ترکیه نینگ مطبوعات خلاصه لری 15.02.1396
ترکیه نینگ مطبوعات خلاصه لری
![ترکیه نینگ مطبوعات خلاصه لری 15.02.1396](http://cdn.trt.net.tr/images/xlarge/rectangle/1bde/c41c/f61f/583bc80594d64.jpg?time=1718858444)
ترکیه نینگ مطبوعات خلاصه لری 15.02.1396
خبر تورک روزنامه سی ، تورکيهگه سرمایه کیریتگن خارجيلرگه تورک یورتداش لیک حقی بیریلیشی ینگیدن ترتیبلندی دېب چاپ اېتماقده.
عملدهگی تورک یورتداشلیک قانونيده اوزگریش کیریتیلیب رسمي گزیتهده چاپ ایتیلدی.
قانونده « تورک یورتداشلیگینی استثنائی روشده آلیش اوچون، مراجعتلرده کیرهکلی حجتلر و قیلینهدیگن ایشلر» سرلوحهسی بیلن اورین آلدی.
بونگه کوره، کمیده 1،5 میلیون دالر مقداریده کوچمس (غیر منقول) ملککه سرمایه کیریتگن یاکه تشبث سرمایهسی فوندیگه اشتراک اوچون حصه آلگن و 3 ییل مدت بیلن قولیده توتگن سرمایه بازاری کینگشی تامانیدن انیقلنگن خارجيلرگه وزیرلر کینگشی قراری بیلن تورکیه تابعیتی بیریله دی.
حریت روزنامه سی، "تورک آقیمی لایحهسی نینگ قوریلیش جریانی باشلنهدی" دېب یازماقده.
روسيه انرژی شرکتی گازپرام، روس گازینی تورکيه اوستیدن اروپاگه یېتکزهدیگن تورک آقیمی لایحهسیده پایپ نل ترماغاینی قوریش فعالیتلرینی یکونله دی. لایحه نینگ قوریلیشی بیر نېچه کون ایچیده باشله تیلهدی. تورک آقیمی نینگ 31.5 میلیارد متر مکعب طبيعي گاز تأمینله یدیگن 900 کیلومترلیک، قارهدېنگیزدن اۉتگن ایکّی بۉلیمی 7 میلیارد یېورا بۉلهدی. تورک آقیمی نینگ دېنگیز آستیدن اۉتگن قِسمی نینگ گازپرام شرکتی South Stream Transport B.V. تامانیدن آلیب باریلماقده. لایحه نینگ تورکيه توپراقلریدن اۉتهدیگن قِسمی نینگ اېسه مشترک بهههلشیشگه قرار بېریلدی. لایحه، 2020 ییلی خدمتگه اۉتهدی.
یېنی شفق روزنامه سی، "پی کاکا نینگ تاغدهگی گروهی ترقهلماقده" دېب خبر قیلماقده.
جَنوبي شرقي آنادۉلیده دوام اېتگن ترورگه قرشی کورهش اۉپراسیونسیده پی کاکاگه کتّه ضربه اوریلدی. فقط تونجېلیده بۉلگنی تخمین اېتیلگن 200 تروریست نینگ 130 نفری تأثیرسیز حالگه کېلتیریلدی. پی کاکاگه قۉشیلگنلر کمهییب بارر اېکن، تشکیلاتدن قاچگنلر هم کۉپ سانده. محلي خلق ترورنی حمایه قیلمهگنی کبی اېندی تروریستلر نینگ باشیگه قۉییلگن پول عوضیگه اولرنی فاش قیلماقده. نرکوتیک تجارتی هم تا‘ختهگنی اوچون مادّي جهتدن قیینهلماقده. بو ضررلر تروریستلر نینگ کیفیتینی بوزیب، سوريه و عراقده عرب و تورکمنلرنی یۉق قیلیب ترور گذرگاهی وجودگه کېلتیریشگه اورینگن پی کاکا نینگ خایین رېجهلری هم سووگه توشدی. امریکا و اروپالیک عسکرلر سوريه توپراقلریده قوراللی تعلیم بېرگن تروریستلرنی ح0مایه قیلیشگه حرکت قیلماقده.
صباح روزنامه سی، "اروپا پارلمانی تورکيه رېپارتیاری کَتی پیری نینگ یالغانلری میدانگه چیقدی" دېب یازماقده.
اروپا پارلمانی تورکيه رېپاتیاری کَتی پیری نینگ ترور تشکیلاتی پی کاکا اعضاسی تروریستلرنی بېگناه کبی کۉرسهتیش غیرتی ثمره بېرمهدی. تورک استخباراتی، پیری نینگ بېگناه دېگن تروریستلرنی حجتلر بیلن کورستدی. استخبارات راپوریگه کۉره، کری پیری نینگ عامهوي جماعتچیلیکنی الدهتگنی، تورکيهگه هم پی کاکا نینگ، روسيه و عراقده اېسه PYD, YPG نی حمایه قیلگنی میدانگه چیقدی.
ستار روزنامه، "سوريهده ینگی امید فرات قالقانی مۉدلی" دېب یازماقده.
تورکيه نینگ مخالفلر نینگ دستهگی بیلن سوريه نینگ شِمالیده آلیب بارگن تروردن تازلش عملیاتی فرات قالقانی ، اۉلکهده آلتی ییلدن بېری دوام اېتیب کېلگن ایچکی بحراننی برطرف قیلیش و سیاسي جریانگه اۉتیش اوچون نمونه بۉلدی. تورک قورالی کوچلری نینگ ترورنی برطرف قیلگندن کېین وجودگه کېلهدیگن خوفسیز حدوددنی توشونیب یۉلگه چیقگن روسيه، آستانه اوچرهشوولری دوام اېتر اېکن تورکيهگه 4 حدودنی اۉز ایچیگه آلگن تکلیفینی تقدیم اېتدی. روس رهبر پوتین بیلن جمهور رئیس ایردوغان نینگ خریطه موضوعسیده کېلیشوونی اېسه کونی کېچه امضانلهدی.