ترکیه نینگ مطبوعات خلاصه لری 01.02.1396

ترکیه نینگ مطبوعات خلاصه لری 01.02.1396

خبر ترک روزنامه سی ایردوغان نینگ 16-17 می ده ترامپ بیلن اوچره شه من دیگن لیگینی یازماقده:

جمهور رئیس رجب طیب ایردوغان، A New تلویزیونی گه بیرگن بیاناتیده، امریکا قوشمه ایالتلری دولت باشلیغی دونالد ترامپ بیلن 16-17 می ده اوچره شرلیکلرینی بیان ایتدی. اوچره شووده گی موضوعلر بیلن علاقه لی اوله راق، فتح الله چی ترور تشکیلاتی نینگ باشقرووچیسی نینگ استراتیژی اورتاغیمیز امریکا قوشمه ایالتلریده قالیشی نینگ اوزلرینی متأثر قیلگن لیگینی معلوم قیلیب، "حرمتلی ترامپ، اوبامانینگ قیلمه گن لیگینی عملی قیله دی. کمیده اداری جهتدن بونقه بیر قرار آلرلیگینی کوتماقده میز. سوریه موضوعسینی هم گپیره میز. اسد بیلن بو آلغه بارمه یدی. سوریه خلقی تامانیدن قبول بوله دیگن بیر کیشی بیلن موقتی بیر شورا بیلن آلیب باریش نینگ معقول بولرلیگینی ایتگن میز. شونقه بیر جریانگه قره ب بارماقده دیگن لیگینی یازماقده.

وطن روزنامه سی غرب گه هجوم اویوشتیرمه گنده ترور تشکیلاتی ایتیلمه یدی دیب یازگن خبریده:

جمهور رئیس لیک سوزلاوچیسی ابراهیم قلین، بیر پروگرامده قیلگن صحبتیده، مذهبی توقنه شوو توغریسیده آگاهلنتیردی. ترور مسئله سی نینگ فقط داعش و القاعده بیلن محدود لشتیریش نینگ ینگلیش ایکن لیگینی اورغوله گن قلین، "غربی جمعیت لرگه هجوم اویوشتیرمه گنده، ترور تشکیلاتلری ترور اوله راق قبول قیلینمه یدی. پی کاکا ترکیه گه هجوم اویوشتیرگن لیگی اوچون PYD,YPG سوریه ده سوریه خلقی گه ظلم قیلماقده. او جای آرقه لی ترکیه گه هجوم اویوشتیرگن لیگی اوچون اهمیت بیریلمه یدی ترور تشکیلاتی اوله راق قبول قیلینمه یدی، دیگن لیگینی یازماقده.

یینی شفق روزنامه سی ایردوغان عرب لرنینگ هم رئیسی دیب یازگن خبری نینگ دوامیده:

لبنان نینگ پایتختی بیروت ده گی سنت جوزیف عالی بیلیم یورتیده سیاست بیلیمی پروفیسر لیگی قیلیب تورگن جانا جبار جمهور رئیس ایردوغان نینگ عرب دنیاسیده هم "رئیس" اوله راق کوریلگن لیگینی ایتدی. جبارنینگ، "عرب لرنینگ کوپراغی ایردوغاننی اورته شرق و امت اوچون بیر امید اوله راق کوریلماقده. غرب گه مقابله قیلیب، مسلمان دنیاسی نینگ دعواسیدن مدافعه قیلیش جسارتی گه قرشی منتدارچیلیک بیلدیرماقده لر" دیگن لیگینی یازماقده.

صباح روزنامه سی خلیج سرمایه سی شانلی اورفاگه کیله دی دیب بیرگن عنوانی آستیده:

باش وزیرلیک سرمایه گذارلیک حمایه لاوچی و تانیتووچی آژانسی بیلن قاره جه داغ ترقیات آژانسی تامانیدن مشترکاً آلیب باریلگن پروگرام چوکاتیده  سعودی عربستان، قطر، کویت و بحرین 50 تجار زراعت و مالدارلیک ساحه سیده شانلی اورفاده تیکشیروو عملگه آشیردی. خلیج اولکه لری بیلن زراعت و حیوان چیلیک ساحه سیده تجارت نی ترقی بیریش و بو اولکه لردن منطقه گه سرمایه گذار کیلتیریش مقصدی بیلن ترکیه ده گی عرب سرمایه گذارلر، ولایت اداره چیلری بیلن اوچره شگن لیگینی یازماقده.

ستار روزنامه سی توریزم ساحه سیده ریزرویشن نینگ سانی یوقاری کیتدی دیب یازگن خبریده:

استانبول سیاحت شرکت لری اویوشمه سی باشلیغی حسن بیره م، خلق رای گیرلیگی نینگ آرتیدن توریزم سرمایه گذارلیگی اوچون تماس آلگنلرنینگ سانی نینگ کوپه یگن لیگینی معلوم قیلیب، "سیاحتچیلر امنیتی تأمین منطقه لرنی خواهله یدی. خلق رای گیرلیگی نتیجه سی نینگ قبول بولیب چیققن لیگی استقرار معناسیگه کیله دی. قبول رای نینگ آرتیدن اولکه ده سرمایه گذارلیک و اعتماد کوپه یه دی. بو هم اولکه توریزمی ساحه سیده جدی شکلده حصه قوشه دی دیگن لیگینی یازماقده.