نینگ اهمیتی توغری سیده هم بحث ایتیلگن لیگی معلوم قیلینماقده. 

عینی دمده خبرده, ییلدیریم بیلن عبدالعزیز اورته سیده مطبوعات گه یاپیق بیر شکلده بولیب اوتگن اوشبو اوچره شوو نینگ بیر ساعت دوام ایتگن لیگی بیلدیریلماقده.

خبرترک روزنامه سی, سودان تشقی ایش لر وزیری ابراهیم غندور نینگ, ترکیه نینگ سودان نینگ سواکین منطقه سیده حربی و ملکی کیمه لر نی ترمیم قیله دیگن بیر بندر قوره دیگن لیگی نی بیلدیرگن لیگی نی معلوم قیلماقده. 

خبرده, غندور نینگ اوشبو بندر بیلن علاقه لی کیلیشوو نینگ  650 میلیون دالر لیک کیلیشوو نینگ بیر قسمی دن عبارت ایکن لیگی نی ایسله تیب اوتگن لیگی قید ایتیلماقده. 

ستار رورزنامه سی, قطر نینگ ترکیه دن اوشبو اولکه گه قوشیمچه حربی کوچ کیلگن لیگی نی بیلدیرگن لیگی نی یازماقده. 

خبرده, قطر مدافعه وزیرلیگی نینگ اوشبو قوشیمچه کوچ نینگ ترکیه بیلن قطر آره سیده امضالنگن حربی کیلیشوو دایره سیده کیلگن لیگی نی بیلدیرگن لیگی ایسله تیلماقده. 

روزنامه, اوشبو کیلیشوو نینگ منطقه ده تروریزم و خشونت گه قرشی کوره ش و منطقه ده امنیت نینگ تامین ایتیلیشی بیلن علاقه لی ایکن لیگی نینگ بیلدیریلگن لیگی نی یازماقده.