ترکیه نینگ مطبوعات خلاصه لری 27.10.1395

ترکیه نینگ مطبوعات خلاصه لری 27.10.1395

خبر ترک روزنامه سی: جمهور رئیس ایردوغان اوچ کون جریانیده افریقانینگ 3 اولکه سیگه سفر قیلیب اوته دی دیب یازماقده:

روزنامه جمهور رئیس رجب طیب ایردوغان 22-25 نچی جنوری تاریخلری آره سیده ایلک بار تنزانیا، موزمبیک و مالاگازیگه سفر اویوشتیره دی. اوشبو سفرلرده اساسی موضوع اقتصادی همکارلیک و تیکانینگ پروژه لریدن عبارت دیب یازماقده.

حریت روزنامه سی: ترامپ گه قدوس توغریسیده هوشدارلیک دیب بیر عنوانی بیلن:

پاریس ده 70 اولکه اشتراک ایتگن کنفرانس ده فلسطین- اسرائیل مسئله سی مطرح بولیب اوتدی. فرانسه تشقی ایشلر وزیری آیرو، امریکا قوشمه ایالتلریده 20- جنوریده وظیفه نی تسلیم آله دیگن دونالد ترتمپ نی امریکا قوشمه ایالتلری بویوک ایلچی لیگینی تل عفیف دن قدوس گه انتقال بیریشی اوچون آگاهلنتیردی. آیرو بونینگ "جدی نتیجه لرگه باعث بوله دیگن بیر تبلیغ" ایکن لیگینی ایتدی. مشترک اولتیریشلرده صحبت عملگه آشیرگن ترکیه تشقی ایشلر وزیری مولد چاووش اوغلی هم "منطقه ده دائیمی و هر تامانلمه تینچ لیک که منطقه نینگ عاجل ضرورتی بولگن لیگینی" معلوم قیلیب، ترکیه نینگ جریان توغریسیده گی همکارلیگینی اورغوله دی. عین دمده فلسطین توپراقلریده اشغال نینگ نهائی بولیشی، مستقل بیر فلسطین دولتی قوریلیشی نینگ منطقه ده صلح نینگ برقرار بولیشی اوچون مهم ایکن لیگینی بیان ایتگن لیگینی یازماقده.

یینی شفق روزنامه سی: اقتصاد وزیری نینگ گمرک بیرلیگی گه ینگی لیک چاروا چیلیک نی توسعه بیره دی دیگن لیگینی یازگن خبری نینگ دوامیده:

اقتصاد وزیری نهاد زیبکچی، گمرک بیرلیگی گه ینگی لیک نینگ چاروا چیلیک که توسعه باعث بولرلیگینی معلوم قیلدی. چارواچیلیک ده اروپا بیرلیگی گه ماس ینگی لیکلر کیلرلیگینی بیان ایتدی و بوغدای ایت کبی انچه محصول نینگ ارزان بولرلیگینی بیلدیردی. اروپا بیرلیگی بیلن انگلستان نینگ برکست نینگ آرتیدن ایجاد ایتگن مناسبت گه اوخشه گن شکلده ترکیه بیلن هم ایجاد ایتیلیشی توغریسیده فعالیت آلیب باریلگن لیگینی اورغوله دی دیب یازماقده.

وطن روزنامه سی: ترورچیلیک که قرشی کوره ش توغریسیده هوائی همکارلیک اوچون ترک هواچیلیک و فضا صنایع تامانیدن ایشلب چیقریلیگن ملی تربیه لاوچی اوچاغی حُر قوش – سی گه وطنی مهماتلر و راکتلر مونتاژ قیلیندی. حُر قوش – سی دیجتال خبرلشوو آرقه لی تصویر هم آلیب بیره دی. زره اوچاق قوراللی انسانسیز اوچاقلردن فرقلی اوله راق 1500 کیلو گرام یوک آلیب باره دی دیب یازماقده.

صباح روزنامه سی: جمهور رئیس معیوب قهرمانلرنی بیرته – بیرته قوتله دی دیب یازگن خبریده:

جمهور رئیس رجب طیب ایردوغان ایتالیانینگ اودینه شهریده اویوشتیریلگن 22 یاشدن کیچیک اروپا بایسکیل ارابه باسکیتبال مسابقه لری چوکاتیده فاینل ده انگلستان نی مغلوبیت گه اوچره تیب، آلتین میدال قولگه کیریتگن ملی تیم نی تیلفون آرقه لی هر بیرینی بیرته – بیرته قوتلب اوتدی و بیش تپه گه دعوت ایتدی. سپورتچیلرنی قونلغه ده جمهور رئیس لیک باش مصلحتچیسی همزه ییرلی قایا و عائله اعضالری کوتیب آلدی دیب یازماقده.