ترکیه نینگ مطبوعات خلاصه لری 22.11.1395

ترکیه نینگ مطبوعات خلاصه لری 22.11.1395

خبر ترک روزنامه سی: دوست دن کیلگن ضربه دیگن عنوانی بیلن:

ترک قوراللی کوچلر قومندان لیگی، "فرات قالقانی حرکاتی منطقه سیده تناون کون ساعت 08:40 ده روسیه نینگ حربی اوچاغی نینگ داعش گه قره ته هوائی هجوم جریانیده ترک عسکرلری بولگن بنانی بیلمه ی اورگن لیگینی بیان ایتدی. الباب ده ترک عسکرلری بولگن بناگه بمب توشگن لیگی باعث 3 کیشی عسکر شهید بولدی 1 نینگ وضعیتی وخیم 11 عسکر یره لندی. حادثه نینگ آرتیدن روسیه دولت باشلیغی ویلادیمیر پوتین، جمهور رئیس رجب طیب ایردوغانگه قونغراق قیلیب، قیغوداشلیک و تسلیت بیلدیردی. اوچره شووده سوریه نینگ هم مطرح بولگن لیگینی یازماقده.

یینی شفق روزنامه سی: رقه دن آلدین خوفسیز منطقه ایجاد ایتیش کیره ک دیب یازگن خبری نینگ دوامیده:

سوریه نینگ رقه شهریگه عملیات اویوشتیریلیشینی طلب قیلگن امریکا قوشمه ایالتلریگه ترکیه اوز پلانینی ایتدی. انقره بو تکلیف نینگ نتیجه بیرمس لیگینی معلوم قیلیب، اولاً ترور تشکیلاتی پی کاکانینگ سوریه ده گی اورتاغی پی وای دی نی بی اثر قیلیب، خوفسیز منطقه ایجاد ایتیلیشینی خواهله ماقده. داعش نی برهم اوره دیگن مداخله، حکومت بیلن توقنه شووگه سبب بوله دیگن جنوب تاماندن ایمس، مستقیم تل ابیض آرقه لی آلیب باریلیشینی خواهله یدی. بو پلان ترکیه نینگ بیر دام گه توشیریلیشی گه مانع بوله، دیب، یازماقده.

صباح روزنامه سی: CIA باشلیغی بیلن رقه پلانی کوریشیلدی دیب یازماقده:

امریکا مرکزی استخبارات تشکیلاتی (CIA) نینگ ینگی باشلیغی مایک پومپیو ایلک چیت ایل سفرینی ترکیه گه عملگه آشیردی. جمهور رئیس رجب طیب ایردوغان، امریکا قوشمه ایالتلری دولت باشلیغی دونالد ترامپ بیلن تیلفون آرقه لی اوچره شگنده سوریه نینگ رقه9 شهری نینگ داعش نینگ قولیدن تمیزلنیشی اوچون ترکیه نینگ عملی پلانینی تکلیف قیلگن ایدی. پومپیونینگ سفریده بو "عملی پلان" مطرح بولرکن، PKK/PYDYPG ترور تشکیلاتلریگه بیریلگن همکارلیک دن ناراحت بولگن لیکلری ایتیلدی. فتونینگ باشقرووچیسی فتح الله گولن نینگ 15 نچی جولا کودتا تشبثی نینگ مسؤلی ایکن لیگینی کورستگن اسنادلر هم ارائه قیلینیب، ترکیه گه تسلیم ایتیلیشی سوره لدی دیب یازماقده.

وطن روزنامه سی: دنیا بانک تمویل قیلیش اوچون آماده دیگن عنواننی بیرماقده:

روزنامه، تاناپ اوچون بوتاش گه 400 ملیون دالر قرض بیرگن دنیا بانک، ذخیره ایتیله دیگن توز کولی گازنینگ دیپولش تأسیساتی اوچون هم قرض بیریش گه آماده دیر. دنیا بانک اروپا و آسیادن مسؤل اورین باسری سیریل مولرترکیه نینگ انرژی خوفسیزلیگی فعالیت لرینی حمایه قیلیش گه دوام ایترلیک لرینی معلوم قیلیب، "بو چوکاتده، ییل لیک بیر ملیارد متر مکعب دیب تخمین قیلینگن توز کولی گاز دیپولش تأسیساتیده ظرفیت نینگ یوقاری آلیب باریلیشی گه تمویل قیلیووچیلردن بیرته سی بولیش نی امید قیله میز" دیدی.  

حریت روزنامه سی: کائینات نینگ 50 ییل لیک سرینی کشف قیلگن ترک دیب بیرگن خبریده:

امریکا قوشمه ایالتلری هاروارد عالی بیلیم یورتی استادلریدن ترک استاد داکتر بلنت قیزیل تان 50 ییل دن بیری تارتیشوو موضوعسی بولیب تورگن ایلک قاره تیشیک نی کشف قیلدی. قیزیل تان 2 مینگ 200 قویاش کتله سیگه صاحب ایلک قاره تیشیک نی تثبیت ایتیب، اوزینی بیلیم دنیاسیگه مطرح قیلیب قویدی. قویاش دن مینگلب قات بویوک کتله گه ایگه یولدوزلرنینگ انرژی سینی خلاص قیلگندن کیین چوکیب، قاره تیشیک چیققن لیگینی تثبیت قیلگن لیگینی یازماقده.