ترکیه مطبوعاتیدن خلاصه لر ۱۳.۰۹.۱۳۹۴

حریت روزنامه سی, ترکیه جمهوریتی جمهوررئیسی رجب طیب اردوغان نینگ قطردن ترکیه گه قیتیب کیلیتگن پیتده قیلگن صحبتیده ریاستی سیستم و جمهوررئیسی نینگ بیر حزب گه منسوب بولیشی بوییچه ایریم بیاناتلر بیرگن لیگی نی معلوم قیلماقده.
خبرده, اردوغان نینگ, "قدرت نینگ ایککی کیشی نینگ قولیده بولیشی یخشی بیر نرسه دن عبارت ایمس. قنچه لیک هم دوست بولسه لر ایریم پیتلرده آره لریده جنجال پیدا بولیب قالیشی ممکن. براق بیر حزب گه منسوب بیر کیشی نینگ جمهوررئیسی بولیشی ایسه فرانسه ده گی سیستم نینگ فرقلی بیر شکلیدن عبارت بولگن بوله دی. اوشبو موضوع نینگ هم کوچی میز نی آرتره دیگن لیگی نی اویله ماقده من" دییه قید ایتگن لیگی بیلدیریلماقده.
ینی شفق روزنامه سی, جمهوررئیسی اردوغان نینگ, داعش نینگ پطرولی نینگ تجارتی نی قیلیتگن اینگ مهم کیشی نینگ روس پاسپورتی گه ایگه سوریه لیک گیورگی هاشراوی دن عبارت ایکن لیگی نی بیلدیررایکن, اوشبو کیشی نینگ ایککینچی شریکی نی هم اعلان ایتگن لیگی نی یازماقده.
خبرده, روسیه نینگ تنیقلی شطرنج استادی قیرسان ایلیومزیهوف نینگ هم داعش بیلن پطرول تجارتی قیلیتگن لیگی نی بیلدیررایکن, "قولی میزده اوشبو موضوع بیلن علاقه لی حجتلر موجود. بولر نینگ همه سی نی دنیا گه بیلدیریب باشله دیک" دییه قید ایتگن لیگی ایسله تیلماقده.
عینی دمده خبرده, اردوغان نینگ, "ترک ملتی نینگ آچ قالیشی ممکن, لیکن استقلالیدن واز کیچیشلری ممکن ایمس" دییه قید ایترایکن, حاکمیت لریدن هیچ قچان وازکیچمیدیگن لیک لرینی معلوم قیلگن لیگی گه دقت قره تیلماقده.
خبرترک روزنامه سی, ترکیه نینگ روسیه بیلن بولگن بحران نینگ طبعی گاز بیلن علاقه لی هر قنده ی بیر معما گه سبب بولیشی احتمالی دایره سیده مهم قدم لر تشلیتگن لیگی نی قید ایتماقده.
خبرده, ترکیه جمهوریتی جمهوررئیسی رجب طیب اردوغان نینگ قطر ده اوزاق مدت لیک گاز آلینیشی بوییچه کیلیشو گه قول قویشی آرتیدن ترکیه جمهوریتی باش وزیری احمد داوود اوغلی نینگ هم آذربایجان گه قیلگن سفری جریانیده اساساً اوشبو موضوع توغری سیده بحث ایتگن لیگی گه دقت قره تیلماقده.
عینی دمده خبرده, اوشبو دایره ده آذربایجان گازی نینگ ترکیه آرقه لی اوروپا گه انتقال ایتتیریلیشی گه تیگیشلی تاناپ پروژه سی نینگ هم ۲۰۱۸ نچی ییلیدن آلدین تکمیل بولیشی توغری سیده کیلیشیلیب آلینگن لیگی معلوم قیلینماقده.
ینی آکیت روزنامه سی, "امریکا قوشمه ایالتلری بیلن روسیه سوریه نی بولیب آلدیلر" عنوانی بیلن بیرگن بیر خبریده, ترکیه جمهوریتی باش وزیری احمد داوود اوغلی نینگ باش مشاوری عبدالقادر اوزکان نینگ, ایککینچی دنیا اوروشی آرتیدن, امریکا قوشمه ایالت لری, انگلستان و روسیه رهبر لری نینگ اشتراکی بیلن بولیب اوتگن کنفرانسلرده, نفوذ ساحه سی جهتیدن دنیا نینگ اوشبو اولکه لر آره سیده بولینیب آلینگن لیک لری نی بیلدیررایکن, اوشه کوندن بیری اوشبو موضوع بیلن علاقه لی هیچ قنده ی بیر اوزگریش نینگ بولمه گن لیگی نی معلوم قیلگن لیگی نی یازماقده.
خبرده, اوزکان نینگ, حاضرگی کونده هم روسیه نینگ ترور تشکیلاتی پی کا کا نینگ سوریه ده گی بولیمیدن عبارت بولگن پی ی دی نینگ هوائی کوچی کبی حرکت ایتیتگن لیگی نی بیلدیررایکن, پی ی دی نینگ حربی لری گه امریکا تمانیدن تعلیم بیریلیتگن لیگی نی معلوم قیلگن لیگی قید ایتیلماقده.
روزنامه, اوزکان نینگ, امریکا و ائتلاف کوچ لری بیلن روسیه نینگ سوریه ده مشترک بیر شکلده حرکت ایتیتگن لیگی نینگ کورینیتگن لیگی نی بیلدیررایکن, شونده ی قیلیب سوریه نینگ آلدیندن بولینیب آلینگن لیگی نی ایسلتگن لیگی نی یازماقده.