ترکیه مطبوعاتیدن خلاصه لر 09.12.1395

ینی شفق روزنامه سی, ترکیه ده اساسی قانون نینگ اوزگریشی بیلن علاقه لی 18 ماده لیک اوزگریش حقیده اپریل آیی نینگ 16 نچی کونیده رفراندوم بولیب اوته دیگن لیگی نی بیلدیرماقده. 

خبرده, ینگی اساسی قانون نینگ جمهوررئیس لیگی سیستمی نی اوز ایچی گه آلگن ینگی حکومت شکلی, ترکیه نینگ تشقی سیاستی و خلق ارا علاقه لر بوییچه موثریتی نی آرتیره دیگن لیگی قید ایتیلماقده.

عینی دمده خبرده, ینگی اساسی قانون بیلن ترکیه نینگ خلق ارا مقیاسده گی بحران لر گه قرشی موثر بیر شکلده کوره شه دیگن لیگی و ایچکی برقرار لیگی نی خلق ارا علاقه لر گه هم انعکاس ایتتیره دیگن لیگی بیلدیریلماقده. 

روزنامه, شونده ی قیلیب ترکیه نینگ منطقه و خلق ارا مقیاسده گی علاقه لر بوییچه کوپ تامانلمه بیر تشقی سیاست آلیب باره دیگن لیگی و ایچکی سیاست ده گی نا انیق لیق لرنینگ بر طرف ایتیلیشی آرتیدن انقره رهبریتی نینگ حربی و مدافعه صنایع سی بوییچه فعالیت لر گه ینه ده کوپراق اهمیت بیره دیگن لیگی نی معلوم قیلماقده. 

خبرده, اوشبو دایره ده ترکیه نینگ ناتو ده گی رولی نینگ آرته دیگن لیگی و اقتصادی کوچی نینگ ینه ده آرتیب کیته دیگن لیگی بیلدیریلماقده.

خبرترک روزنامه سی, ترکیه نینگ ماوی مرمره کیمه سی گه قره تیلگن اسرائیل اردوسی نینگ هجومی آرتیدن ترکیه بیلن اسرائیل آره سیده گی علاقه لرنینگ بوزیلیب قالگن پیتده هم ترکیه ده وظیفه اجرا قیلگن اسرائیل نینگ استانبول باش قونسلی ساهیا جوهن نینگ, "اصلی گه قره گنده مین ترکیه گه کیلمسدن آلدین علاقه لرنینگ عادی له شیشی پروسه سی باشله گن ایدی.  باش وزیر بونیامین ناتانیاهو, جمهوررئیسی رجب طیب اردوغان گه قونگغراق قیلگن ایدی.  ماوی مرمره کیمه سی گه قره تیلگن هجوم سببلی کیچریم سوره گن ایدی.  کیلیشوو گه جوده آز بیر مدت قالگن پیتده اسرائیل نینگ غزه گه قره تیلگن عملیاتی ایش لرنی بوزیب تشله دی.  خودی منه شونده ی بیر وضعیت نینگ اوزیده ترکیه گه کیلدیم. ایلک کونلرده وظیفه م نینگ جوده قیین بوله دیگن لیگی گه ایشانچیم کامل ایدی.  کوتیلمه گن بیر شکلده اوچره شوو طلب لریم نینگ 90 فایزی قبول بولدی" دییه قید ایتگن لیگی نی بیلدیرماقده. 

وطن روزنامه سی, ترکیه نینگ سوریه چیگره سی گه کتته بیر دیوار اوریتگن لیگی نی بیلدیررایکن, 511 کیلومتر مربع لیک اوشبو دیوار نینگ قوریلیشی ایش لری نینگ 50 فایز مقیاسیده تکمیل بولگن لیگی نی معلوم قیلماقده. 

حریت روزنامه سی, وطنی ماللر نینگ تولیدی ایتیلیشی و کیفیتی نینگ آرتریلیشی موضوعی نینگ سونگگی ییل لرده ترکیه ده اینگ کوپ بحث ایتیلیتگن موضوع لردن بیری گه ایله نیب قالگن لیگی نی ایسلتماقده.

خبرده, ترکیه جمهوریتی جمهوررئیسی رجب طیب اردوغان نینگ خلق ارا مقیاس ده کوچلی بولیش اوچون کمیده 10 وطنی محصولی میز نینگ موجود بولیشی کیره ک ایکن لیگی نی بیلدیرگن لیگی ایسله تیلماقده.

روزنامه, ترکیه نینگ اینگ کوپ بیلینگن محصولی نینگ لاسسا نامیده گی موتر تایری دن عبارت ایکن لیگی نی بیلدیرماقده. 

لاسسا نینگ بارسیلونا گه سپانسر بولیشی آرتیدن دنیا ده گی اینگ مهم اقتصادی محصول لر دن بیری گه ایله نیب قالگن لیگی معلوم قیلینماقده اوشبو خبرده.