ترکیه نینگ مطبوعات خلاصه لری 25.11.1395

ترکیه نینگ مطبوعات خلاصه لری 25.11.1395

حریت روزنامه سی: الباب نی هر آن قولگه کیریتیش ممکن دیب یازگن خبریده:

جمهور رئیس رجب طیب ایردوغان، بحرین، سعودی عربستان و قطر سفریدن آلدین آتاترک قونلغه سیده سوریه نینگ شمال تامانی نینگ ترور تشکیلاتلری نینگ قولیدن تمیزلنیشی اوچون 24 – اگست ده ترکیه نینگ باشقرووچیلیگیده باشله تیلگن فرات قالقانی حرکاتی بیلن علاقه لی معلومات بیردی. جمهور رئیس "الباب بیزنینگ و آزاد سوریه اردوسی تامانیدن محاصر آستیگه آلینگن. مرکزگه کیریلیشینی تخمین ایتیب، ترور تشکیلاتی داعش الباب نی ترک ایتماقچی. بوندن کیین هرآن کیریب باریش ممکن. ریجه لنگن فعالیت آلیب باریلماقده. بوندن کیین شرق تامانده گی منبچ و رقه شهرلری کوزگه توتیلگن. بو موضوع بیلن علاقه لی اوله راق امریکا قوشمه ایالتلری نینگ ینگی اداره سی بیلن CIA باشلیغی گه فکرلریمیزنی ایتدیک، دیدی.  

ستار روزنامه سی: انرژی سیاستی نینگ کتابی یازیلماقده دیگن عنوانی بیلن:

ترکیه نینگ انرژی سیاستی بیلن علاقه لی اساسی بیر کتاب تیارلنماقده. انرژی و معدن وزیری برات آل بیراق "وزیرلر و پرسونل اوزگره دی بیراق ترکیه نینگ انرژی سیاستی بوییچه بنیادی استراتیژی لری اوزگرمس لیگی کیره ک. بو خدمات بوییچه فعالیت آلیب بارماقده میز. 2023 – ییل ترکیه سیده انرژی ساحه سیده گی وابسته لیک، انرژی نوعیتی، انرژی زیر بناسی کبی حادثه لرگه آماده عین دمده قیمت لرنینگ قوییگه کیلیشی، رقابت و اقتصاد توسعه قیلگن بیر انرژی استراتیژی سیگه ضرورت باردیر، دیگن لیگینی یازماقده.

صباح روزنامه سی: اوتوموتیف ساحه سیده وضعیت جوده یخشی دیب یازگن خبری نینگ دوامیده:

میلادی 2016 – ییل نی تولید، اخراجات و ایچکی بازار ساتیش لریده ریکارد قولگه کیریتگن اوتوموتیف بازاری، 2017 – ییل گه سرعت بیلن باشله دی. جنوری آیده تولید، اخراجات و ایچکی بازار ساتیش لری درجه سی یوکسک درجه لرگه باردی. توپلم تولید 128 مینگ عدد و کیچیک موتر تولیدی 94 مینگ عراده موترگه باردی دیب یازماقده.

خبر ترک روزنامه سی: ایرزوروم ده طنطنه لی افتتاح مراسمی بولیب اوتدی دیب یازگن خبریده:

ترکیه میزبانلیک قیلگن 2017 – ییل اروپا یاشلر المپیک قیش فیستیوالی ایرزورومده اویوشتیریلگن طنطنه لی مراسم بیلن افتتاح بولیب باشلندی. افتتاح مراسمی ایرزوروم کاظم قاره بکر استدیومیده بولیب اوتدی. سردار دینگیز ملی سپورتچی عایشه دورلودن شمع نی الیب المپیک شمع نی یاقدی. فستیوالگه 34 اولکه دن 15-18 یاشلریده 650 سپورتچی 18 – فبروری گچه رقابت قیله دی، دیب یازماقده.