ترکیه مطبوعاتیدن خلاصه لر 23.09.1396

ینی شفق روزنامه سی, امریکا قوشمه ایالت لری دولت رهبری دونالد ترامپ نینگ بیت المقدس نی اسرائیل پایتختی اوله راق اعلان ایتیشی گه قرشی عکس العمل اوله راق توناوون ترکیه نینگ استانبول شهریده اسلام همکارلیک تشکیلاتی رهبر لر ییغیلیشی نینگ بولیب اوتگن لیگی نی معلوم قیلماقده. 

خبرده, اسلام همکارلیک تشکیلاتی رهبر لر ییغیلیشی نینگ, ترکیه جمهوریتی جمهوررئیسی رجب طیب اردوغان نینگ دعوتی گه بناً بولیب اوتگن لیگی ایسله تیلماقده. 

روزنامه, خودی منه شوو ییغیلیش گه 48 اولکه نینگ اشتراک ایترایکن, اوشبو دایره ده 16 اولکه نینگ رهبرلری نینگ مذکور ییغیلیش گه قتنشگن لیگی نی بیلدیرماقده. 

خبرده, امریکا قوشمه ایالتلری نینگ بیت المقدس بیلن علاقه لی قراری نینگ حقوقی جهتدن اویغون ایمس لیگی نی بیلدیرگن جمهوررئیسی اردوغان نینگ, "اسرائیل اشغالچی و تروریست بیر دولت دن عبارت" دییه قید ایتگن لیگی بیلدیریلماقده. 

عینی دمده خبرده, اوشبو ییغیلیش نتیجه سیده ترکیه جمهوریتی جمهوررئیسی رجب طیب اردوغان نینگ دعوتی گه بناً رهبر لر نینگ شرقی بیت المقدس نی فلسطین پایتختی اوله راق اعلان ایتگن لیک لری ایسله تیلماقده. 

حریت روزنامه سی, ترکیه جمهوریتی تشقی ایش لر وزیرلیگی نینگ, امریکا قوشمه ایالت لری دولت رهبری دونالد ترامپ نینگ ملی امنیت مشاوری مک ماستر نینگ, "ترکیه و قطر افراطی آیدیولوژی لر نی حمایه له ماقده" شکلیده گی سوزلری گه قرشی قتتیق عکس العمل کورستگن لیگی نی یازماقده. 

خبرده, وزیرلیک تامانیدن بیریلگن بیاناتده, اوشبو سوز لرنینگ حیرت لنتیروچی, اساسسیز و قبول ایتیله آلمیدیگن لیگی نینگ بیلدیریلگن لیگی معلوم قیلینماقده. 

خبرترک روزنامه سی,  دنیا ده سلاح ساتیش حجمی نینگ میلادی 2010 نچی ییلیدن بیری ایلک مراتبه آرتیب کیتگن لیگی نی معلوم قیلماقده. 

خبرده, استکهلم خلق ارا تینچ لیک تحقیقات لری انستیتوتی نینگ راپوری گه کوره, دنیا نینگ اینگ کتته 100 مدافعه صنایع سی شرکتی نینگ میلادی 2016 نچی ییلیده 374,8 میلیارد دالرلیک سلاح و حربی مواد ساتگن لیگی بیلدیریلماقده. 

روزنامه, اوشبو راپورده, ترک شرکت لری نینگ سلاح ساتیش میزانی نینگ 27,6 فایز مقیاسیده آرتیب کیتگن لیگی نینگ بیلدیریلگن لیگی نی یازماقده. 

خبرده, اوشبو 100 شرکت آره سیده ایککی ترک شرکتی نینگ هم اورین آلگن لیگی معلوم قیلینماقده. 

روزنامه اوشبو شرکت لردن بیری بولگن اسیلسان ( ASELSAN) نینگ 1 میلیارد 220 میلیون دالر و ایککینچی شرکت دن عبارت تایی (TAI) نینگ ایسه بیر میلیارد 120 میلیون دالرلیک سلاح ساتگن لیگی گه دقت قره تماقده.

صباح روزنامه سی, سونگگی پیت لرده ترکیه نینگ ساغلیق توریزمی ساحه سی بوییچه اینگ کتته موفقیت نی قولگه کیریتگن لیگی نی معلوم قیلماقده.

خبرده, ترکیه ساغلیق توریزمی کینگشی نینگ احصائیه لری گه کوره, جاری ییل نینگ جنوری بیلن نوامبر آی لری آره سیده 751 مینگ کیشی نینگ ترکیه گه کیلیب تداوی بولگن لیک لری قید ایتیلماقده. 

روزنامه, جاری ییل نینگ سونگگی گه قدر اوشبو رقم نینگ 760 مینگ نفر و قولگه کیریتیله دیگن عایدات نینگ هم 7 میلیارد ترک لیره سی دن آشیب کیتیشی نینگ کوتیلیتگن لیگی نی ایسلتماقده. 

ستار روزنامه سی, ترکیه نینگ اوز محصولی دن عبارت پیلوت سیز طیاره (بیرقدار) نینگ موفقیتلی بیر شکلده 35 مینگ ساعت اوچگن لیگی نی بیلدیرماقده.