تورکیه نینگ مطبوعات خلاصه لری 3.07.1396
تورکیه نینگ مطبوعات خلاصه لری
تورکیه نینگ مطبوعات خلاصه لری 3.07.1396
یینی شفق: تورکیه اقتصادی ترقیاتده 7 فایزگه چیقیب باره دی دیب بیرگن سر لوحه سیده،
باش وزیر بن علی ییلدیریم تورک اقتصادی نینگ ترقیاتی گه دقت ترتیب، اوچونچی چهاریک یقین پیتده اعلام بوله دی. 7 فایزنی اوتیب باره میز، دیدی. تورکیه نینگ منطقه ده اعتمادی و استقراری بولگنینی ایتگن ییلدیریم 2017 نینگ ایلک چهاریکیده 5 فایز ترقی قیلدی. ایککینچیسیده 5،2 بولدی، دیدی.
وطن روزنامه سی، بوئینگ تورکلشه دی
اقتصاد وزیری نهاد زیبکچی، بوئینگ نی تورک حالیگه کیلتیرماقچی ایکنلیکلرینی معلوم قیلیب، فقط اوچاق آلماقچی ایمس میز، پارچه لرینی توزه تماقچی میز، دیدی. زیبکچی ، بوئینگ بیلن نیویورکده بولیب اوتگن اوچره شوولری توغریسیده گپیرر ایکن بو حقیده، «مقصدیمیز بوئینگ ترماغیگه موافق تورک کمپنیسینی تشکیل ایتیشدیر. بوئینگنی تورک محصولاتیگه ایلنتیریش اوچون بیز فقط‌گینه بوئینگ اوچاقلرینی ایشلب چیقریش بیلن چیکلنیب قالمه ی عینِ وقتده او تکنالوژي، او مدنیت، او توشونچه و او تدقیقات و Ar-Ge رواجلنیش بیلن ترماق نینگ اجره لمس بوله گی گه ایلنه دیگن تورک شرکت لری یره تیشیمیز درکار. بو باره ده اولر بیلن کیلیشیب آلدیک» دیدی. زییبیکچی تورکيه صفتیده تعلیم، تخنیکي تکنالوژي‌لر ساحه‌سی، بعضی بوله‌کچه لرنینگ ایشلب چیقریلیشی شو جمله دن اوریندیق، اوچاق گوده سی کبی ایچکی جهازلرینی ایشلب چیقریش نیتیده ایکنلیکلرینی قید ایتدی.
خبرر تورک روزنامه سی: «میرسینده غصل میوه صادراتی باشله دی». تورکيه نینگ میرسین ولایتیده فصل میوه صادراتی باشله‌دی. اوتگن ییلگی 587 مینگ تُن لیک لیمو محصولاتی بیلن میرسین بیرینچی ا‌ورینده تورر ایکن عینِ وقتده جمله 1 میلیون 52 مینگ تُن لیک صادرات محصولاتی ییتیشتیردی. بو و بوندن کیینگی ییللرده میرسین، 1 میلیون تُن‌سی لیمو بولیش بیلن بیرگه توپلم 1.5 میلیون تُن فصل میوه سی ییتیشتیریشنی کوزله‌ماقده. لیمولر نینگ ییریک قِسمی روسيه و عرب دولتلری بیلن بیرگه اروپا اتفاقی ترکیبیده‌گی قریب 20 دولتگه صادر قیلینه دی.
صباح روزنامه سی: «کنترول تورکلرنینگ قولیده».
اوز محصولاتینی دنیا نینگ 5 قطعه‌سیده‌گی راپپه-راسه 193 مملکتگه صادر قیلگن تورکيه نینگ اتوموبیل ترماغی، ایندیلیکده دنیا نینگ اینگ ییریک فیرمه لریگه «ییتکچی» هم صادر قیلماقده. شو دایره ده بوگونگی کونده، بیر نیچه تورک ییتکچی، دنیا نینگ تورت بورچه گیده عالي درجه‌ل ی «ییتکچی» صفتیده ایش آلیب بارماقده. اتوموبیل ترماغای نینگ تورلی ساحه سیده ایش آلیب باره یاتگن و بوگونگی کونده دنیا نینگ ییریک شرکت لریگه ترا‌نسفر قیلینگن بو ییتکچیلر، عینِ وقتده چیت ایلده، تورکيه نینگ اتوموبیل ترماغای نینگ ایلچیسی کبی وظیفه لرده ایشله ماقده.
ستار روزنامه سی: «ناروی‌ده تورکلر نینگ بیرینچی بار چاپ ایتیلگن اطلسی تاپیلدی». ناروی ملي کتابخانه سیده گی انبارده، اوزاق وقتدن بیری سه قلنیب کیلینه یاتگن اطلس نینگ تورکلر و مسلمانلرنینگ بیرینچی چاپ ایتیلگن «جدید اطلس ترجمه سی» (1803) ایکنلیگی انیقلندی. کتابخانه ده ایشله‌گن اندیرس کویرنبیرگ، 1803-ییلی عثماني دولتی پایتختی استا‌نبولده، فقط‌گینه 50 دانه چاپ ایتیلگن و بوگونگی کونده دنیاده، بیر نیچه نسخه سی بولگن اوشبو اطلسنی، اجتماعي میدیا آرقه لی کشف ایتدی. اطلس فوتوصور‌تینی «ریددیت» اجتماعي میدیا فایده‌لنووچیلری بیلن شریک قیلگن کویرنبیرگ، اونگه ایضاح قالدیرگن کوزه تووچیسی یاردمیده کتاب نامی نینگ «جدید اطلس ترجمه سی» ایکنلیگینی اورگندی. کوینبیرگ، انبارگه اونینگ ینگی یاکه کیینگی نسخه سینی قیدیریب توشگنیده، اونینگ حقیقي ایسکی کاغذ و تیری ایکنلیگینی، بیرته نسخه سی بارلیگینی و تکرار نشر ایتیلمه گن لیگینی پَیقه دی. اطلس نینگ دنیاده 14 ته نسخه سی بار.
