تورکیه نینگ مطبوعات خلاصه لری

تورکیه نینگ مطبوعات خلاصه لری

تورکیه نینگ مطبوعات خلاصه لری

تورکیه نینگ مطبوعات خلاصه لری  

 

یینی شفق روزنامه‌سی: «چاووش اوغلی: س-400لر ناتوگه تهدید سالمه‌یدی» سرلوحه‌سی بیلن بیرگن خبرگه کوره‌، تورکيه تشقی ایشلر وزیری مولود چاووش اوغلی روسیه‌دن خرید قیلینگن س-400 مجموعه‌لری حقیده شونده‌ی دیدی: «س-400 مجموعه‌لری ناتو اوچون بیران معما یرا‌تمه‌یدی. تورکيه بیر نیچه‌ ساحه‌ده ناتونینگ فعالیتلریگه حصه‌ قوشماقده. س-400 مسأله‌سی تورکيه-ناتو مناسبتلرینی ایمس، بلکه‌ تورکيه-امریکا قوشمه ایالتلری مناسبتلرینی قیزیقتیره‌دیگن مسأله‌»،-دیدی.

 

خبر تورک روزنامه‌سی: «برات آلبیراق: تورکيه‌گه ایشانگن سرمایه گذارلر قازاندی» سرلوحه‌سی بیلن بیرگن خبرگه کوره‌، تورکيه خزینه و مالیه‌ وزیری برات آلبیراق جون آییده بیرینچی بار ییللیک جاري آرتیقچه یوزه‌گه کیلیشینی، تورکيه‌ نینگ بودجه و باشقه‌ برچه‌ اقتصادي ریجه‌لری جهتیدن ییل نینگ 2- یرمی ایجابي نتیجه‌لرگه بای بولیشینی تأکیدله‌دی. «می آییدن بویان تورکيه‌گه خارجلیک سرمایه گذارلر 10 میلیارد دالردن زیاد سرمایه‌ کیریتدی. تورکيه‌گه ایشانگن سرمایه گذارلر یوتوقلی بولدی»، دیدی .

 

ستار روزنامه‌سی: «ملیزيا مدافعه‌ صنایعینی رواجلنتیریش اوچون تورکيه بیلن همکارلیککه علاقه سی بار» سرلوحه‌سی بیلن بیرگن خبرگه کوره‌، ملیزيا مدافعه‌ وزیری محمد سابو پینا‌نگ ایالتیده‌گی بیر پروگرامده تورکيه‌ نینگ مدافعه‌ صنایعیده‌گی یوتوقلری حقیده یخشی سوزلرنی تیلگه آلدی. سابو، ملیزيه اوز مدافعه‌ صنایعینی رواجلنتیریش اوچون تورکيه بیلن یقین همکارلیک قیلیشگه تیار ایکنلیگینی ایتدی.

 

حریت روزنامه‌سی: «اینگ ساغلیق‌لی شهرلر انیقلندی. رویخطیده تورکيه‌دن 5 ته شهر بار» سرلوحه‌سی بیلن بیرگن خبرگه کوره‌، دنیاده آلیب بارگن تدقیقاتلری بیلن تنیلگن معلوماتلر مرکزی نومبیئو ییل نینگ اینگ ساغلیق‌لی شهرلرینی اعلان قیلدی. اوشبو رویخطده تورکيه‌ نینگ 5 ته شهری ا‌ورین آلگن. بولر بورسه، انتا‌ليا، ایزمیر، استه‌نبول و انقره بولیب حسابلنه‌دی. رویخط توزیلر ایکن، شهرلرده‌گی یشیل کوکلمزار میدانلر، سپورت کملیکسلری نینگ صفتی، هوا و سووی نینگ تازه‌لیگی، سیمیزلیک نسبتی، محنت و شخصي حیات موازنتی کبی شرطلر دقّتگه آلیندی.

 

 



علاقه لی ینگی لیکلر