ترکیه مطبوعاتیدن خلاصه لر 17.09.1396

ستار روزنامه سی, یونان گه قیلگن رسمی سفری دایره سیده یونان لیک تینگداشی پروکوپیس پاولوپولو بیلن اوچره شگن ترکیه جمهوریتی جمهوررئیسی رجب طیب اردوغان نینگ, "ناتو دن سیز چیقدینگیز. ینه بیر بار ناتو گه کیریشینگیز اوچون زمینه نی بیز یره تدیک.  مانع بولیشی میز تقدیرده, سیزنینگ ناتو گه کیریشینگیز ممکن ایمس ایدی.  بیز اونده ی قیلمه دیک. بیز قوشنی چیلیک قیلدیک.  حاضرگی کونده  هم خودی منه شونده ی بیر فکر گه ایگه میز" دییه قید ایتگن لیگی نی معلوم قیلماقده. 

صباح روزنامه سی, ترکیه جمهوریتی باش وزیری بنعلی ییلدیریم نینگ جنوبی کوریا گه قیلگن سفریدن قیتیب کیلیتگن پیتده طیاره ده ژورنالست لر بیلن قیلگن صحبتی جریانیده, امریکا قوشمه ایالت لری دولت رهبری دونالد ترامپ نینگ بیت المقدس نینگ اسرائیل پایتختی اوله راق قبول قیلینیشی توغریسیده گی قراری باره سیده بیرگن بیاناتلریده, "بیت المقدس نینگ موقفی توغری سیده اوین اوینش انفجار اوچون تیار بمب گه اوخشه ماقده" دییه قید ایتگن لیگی نی یازماقده. 

ینی شفق روزنامه سی, ترکیه جمهوریتی باش وزیری بنعلی ییلدیریم نینگ, ترک صنایع چی لری و سرمایه دار لری اویوشمه سی عالی مشوره کینگشی ییغیلیشی جریانیده بیرگن بیانات لریده, "میلادی 2018 نچی ییلیده ایش لر اونچه لیک آسان بولمَیدی. لیکن تجربه لری میز و موجود اعتماد گه قره گنده ترکیه نینگ اقتصادی کوچی نینگ آرتیشی پروسه سی انشا الله دوام ایته دی.  میلادی 2018 نچی ییلی اوچون پلان لری میز نی تیارله ماقده میز" دییه قید ایتگن لیگی نی یازماقده. 

صباح روزنامه سی, برازیل نینگ آزول هوا یوللری بیلن ترکیه نینگ ترک هوا یوللری نینگ مشترک روشده تکت ساتیش بوییچه اوز ارا کیلیشیب آلگن لیگی نی بیلدیرماقده. 

خبرده, شونده ی قیلیب ایندی ترک هوا یو لری نینگ آرزول و آرزول نینگ هم ترک هوا یوللری تکت لری نی ساتیشی نینگ ممکن ایکن لیگی ایسله تیلماقده. 

خبرترک روزنامه سی, ترک هوا یوللری رهبرلیک کینگشی و اجرائیه کمیته سی نینگ باشلیغی ایلکر آیجی نینگ, اوشبو شرکت نینگ ینگی آلگن "بوینگ 777" کارگو طیاره لری نینگ تسلیم آلینیشی محفلیده ایریم بیاناتلر بیرگن لیگی گه دقت قره تماقده. 

خبرده, اوچینچی قونلغه خصوصیده بحث ایتگن آیجی نینگ, "میلادی 2018 نچی ییلی اکتوبر آیی نینگ 29 نچی کونیده ینگی قونلغه ده بوله میز" دییه قید ایتگن لیگی ایسله تیلماقده.