ترکیه نینگ مطبوعات خلاصه لری 30.12.1395

ترکیه نینگ مطبوعات خلاصه لری 30.12.1395

یینی شفق روزنامه سی: سوریه ده تقریباً 6 ییل دن بیری دوام ایتیب تورگن اوروشنی بیتیره دیگن آدیم، انقره – مسکو کیلیشووی بیلن آتیلدی. اولکه گه بوگون دن باشلب آتش کیس اعلان قیلیندی. ایککی ضامن اولکه اوله راق ترکیه – روسیه آره سیده "قیزیل خط" ایجاد ایتیلدی. ترکیه تشقی ایشلر وزیرلیگی بیرگن بیاناتیده "بو آتش کیس نی برچه تامانلرنینگ رعایت قیلیشی کیره ک دیر. ترکیه – روسیه اوروش سیزلیک وضعیت نی حمایه قیلماقده. بونی بیرگه لیکده تعقیب قیله دیلر" دیب، ایتیلگن.

خبر ترک روزنامه سی: جمهور رئیس ایردوغان نینگ بیرلشگن ملتلر خوفسیزلیک شوراسی تامانیدن ترور گروهی اوله راق اعلان قیلینگن گروه لر آتش کیس نینگ تشقریسیده دیر، دیگن لیگینی یازماقده:

جمهور رئیس رجب طیب ایردوغان، ترکیه گه رسمی سفر اویوشتیرگن کوزوا جمهور رئیسی هاشم تاچی بیلن مشترکاً اویوشتیرگن مطبوعاتی بیاناتیده "سوریه لیک مخالفلر و روسیه فدراسیونی نماینده لری ترکیه نینگ کوسیسی بیلن انقره ده اوچره شدیلر. اوشبو اوچره شوولر نتیجه سیده حکومت بیلن مخالفلر آره سیده سوریه نینگ هر تامانی اوچون آتش کیس عملی بولیشی توغریسیده کیلیشدیلر. بیرلشگن ملتلر تشکیلاتی تامانیدن ترور گروهی اوله راق اعلان قیلینگن گروه لر بو پروسه دن تشقریده توره دی. سیاسی جریان نینگ فعالت گه اوتیشی اوچون ضامن اولکه لر حضوریده قزاقستان نینگ پایتختی آستانه ده جلسه بولیب اوته دی. مخالف کوچلر بیلن اوچره شیش لر بولیب اوته دی. جنوره جریانینی حمایه قیلووچی شکلده بولیب اوته دی دیب، یازماقده.

وطن روزنامه سی: الباب گه روسیه همکارلیک قیله دی دیب یازگن خبری نینگ دوامیده:

رجب طیب ایردوغان "الباب ده امریکا قوشمه ایالتلری رهبریتیده گی ائتلاف کوچلریدن هوائی همکارلیک کورمه ی میز" دیگن سوزلریگه بناً ترکی عسکرلریگه همکارلیک روسیه دن ییتیب کیلدی. ترکیه قوراللی کوچلری و آزاد سوریه اردوسی تامانیدن آلیب باریله یاتگن فرات قالقانی حرکاتیگه روس حربی اوچاقلری ایلک قتنشدی. روس جیتلر الباب نینگ جنوب تامانیده جایلشگن ترور تشکیلاتی داعش گه باغلیغ قورال دیپولری و قومنده مرکزی بیلن زره دارلرنی آماج قرار بیردی. ترکیه قوراللی کوچلری زمینی اوله راق ایلگری قره ب بارماقده دیب یازگن.

صباح روزنامه سی: دنیانینگ اینگ یوکسک سویه سیگه ییتیب باره میز دیب بیرگن عنوانی بیلن:

جمهور رئیس رجب طیب ایردوغان، ترکیه علمی و تکنالوژیک تیکشیروو اداره سی (TÜBİTAK)، 2016 نچی ییلی "بیلیم خاص خذمت و تشویق قیلیووچی مکافاتلر" احتفالیده اقتصادی توسعه و همکارلیک گروهی نینگ (OECD) 2017 نچی ییل توسعه کو.رینیش راپوریده ترکیه نینگ یوکسک و دوام ایتووچی توسعه گروهیده اورین آلگن لیگینی ایتدی. جمهور رئیس ایردوغان، "توسعه نینگ بو شکلده دوام ایتیشی بیلن 2030 گچه متوسط عائدی بولگن اولکه لر قطاریدن یوکسک درجه عائیدی بولگن اولکه لر قاطاریگه باریمیشمیز تصور ایتیلماقده. ترکیه آدیم- آدیم یوقاری چیقیب بارماقده. حاضرگی دور موقتی دیر. بو جریاننی چرچه مه ی و کم چیلیک یوز بیرمه ی اوتکزگنده دنیانینگ اینگ یوکسک سویه سیگه باریشیمیز ممکن. تشویش لنمنگ. آماجیمیزگه ییتیب باریش، اوز پروژه لریمیزنی عملی قیلیش خود کفا بولیش اوچون ییترلی آدیم لرنی آتماقده میز، دیگن لیگینی یازماقده.

ستار روزنامه سی: جیبوتی تامانیدن ترکیه خاص اقتصادی منطقه بیریلدی دیب یازگن خبریده:

افریقانینگ مهم تجارت منطقه لریدن بولگن جیبوتی بیلن ترکیه آره سیده گی همکارلیک آرتیب بارماقده. جیبوتی تامانیدن 500 جریب لیک بیر ساحه 99 ییل لیگی گه ترکیه لیک سرمایه گذارلرگه بیریله دی. ترک خاص اقتصادی منطقه اوله راق اتلگن اوشبو ساحه ده فعالیت قیله دیگن سرمایه گذارلرگه جیبوتی تامانیدن مالیه همکارلیگی عملگه آشیریله دی. ترکیه – جیبوتی تجارت احتفالیده سوز یوروتگن اقتصاد وزیری نهاد زیبکچی " ترکیه خاص اقتصادی منطقه سی دینگیز کناریده دیر. بو ساحه ده خاص قانونلر ترکیه تامانیدن قوییله دی. شرکت لریمیزنینگ دیپو قیلیش، ذخیره قیلیش، مونتاژ قیلیش و تخنیکی فعالیت لرینی قیله دیگن بیر ساحه بوله دی، دیگن لیگینی یازماقده.