ترکیه مطبوعاتیدن خلاصه لر ۰۶.۱۰.۱۳۹۵

وطن روزنامه سی, قیزیل اردو نی حربی لر گه مورال بیریش اوچون سوریه گه انتقال ایتتیریتگن روسیه مدافعه وزیرلیگی گه باغلیق TU-۱۵۴ طیاره سی نینگ اوچیشی دن ۷ دقیقه کیین ۹۲ نفر یولاوچی سی بیلن قاره دینگیز گه قولب توشگن لیگی نی بیلدیرماقده. 

خبرده, اوشبو طیاره ده گی یولاوچی لرنینگ همه سی نینگ جان بیرگن لیگی بیلدیریلماقده. 

روزنامه, روسیه نینگ انقره ایلچی سی, روسیه تشقی ایش لر وزیرلیگی مسئولی پیتری پولشیکوف و اینگ سونگ ایسه ناتو عمومی ناظری ییویس چاندیلون نینگ اولدیریلگن لیگی و اوشبو طیاره نینگ قولب توشگن لیگی روسیه گه قرشی یاشیرینچ بیر عملیات فکری نینگ مطرح بولیشی گه سبب بولگن لیگی نی معلوم قیلماقده. 

خبرترک روزنامه سی, ترکیه جمهوریتی جمهوررئیسی رجب طیب اردوغان نینگ, توناوون آقشام روسیه جمهوررئیسی ولادیمیر پوتین بیلن تلفن آرقه لی صحبت ایترایکن, روسیه طیاره سی نینگ قولب توشگن لیگی سببلی همدرد لیک بیلدیرگن لیگی نی ایسلتماقده. 

خبرده, ترکیه جمهوریتی باش وزیری بنعلی ییلدیریم نینگ هم روسیه لیک تینگداشی دیمیتری میدویدیف بیلن صحبت ایتیب اوشبو خصوصده همدرد لیک بیلدیرگن لیگی قید ایتیلماقده. 

ستار روزنامه سی, ترکیه جمهوریتی ایچکی ایش لر وزیری سلیمان سویلو نینگ, سییرت گه قیلگن سفری جریانیده, "دیاربکر, سییرت, ماردین و بیتلیس مدنیت مرکز لریدن عبارت.  اوشبو قدیمی مدنیت مرکز لری نینگ فقط گینه تروریزم بیلن یاد ایتیلیشی نی آرزو ایتمی میز" دییه قید ایتگن لیگی نی معلوم قیلماقده. 

صباح روزنامه سی, بیرلشگن ملت لر تشکیلاتی عمومی کینگشی نینگ, خلق ارا تکنالوژی بانکی نینگ ترکیه ده قوریلیشی نی تصدیق له گن لیگی نی یازماقده. 

خبرده, ۴۸ اولکه نینگ اشتراکی بیلن قوریله دیگن اوشبو بانک نینگ, کیله جک ییلده فعالیت قیله باشلیدیگن لیگی گه دقت قره تیلماقده.