ترکیه مطبوعاتیدن خلاصه لر 05.10.1396

وطن روزنامه سی, ترکیه جمهوریتی جمهوررئیسی رجب طیب اردوغان نینگ سودان گه قیلگن سفری جریانیده پایتخت خرطومده بولیب اوتگن فخری دوکتورا مراسمیده قیلگن صحبتیده, "کیله جکده افریقا اولَکن موفقیت لر قولگه کیریته دی. بیراق, بیت المقدس مسئله سیده بولگن لیگی دیک, بیر یقه دن باش چیقاریشی میز کیره ک" دییه قید ایتگن لیگی نی بیلدیرماقده. 

ستار روزنامه سی, ترکیه نینگ, افغانستان پایتختی کابلده ملی امنیت مرکزی گه یقین بیر جایده اویوشتیریلگن انتحاری هجوم نی قاره له گن لیگی نی معلوم قیلماقده. 

خبرده, تشقی ایش لر وزیرلیگی تامانیدن بیریلگن تحریری بیاناتده, "افغانستان پایتختی کابلده ملی امنیت مرکزی گه یقین بیر جایده اویوشتیریلگن ترورچیلیک هجومی عاقبتیده ایریم کیشی لرنینگ جان بیرگن لیگی و یره لنگن لیگی سببلی جوده خفه بولدیک" دییه قید ایتیلگن لیگی بیلدیریلماقده. 

عینی دمده خبرده, مذکور بیاناتده, "اوشبو ترورچیلیک هجومی نی قاره لرایکن, حاثه عاقبتیده جان بیرگن کیشی لر گه الله دن رحمت تیلب, افغانستان حکومتی و قرداش افغانستان خلقی گه تسلیت بیلدیره میز.  یره لنگن کیشی لر گه ایسه تنگری تعالی دن عاجل شفا لر تیلب قاله میز" دییه قید ایتیلگن لیگی ایسله تیلماقده. 

حریت روزنامه سی, ترکیه نینگ اینگ کتته شرکت لری نینگ چیت ایل لرده گی سرمایه گذارلیک فعالیت لری نینگ اوزلوکسیز دوام ایتیتگن لیگی نی معلوم قیلماقده. 

خبرده, ترک لیره سی نینگ دالر نینگ مقابلیده ارزشی نینگ توشیب کیتگن لیگی گه قره مسدن میلادی 2017 نچی ییلیده جدی موفقیت لر قولگه کیریتگن بیروتایم شرکتی نینگ گرجستانده ینگی مغازه سی نی آچگن لیگی ایسله تیلماقده.

عینی دمده خبرده, میلادی 2018 نچی ییلیده اوروپا و افریقا ده 25 ینگی مغازه آچه دیگن بیروتایم نینگ, چیت ایللرده گی مغازه لری سانی نی 32 گه آرتیریش نی ریجه له گن لیگی معلوم قیلینماقده. 

ینی شفق روزنامه سی, ترکیه نینگ مانیسا ولایتی آلاشهر اولسواللیگیده تولید ایتگن المه لری نی ساته آلمه گن عایله نینگ اوشبو المه لر نی قوریتگن لیک لری نی معلوم قیلماقده. 

خبرده, اوشبو عایله نینگ قوریتیلگن المه لر نینگ بیر قسمی نی انگلستان ده گی دوست لری گه ساوغه یوباررایکن, کیین چه لیک صادر ایته باشله گن لیگی بیلدیریلماقده. 

خبرترک روزنامه سی, بلجیم ده میلادی 1991 نچی ییلی ده سینت جوس شهردارلیگیده مامور بولیب ایشگه باشله گن ترکیه وطنداشی امیر قیر نینگ, آلدین شهردار نینگ اورینباسر, کیین چه لیک ایسه بروکسل وکیلی, بروکسل منطقه سی وزیری, شهردار و فدرال وکیلی بولگن لیگی نی یازماقده. 

خبرده, بلجیمده میلادی 2000 نچی ییلیده سوسیالست حزبی ده سیاست قیله باشله گن قیر نینگ, حاضرگی کون گه قدر سیاستده اینگ موفق تورک دن عبارت بولیب کیلگن لیگی بیلدیریلماقده.