ترکیه مطبوعاتیدن خلاصه لر ۰۳.۱۰.۱۳۹۵

ستار روزنامه سی, ترکیه جمهوریتی جمهوررئیسی رجب طیب اردوغان نینگ, جمهوررئیس لیگی قصریده قیلگن معروضه سی جریانیده, ترکیه نینگ استقلال اوروشی آرتیدن بولگن اینگ کتته کوره ش دوریده ایکن لیگی نی بیلدیررایکن, "اوشبو کوره ش, بیر ملت, بیر بیرق, بیر وطن و بیر دولت اوچون قیلینیتگن کوره ش دن عبارت" دییه قید ایتگن لیگی نی بیلدیرماقده. 

خبرترک روزنامه سی, ترکیه جمهوریتی باش وزیری بنعلی ییلدیریم نینگ, روسیه نینگ انقره ایلچیسی اندری کارلوف نینگ اولدیریلگن لیگی سببلی اوشبو اولکه نینگ انقره سفارتی گه باریب همدرد لیک بیلدیرگن لیگی نی معلوم قیلماقده. 

خبرده, ییلدیریم نینگ, سفارت نینگ خاطره کتابچه سی گه, "روسیه فدراسیونی نینگ انقره ایلچیسی حرمتلی اندری کارلوف نینگ ترورچیلیک هجومی عاقبتیده جان بیرگن لیگی اوچون جوده خفه من.  اوشبو خائنانه هجوم آرقه لی ترکیه بیلن روسیه آره سیده گی یخشی مناسبت لر و ایککی ملت اورته سیده گی علاقه لر نی بوزیش گه حرکت ایتیتگن لر هدف لری نی قول گه کریته آلمیدی.  عیبدار بولگن کیشی لر اوشله نیب آلینیب جزالنتیریله دی. استثنائی بیر دور نینگ اوزیده موفقیتلی فعالیت لری بیلن ترکیه بیلن روسیه آره سیده گی علاقه لرنینگ یخشی له شیشی گه کتته حصه قوشگن کارلوف, ایندی ترک- روس دوست لیگی نینگ بیر سمبولیدن عبارت" دییه یازگن لیگی ایسله تیلماقده. 

ینی شفق روزنامه سی, اوروپا اولکه لری مالی منبع لری نینگ, ترکیه اقتصادی نی تنقید ایترایکن, باشقه بیر تاماندن ایسه اوشبو منبع لر نینگ ایندی ترکیه ده گی پروژه لرگه پول تامین ایتیب بیریش اوچون بیر بیر لری بیلن رقابت قیلیب باشله گن لیک لری نی یازماقده. 

خبرده, فتح الله چی ترور تشکیلاتی موازی دولت ساختاری FETÖ/PDY نینگ  جولای آیی نینگ ۱۵ نچی کونیده گی کودتا تشبثی آرتیدن ترک شرکت لری گه چیت ایل لردن ۴ میلیارد ۸۰۰ میلیون لیره لیک اوزاق مدت لیک قرضه بیریلگن لیگی گه دقت قره تیلماقده. 

وطن روزنامه سی, روسیه ده وقتی دن آلدین ریزرف قیلیب قویش میزانی نینگ اوتگن ییل بیلن سالشتیریلگنده ۳,۵ قوات آرتیب کیتگن لیگی نی بیلدیررایکن, خودی منه شوو خصوصده ترکیه نینگ اینگ کوپ ترجیح ایتیلگن اولکه لر آره سیده اورین ایگلله گن لیگی نی ایسلتماقده.