جهان مطبوعاتیدن خلاصه لر 20.07.1397

روسیه نینگ سیسی رادیوسی, تورکیه نینگ اوروپا بیرلیگی اعضالیگی پروسه سی بوییچه وقت نی اوتکزیش میتودی دن فایده له نیاتگن اوشبو بیرلیک اعضالری گه ینه بیر بار عکس العمل کورستگن تورکیه جمهوریتی جمهوررئیسی رجب طیب اردوغان نینگ, "آلسنگیز آلینگ.  آلمسنگیز اونی هم ایتدینگ.  بیز نی چرچتمنگ. بیز هم سیزنی چرچتمیلیک.  همه اوز ایشی نی قیلسین" دییه قید ایتگن لیگی نی بیلدیردی.

فرانسه خبر آژانسی, تورکیه جمهوریتی جمهوررئیسی رجب طیب اردوغان نینگ, یوقالیب کیتگن سعودی عربستان لیک ژورنالست جمال قاشقچی نینگ استانبولده گی سعودی قنسلگرلیگیدن حقیقت دن هم چیقق لیگی نی کورسه ته دیگن تصویر لر نینگ تامین ایتیلیشی اوچون ریاض رهبریتی گه باسیم قیلرایکن, تورکیه نینگ اوشبو مسئله گه عکس العمل کورستمس لیگی نینگ ممکن ایمس لیگی نی بیلدیرگن لیگی نی ایسلتماقده. 

آلمان نینگ دی پی ای نشراتی اورگانی, سعودی عربستان لیک ژورنالست جمال قاشقچی حادثه سی نی تورکیه بیلن سعودی عربستان نینگ اورتاق تیکشیره دیگن لیگی نی معلوم قیلماقده. 

خبرده, تورکیه جمهوریتی جمهوررئیسی سوزچیسی ابراهیم قلین نینگ, "اورتاق بیر هیئت اوشبو حادثه نی یاریته دی" دییه قید ایتگن لیگی ایسله تیلماقده. 

ینه آلمان نینگ فرانفکورتر آلگیماینا زایتونگ روزنامه سی, خلق ارا پول فوندی آی ایم ایف نینگ میلادی 2018 نچی و 2019 نچی ییل لریده تورکیه اقتصادی کوچی نینگ قریب 4 فایز مقیاسیده آرته دیگن لیگی نی بیلدیررایکن, اوشبو رقم نینگ آلمان اوچون 1,9 و فرانسه اوچون ایسه 1,6 فایز دن عبارت ایکن لیگی نی معلوم قیلگن لیگی نی بیلدیرماقده. 

انگلستان نینگ رویترز نشراتی اورگانی, تورکیه جمهوریتی مدافعه وزیرلیگی نینگ, چهارشنه کونی بیرگن بیاناتیده, روسیه و تورکیه رهبر لری نینگ اوتگن آیده سوچی ده بولیب اوتگن اوچره شوو لری آرتیدن مطرح بولگن کیلیشوو دایره سیده سوریه نینگ ادلب تومنیده قورالسیزلشتیریلگن بیر منطقه نینگ قوریلگن لیگی نی معلوم قیلگن لیگی نی ایسلتماقده. 

ایران نینگ ایرنا خبر آژانسی, ایران نینگ تورکیه چیگره سی یقینیده اورین آلگن ماکو شهریده تورکیه بیلن اورتاق صنایع مرکزی قوریله دیگن لیگی نی بیلدیرماقده. 

ینه ایران نینگ ایسنا نشراتی اورگانی, ایران- تورکیه اورتاق تجارت کینگشی منشی سی سید جلال ابراهیمی نینگ ایران بیلن تورکیه اورته سیده تجارت نینگ آسانلشتیریلیشی اوچون ایککی اولکه نینگ مشترک بیر بانک قوریشی نینگ ممکن ایکن لیگی نی بیلدیرگن لیگی نی معلوم قیلماقده. 

اسوشیتید پریس, تورکیه جمهوریتی تشقی ایش لر وزیری مولود چاووش اوغلی نینگ, انقره رهبریتی نینگ عراق نینگ بصره و موصل شهر لریده قنسلگرلیک لری نی قیته باشدن آچه دیگن لیگی نی معلوم قیلرایکن, شونده ی قیلیب قوشنی اولکه بیلن بولگن اقتصادی و تجارتی مناسبت لری نینگ آرتیب کیته دیگن لیگی نی بیلدیرگن لیگی نی ایسلتماقده. 

آذربایجان نینگ تریند نشراتی اورگانی, جمهوررئیسی اردوغان نینگ, امریکالیک راهب نینگ حبسی بیلن علاقه لی بیرگن بیانات لریده, "امریکا قوشمه ایالتلری نینگ تورکیه نینگ قضایی اورگان لری گه حرمت کورسه تیشی کیره ک" دییه قید ایتگن لیگی نی بیلدیرماقده. 

ینه آذربایجان نینگ خلق روزنامه سی, تورکیه جمهوریتی پارلمانی باشلیغی بنعلی ییلدیریم نینگ, "برقرارلیک نی آرزو قیلیشی تقدیرده ارمنستان نینگ قوشنی لری بیلن یخشی مناسبت قوریشی کیره ک" دییه قید ایتگن لیگی نی معلوم قیلماقده. 

چین نینگ شیهنوا نشراتی اورگانی, جمهوررئیسی اردوغان نینگ اکتوبر آیی نینگ 10 نچی کونیده بیرگن بیانات لریده, دالر ریسک لریدن قورینیش اوچون افریقا اولکه لری نی تورکیه بیلن اوز پول لریدن فایده له نیب تجارت قیلیش گه چقیرگن لیگی نی بیلدیرماقده.