ترکیه مطبوعاتیدن خلاصه لر ۰۵.۱۱.۱۳۹۵
ترکیه مطبوعاتیدن خلاصه لر ۰۵.۱۱.۱۳۹۵
حریت روزنامه سی, ترکیه جمهوریتی جمهوررئیسی رجب طیب اردوغان نینگ تانزانیا ده بیرگن بیاناتلریده, "حاضرگی کونده دنیا ده گی اینگ کتته معما تروریزم دن عبارت. اوشبو معما گه قرشی کوره شیش اوچون همه میز نینگ بیر یقه دن باش چیقاریشی میز کیره ک. یومشاق تروریزم یاکه قتتیق تروریزم دیگن بیر گپ یوق. بونده ی بیر نرسه گه الدنمس لیک کیره ک. ترکیه میلادی ۲۰۱۶ نچی ییلی جولای آیی نینگ ۱۵ نچی کونیده فتح الله چی ترور تشکیلاتی موازی دولت ساختاری FETÖ/PDY نینگ موفقیت سیز کودتا تشبثی گه دوچ کیلیب قالدی. اوشبو ترور تشکیلاتی فقط گینه ترکیه ایمس, بلکه فعالیت آلیب باریتگن برچه اولکه لر ده کتته بیر تهدید دن عبارت" دییه قید ایتگن لیگی نی بیلدیرماقده.
صباح روزنامه سی, آلتی ییلدن بیری اوروش لر نینگ دوام ایتیتگن سوریه ده اوروش نینگ طرف لری دن عبارت بولگن بشار الاسد رژیمی بیلن قوراللی مخالف لر نینگ نماینده لری نینگ ترکیه و روسیه نینگ تشبثی لری بیلن قزاقستان پایتختی آستانه ده اوز ارا اوچره شگن لیک لری نی معلوم قیلماقده.
خبرده, اساسی هدفی نینگ دسامبر آیی نینگ ۳۰ نچی کونیده اعلان ایتیلگن سوریه ده گی آتش بس نینگ دوام ایتیشیدن عبارت بولگن اوشبو ییغیلیش گه, ترکیه, روسیه, ایران, بیرلشگن ملت لر تشکیلاتی, امریکا قوشمه ایالتلری هیئت لری بیلن بیر قطارده بیرلشگن ملت لر تشکیلاتی نینگ سوریه بوییچه خاص نماینده سی ستیفن دی میستورا نینگ هم اشتراک ایتگن لیگی قید ایتیلماقده.
روزنامه, ترکیه تامانیدن تشقی ایش لر وزیرلیگی نینگ مستشار اورینباسری سادات اونال و ایران نماینده لیگیده ایسه تشقی ایش لر وزیری نینگ اورینباسری نینگ اشتراک ایتگن اوشبو ییغیلیش جریانیده, امریکا قوشمه ایالتلری هیئتی گه خودی منه شوو اولکه نینگ آستانه ایلچی سی نینگ ریاست قیلگن لیگی نی بیلدیرماقده.
خبرده, روسیه تامانیدن ایسه اوشبو ییغیلیش گه روسیه جمهوررئیسی ولادیمیر پوتین نینگ سوریه مسئله سی بوییچه خاص نماینده سی الکساندر لاورینتیف بیلن تشقی ایش لر وزیرلیگی نینگ اورینباسری میخائیل بوگدانوف نینگ اشتراک ایتگن لیگی بیلدیریلرایکن, بشار الاسد رژیمی تامانیدن ایسه رژیم نینگ بیرلشگن ملت لر تشکیلاتی ده گی نماینده سی بشار الجعفری نینگ نماینده لیک ایتگن لیگی معلوم قیلینماقده.
وطن روزنامه سی, سوریه ده اوروشیتگن قوراللی گروه لرنینگ قوماندان لری بیلن حکومت آره سیده ایلک مراتبه آستانه ده اوچره شوو بولیب اوتگن لیگی نی بیلدیرماقده.
خبرده, اوشبو تامان لرنینگ ترکیه و روسیه نینگ گرنتی سی بیلن ایلک مراتبه اوز ارا اوچره شگن لیک لری ایسله تیلماقده.
