ترکیه مطبوعاتیدن خلاصه لر 05.05.1396

ستار روزنامه سی, ترکیه جمهوریتی جمهوررئیسی رجب طیب اردوغان نینگ, مسجد الاقصی نی حفاظت قیلیش نینگ برچه مسلمان لرنینگ وظیفه سیدن عبارت ایکن لیگی نی بیلدیرگن لیگی نی معلوم قیلماقده. 

خبرده, اردوغان نینگ, "اسرائیل نینگ مسلمان لر نی خفه قیلگن امنیتی جهاز لر نی آلیب تشله گن لیگی موجود بحران نینگ کمیتیریلیشی بوییچه یخشی بیر قدم دن عبارت بولدی. بیراق, اوشبو اقدام ییترلیک ایمس.  جمعه نمازی نی اوقیش اوچون کیلگن مسلمان لرنینگ مسجد گه کیریش لریگه اجازت بیریلمس لیگی نی تحمل قیله آلمیمیز.  اسرائیل رهبریتی, بیت المقدس نینگ اسلامی خصوصیتی نی یوق ایتیش گه حرکت ایتماقده.  بیت المقدس ایسه اسلامی خصوصیتی نی اسره ب قالیش گه انتیلماقده.  تینچ بیر شکلده یشش نی آرزو ایتیشی تقدیرده, اسرائیل نینگ منطقه نینگ وضعیتی نی یمان لشتیره دیگن سیاست لر دن واز کیچیشی کیره ک" دییه قید ایتگن لیگی ایسله تیلماقده. 

خبرترک روزنامه سی, ترکیه جمهوریتی اقتصاد وزیرلیگی تامانیدن بیریلگن معلومات لر گه کوره, اوتگن ییل نینگ خودی منه شوو دوری بیلن سالیشتیریلگنده جاری ییل نینگ ایلک بیش آییده ترکیه ده قیلینگن چیت ایل لیک سرمایه گذارلیک میزانی نینگ 65 فایز مقیاسیده آرتیب 3,6 میلیارد دالر گه کوتریلیب کیتگن لیگی نی بیلدیرماقده. 

خبرده, جنوری بیلن می آی لری آره سیده گی اوشبو احصائیه لر گه کوره, اینگ کوپ کورفز اولکه لری سرمایه دار لری سرمایه گذارلیک لری میزانی نینگ آرتیب کیتگن لیگی نینگ کورینگن لیگی معلوم قیلینماقده. 

روزنامه, کورفز اولکه لری سرمایه گذارلیک لری نینگ 111 میلیون دالر دن 552 میلیون دالر گه کوتریلیب کیتگن لیگی نی قید ایتماقده. 

وطن روزنامه سی, ترکیه نینگ مدافعه صنایع سی شرکت لریدن عبارت آسیلسان, توساش و راکتسان نینگ دنیا نینگ اینگ کتته 100 شرکتی لستی گه کیرگن لیگی نی معلوم قیلماقده. 

خبرده, امریکا قوشمه ایالتلری نینگ Defense News مجله سی نینگ دنیا نینگ اینگ کتته 100 مدافعه صنایع سی شرکتی نینگ لستی نی ترقتگن لیگی ایسله تیلماقده.

روزنامه, شرکت لرنینگ ساتگن محصولات میزانی نینگ اساس قیلیب آلینیب اوشبو لست نینگ ترقه تیلیتگن لیگی نی معلوم قیلماقده. 

خبرده, 1 میلیارد و 195 میلیون دالر, 1 میلیارد و 84 میلیون دالر و 364 میلیون دالر لیک بیر دخل بیلن آسیلسان, توساش و راکتسان نینگ اوشبو لستده اورین آلیش گه موفق بولگن لیگی ایسله تیلماقده. 

صباح روزنامه سی, ترکیه جمهوریتی جمهوررئیسی رجب طیب اردوغان نینگ, اپریل آیی نینگ 30 نچی کونیده هندوستانگه قیلگن سفری نینگ اوز ثمره سی نی بیره باشله گن لیگی نی ایسلتماقده. 

خبرده, ترکیه- هندوستان توریزم کینگشی نینگ تشبثی بیلن میلادی 2018 نچی ییلیده ترکیه بیلن هندوستان آره سیده چارتر طیاره لری نینگ کیلیب کیتیشی گه قرار بیریلگن لیگی بیلدیریلماقده. 

روزنامه, امضالنگن کیلیشوو دایره سیده بمبیی و ینگی دهلی دن بودروم, دالامان و انتالیا گه هفته ده بیر چارتر اوچیشی نینگ بوله دیگن لیگی نی یازماقده. 

عینی دمده خبرده, هندوستان سیاحت نماینده لیک لری فدراسیونی نینگ, هر ییل دنیا نینگ فرقلی جای لریده بولیب اوته دیگن نماینده لیک لر کنگره سی نی جاری ییلده ترکیه نینگ موغلا ولایتی نینگ دالامان منطقه سیده اوتکزه دیگن لیگی قید ایتیلماقده.