ترکیه مطبوعاتیدن خلاصه لر ۲۲.۰۹.۱۳۹۵

حریت روزنامه سی, ترکیه جمهوریتی جمهوررئیسی رجب طیب اردوغان نینگ استانبولده اوتگن کونی اویوشتیریلگن هجوم عاقبتیده یره لنگن پولیس لرنی باریب کورگن لیگی نی معلوم قیلماقده. 

خبرده, جمهوررئیسی اردوغان نینگ, یره لنگن کیشی لرنینگ ساغلیق وضعیتی نینگ یخشی ایکن لیگی نی بیلدیرگن لیگی ایسله تیلماقده. 

روزنامه, جمهوررئیسی اردوغان نینگ, اوشبو تروریستیک هجوم نینگ جوابی نینگ بیریله دیگن لیگی نی بیلدیرگن لیگی نی معلوم قیلماقده.

خبرترک روزنامه سی, ترکیه جمهوریتی پارلمانیده عدالت و توسعه, جمهوریت خلق و ملیتچی حرکت حزب لری نینگ استانبولده اویوشتیریلگن تروریستیک هجوم نینگ قاره له نیشی بیلن علاقه لی مشترک بیر بیلدیرو ترقتگن لیک لری نی ایسلتماقده. 

خبرده, اوشبو بیلدیروده, "خودی منه شوو هجوم, عزیز ترک ملتی نینگ بیرلیگی و بقاسی گه قره تیلگن بیر هجوم دن عبارت.  قیسی ترور تشکیلاتیدن عبارت بولیشی گه قره مسدن, همه سی شونی بیلسین که, عزیز ملتی میز نینگ بیرلیگی نینگ بوزیلیشی ممکن ایمس.  عکسینچه ملتی میز نینگ بیرلیگی ینه هم آرته دی" دییه قید ایتیلگن لیگی معلوم قیلینماقده. 

وطن روزنامه سی, بولووچی ترور تشکیلاتی نینگ ترکیه نی بولیش اوچون استانبولده اویوشتیرگن تروریستیک هجومی آرتیدن ترکیه ده, "پولیسی میز نینگ یانیده میز" نامی گه ایگه بیر کمپاین نینگ باشلب کیتیشی گه سبب بولگن لیگی نی بیلدیرماقده. 

خبرده, ترکیه ده اجتماعی ترماق لردن استفاده ایتیتگن کیشی لرنینگ, "پولیسی میز نینگ یانیده میز" عنوانی گه ایگه پولیس نینگ حمایه له نیشی کمپاینی نی باشله تیب یوبارگن لیک لری قید ایتیلماقده. 

ینی شفق روزنامه سی, استانبولده ۴۴ کیشی نینگ شهید بولیشی و کوپلب کیشی نینگ ایسه یره له نیش لری گه سبب بولگن تروریستیک هجوم آرتیدن ترک ملتی نینگ بیر یقه دن باش چیقرگن لیگی نی معلوم قیلماقده. 

خبرده, عینی دمده دنیا ده گی وجدان ایگه سی تامان لرنینگ هم ترکیه نینگ حمایه له نیشی توغری سیده پیام ترقتگن لیک لری قید ایتیلماقده.