ترکیه مطبوعاتی دن خلاصه لر ۰۹.۰۴.۱۳۹۳

ینی شفق روزنامه سی, ترکیه جمهوریتی باش وزیری رجب طیب اردوغان نینگ, عدالت و توسعه حزبی نینگ جمهوررئیس لیگی کاندیدی بیلن علاقه لی سونگگی مراتبه ترکیه جمهوریتی جمهوررئیسی عبدالله گل بیلن مشوره قیلگن لیگی نی بلدرماقده.
روزنامه, استانبول ده بولیب اوتگن جمهوررئیسی و باش وزیر آره سیده گی اوشبو اوچره شو آرتیدن جمهوررئیسی گل نینگ, "جمهوررئیس لیگی گه کاندید بولمیمن" دییه قید ایتگن لیگی نی ایسلتماقده.
صباح روزنامه سی, سوریه ده گی کیمیاوی قورال لرنینگ یوق ایتیلیشی بیلن علاقه لی فعالیت آلیب باره دیگن بیرلشگن ملت لر تشکیلاتی خوف سیزلیک کینگشی تمانیدن تشکیل ایتیلگن فعالیت گروپی بیلن, ترکیه جمهوریتی قوراللی کوچ لری گه باغلیق بیر اوروش کیمه سی نینگ هم همراه لیک ایته دیگن لیگی نی قید ایتماقده.
خبرده, اوشبو وظیفه گه آلمان و ایتالیا دن ایککی اوروش کیمه سی بیلن یونان دن بیر تحت البحری نینگ هم اشتراک ایتیشی نینگ ریجه لنگن لیگی بلدریلماقده.
ستار روزنامه سی, اوتگن کون لر ده قوریلیش ایش لری باشلب کیتگن استانبول ده گی اوچینچی قونلغه نینگ جاذبه مرکزی گه ایله نیب باریتگن لیگی نی ایسلتماقده.
روزنامه, هوتل لر آرتیدن خلق ارا مقیاس ده گی بیر شرکت دن عبارت آسل ایکسپو نینگ اوشبو قونلغه ده بیر کورگزمه مرکزی نینگ هم قوریلیشی ایش لری بوییچه تیارگرلیک اوتکزیتگن لیگی نی بلدرماقده.
خبرده, اوشبو شرکت نینگ خلق ارا کورگزمه لر رهبرلیک کینگشی نینگ باشلیغی یونس ایته نینگ, بیر میلیون متر مربع لیک بیر ساحه ده, ۲۰۰ مینگ متر مربع لیک بیر سرمایه گذارلیک نی اویلیتگن لیک لری نی بلدررایکن, "دنیا نینگ اینگ خاص کورگزمه مرکزی دن عبارت بوله دی. اوشبو کورگزمه مرکزی اوچون ۲۰۰ میلیون دالر مصرف ایتیلیشی کوتیلماقده. خودی منه شو سرمایه گذارلیک نینگ ۲ الی ۳ ییل دوام ایتیشی کوتیلماقده" دییه قید ایتگن لیگی گه دقت قره تیلماقده.
خبرترک روزنامه سی, ناسا نینگ, انسان لرنینگ مریخ گه سفر قلیش لری اوچون استفاده ایتیله دیگن هوائی واسطه نی ایلک مراتبه تجربه قیلگن لیگی نی قید ایتماقده.
خبرده, اوشبو تجربه نینگ موفقیتلی بیر شکل ده بولیب اوتگن لیگی ایسله تیلماقده.
روزنامه, اوشبو تجربه آرتیدن ناسا نینگ کیله جک ییل ده مریخ گه سفر قلیش اوچون ینه ده کوپراق وزن بیلن اوشبو هوائی واسطه لر دن استفاده ایته دیگن لیک لری نی بلدرگن لیگی نی یازماقده.
خبرده, حاضرگی کونده آغرلیق چیگره سی نینگ ۱,۵ تن دن عبارت ایکن لیگی قید ایتیلرایکن, انسان لرنینگ مریخ گه ییتیب باریشی اوچون آغرلیق نینگ ۱۰ تن دن هم آشیب کیتیشی نینگ ممکن ایکن لیگی گه دقت قره تیلماقده.
حریت روزنامه سی, ترکیه ده ملح ساراچ اوغلی بیلن حقی قورتولوش تمانیدن یازیلیب دایرکت ایتیلگن, "کوزیم نینگ نوری" نامیده گی فلم نینگ مسکو خلق ارا فلم فستیوالی ده ساورین گه سزاوار دیب تاپیلگن لیگی نی ایسلتماقده.