ترکیه مطبوعاتیدن خلاصه لر ۲۳.۰۹.۱۳۹۵

صباح روزنامه سی, استانبولده ضربتی کوچ قوماندان لیگی نی کوریب چیققن ترکیه جمهوریتی جمهوررئیسی رجب طیب اردوغان نینگ, "ظالم گه رحم قیلیشینگیز تقدیرده, مظلوم گه ظلم قیلگن بوله سیز" دییه قید ایتگن لیگی نی بیلدیرماقده. 

خبرده اردوغان نینگ, تروریستیک هجوم لرنینگ ترکیه نینگ بولینیشی اوچون غرب نینگ حمایه سی بیلن اویوشتیریلیتگن لیگی نی معلوم قیلگن لیگی ایسله تیلماقده. 

روزنامه, خوف سیزلیک کوچ لری نینگ قوللریده گی برچه حق لر دن استفاده ایتیش لری کیره ک ایکن لیگی نی بیلدیرگن اردوغان نینگ, "ظالم گه رحم قیلیشینگیز تقدیرده, مظلوم گه ظلم قیلگن بوله سیز" دییه قید ایتگن لیگی گه دقت قره تماقده. 

خبرده, جمهوررئیسی اردوغان نینگ اوز سوز لری نی, "همه بیلسین که ترکیه دولتی و حکومتی سیز پولیس لری میز نی حمایه له ماقده.  تروریزم گه قرشی کوره ش بوییچه قولینگیز ده گی همه امکانیت لردن سونگگی گه قدر استفاده ایتینگ" شکلیده دوام ایتتیرگن لیگی معلوم قیلینماقده.

خبرترک روزنامه سی, استانبولده گی ترورچیلیک هجومی نینگ مسئولیتی نی اوز بوینی گه آلگن ترور تشکیلاتی پی کا کا نی اوز بغری گه باسیتگن اوروپا اولکه لری گه عکس العمل کورستگن ترکیه جمهوریتی باش وزیری نینگ اورینباسری نعمان کورتولموش نینگ, "ترور تشکیلات لری قورال لر نی بازار دن آلمیدی.  پی کا کا نینگ اوروپا ده گی فعالیت لری نینگ چیگره لنتریلیشی اوچون اویغون بیر سیاست نینگ تعقیب ایتیلیشی نی آرزو ایتماقده میز" دییه قید ایتگن لیگی نی ایسلتماقده. 

خبرده, حاضرگی کونده هم اوروپا ده پی کا کا نینگ کوپلپ اولکه لر ده فعالیت آلیب باریتگن لیگی نی بیلدیرگن کورتولموش, "حتی ترور تشکیلاتی حمایه چی لری, پی کا کا گه مخالف ترک تبعه لری گه باسیم قیلیش گه هم حرکت ایتماقده" دییه قید ایتگن لیگی معلوم قیلینماقده. 

روزنامه, کورتولموش نینگ ایندی اوروپا نینگ سوزده ایمس, بلکه عملده ترکیه نینگ یانیده ایکن لیگی نی کورسه تیب بیریشی کیره ک ایکن لیگی نی بیلدیرگن لیگی نی یازماقده. 

ستار روزنامه سی, اوروپا بیرلیگی کمیسیونی باش سوزلاوچیسی نینگ اوریبناسری آلکساندر وینترسین نینگ, بیر ژورنالست نینگ, "پی کا کا نینگ اوروپا بیرلیگی نینگ ترور تشکیلات لری لستیده اورین آلگن لیگی گه قره گنده, اوروپا بیرلیگی اعضاسی اولکه لرنینگ, پی کا کا گه قرشی انیق بیر قدم تشله شی ممکن می؟" شکلیده گی سئوالی گه جواب قیتره آلمه گن لیگی نی بیلدیرماقده. 

خبرده, اوشبو سئوال نینگ اوروپا بیرلیگی رهبر لری گه بیریلیشی کیره ک ایکن لیگی نی بیلدیرگن لیگی قید ایتیلماقده. 

روزنامه, وینترسین نینگ, اوروپا بیرلیگی مسئول لری نینگ تروریست لر بیلن اوچره شگن لیگی گه تیگیشلی ایسه, "اوروپا بیرلیگی کمیسیونی نینگ پی کا کا و تروریزم گه قرشی کوره شی انیق" دییه جواب قیترگن لیگی نی معلوم قیلماقده.