تورکیه نینگ مطبوعات خلاصه لری 20.05.1396
تورکیه نینگ مطبوعات خلاصه لری
![تورکیه نینگ مطبوعات خلاصه لری 20.05.1396](http://cdn.trt.net.tr/images/xlarge/rectangle/e769/8426/d413/598415a7c4ad4.jpg?time=1719118940)
تورکیه نینگ مطبوعات خلاصه لری 20.05.1396
صباح روزنامه سی: «تورکيه، بوتون دنیاگه قویاش پنیللری صادر قیلماقچی»
انرژی و طبيعي منبع لر وزیری برات آلبیراق تورکيه ده ایشلب چیقریلگن محلي قویاش پنیللری نینگ 2018- ییل نینگ آخریگچه منطقه گه صادر قیلماقچی ایکن لیکلرینی قید ایتدی. فقط گینه قاره دینگیزده ایمس عینِ وقتده آق دینگیزیده هم ینه - ده فعال روشده نفت قیدیرماقچی ایکن لیکلرینی ایتگن برات آلبیراق، «تورکيه نینگ توبیده یاکه اوستیده نیمه بولسه همه سینی تاپه میز» دیب گپیردی.
حُریت روزنامه سی: «قزاقستان اکسپوسیده تورکيه هیئتی گه اقتصاد وزیری نهاد زیبکچی رهبرلیک قیلدی»
قزاقستان اکسپوسیده اشتراک ایتگن تورک هیئتی گه رهبرلیک قیلگن اقتصاد وزیری نهاد زیبکچی، «21- عصر تورک و قزاق ییلی بوله دی. شونده ی ایکن کیلینگ اورته میزده گی توسیقنی برطرف قیله یلیک» دیدی. قریب 1000 مترمربع لیک میدانگه قوریلگن تورکيه ساحه سیده اویوشتیریلگن «تورک کونی» اوچون پایتخت آستانهگه اقتصاد وزیری وکیللری، تجارلر، «دیریلیش ایرتوغرول» سریالی نینگ صنعتکارلری، قوشیقچی بورای و «انهدولو آتشی» رقص گروهی هم باردی.
ستار روزنامه سی: «ایرگینه نی باتقاغینی یوق قیلیش اوچون فعالیت باشلهتیلدی».
تراکیا نینگ 40 ییللیک دهشتلی «ایرگینه» باتقاغینی یوق قیلیش اوچون بیرینچی مراتبه فعالیت باشله تیلدی. باتقاق نینگ ملي تونل قازیش ماشینی آرقه لی یوق قیلینه جگینی قید ایتگن اورمان و سوو ایشلری وزیری ویسل ایراوغلی، «ایرگینه دریاسی آرقه لی بوتون دره لر تازه لنه دی. لایحه ایسه 2019- ییلی اوز نهایه سیگه ییته دی» دیب گپیردی.
خبرتورک روزنامه سی: «629 ییللیک قونغراق تورکيه گه قَیتریلماقچی».
ایران مدنیت میراثی، قول صنعتلری و توریزم اداره سی غربي آذربایجان منطقه سیده اورین آلگن اورميه انتروپولوجی موزیمده گی 7 عصرلیک کلیسا قونغراقنی تورکيه گه قَیتریب بیرماقچی.
اداره باشلیغی اورین باسری میرهادی کری صیاد رومیانی،
«ایرانده گی بوتون تاریخي یادگارلیک و اثرلرنی کیرهکلی برچه قانوني ترتیب-قاعده گه عمل قیلگن روشده ایشلب چیقریلگن مملکتلرگه قَیتریب بیریش سیاستی باشله تدیک» دیدی.
بو سیاست نینگ ایران نینگ تینچلیک و دوستلیک مدنیتیگه باریب تقلگن لیگینی بیلگیلب اوتگن رومیانی،
«برچه قانوني جریانلر اوز نهایه سیگه ییتگنیدن کیین مملکت نینگ حقیقي کورینیشی یعنی قوشنیچیلیک و آدمگرچیلیگینی بوتون دنیاگه نمایش ایته آلیشیمیزگه ایشانچیم کامل» دیب گپیردی.
ایتیب اوتیش جایزکه، 1377-ییل نینگ 7-جولاییده تورکيه نینگ وان ولایتیده گی عزیز مریم کلیساسیگه تقدیم ایتیلگن قونغراق، اوروش وقتلریده ایرانگه آلیب باریلگن بولیب، او حاضرگچه «اورميه» آتیده گی انتروپولوجی موزیمده سقلندی.
وطن روزنامه سی: «گلی یف آلتین مدالنی قولگه کیریتدی»
اصلی آذربایجانلیک بولگن ملي یینگیل اتلیتیکچی رامیل گلی یف، انگلستان پایتختی لندنده دوام ایته یاتگن 16- دنیا اتلیتیزم مسابقه لریده ایرککلر اورته سیده 200 متر مصافه ده 20.09 ثانیه لیک کورستکیچ بیلن آلتین مدالنی قولگه کیریتدی. تورکيه گه بیرینچی دنیا قهرمانلیگینی آلیب بیرگن رامیل، غلبه سینی تورک و آذربایجان بیراقلری بیلن نشانله دی. ایتیب اوتیش جایزکه یاسمنی کاپللو ایسکوبار هم، تورکيه تاریخیده بیرینچی مراتبه ایرککلر اورته سیده گی دنیا مسابقه لریده کوموش مدالنی قولگه کیریتگن ایدی.