جهان مطبوعات خلاصه لری

جهان مطبوعات خلاصه لری

روسیه نینگ سیسی رادیوسی: جمهور باشلیغی رجب طیب ایردوغان، روسیه بیلن بولگن ادلب کیلیشووی نتیجه سیده بویوک بیر کوچ دالغه سیگه مانع بولگن لیگینی ایتدی.

اتریش، دی پرس روزنامه سی:  جمهور باشلیغی رجب طیب ایردوغان نینگ آلمان سفری نینگ آرتیدن آلمان تکنالوژی شرکتی زیمنز تورکیه ده ینگی سرمایه گذارلیکلر قیله دی. مذکور شرکت طبی تجهیزات تولیدینی تورکیه ده قیلماقچی.

امریکا قوشمه ایالتلری اسوشیتید پرس خبر آژانسی: سوریه نینگ شمالیده جایلشگن ستراتیژیک اهمیت گه ایگه منبج شهری نینگ اطرافیده احتمالاً تورکیه و امریکالیک حربی لرنینگ مشترک گزمه گه باشله ییشلری کوتیلماقده.

ایتالیا انسامد خبر آژانسی: جمهور باشلیغی رجب طیب ایردوغان سوریه توغریسیده تورکیه، روسیه، فرانسه و آلمان رهبرلری اورته سیده اکتوبر آیی نینگ ایککینچی یرمیده استانبولده بیر جلسه بولیب اوتیشیدن خبر بیردی.

انگلستان رویترز خبر آژانسی: اقتصاد ساحه سیده آلینگن چاره – تدبیرلر بیلن تورکیه اقتصادی توسعه قیلیب بارماقده. سپتامبر آییده گی صادرات انچه خرسند قیلووچی درجه گه باردی.

روسیه ریئا نووستی رسمی خبر آژانسی: جمهور باشلیغی رجب طیب ایردوغان تورکیه نینگ مدافعه ساحه سی داخل روسیه بیلن مناسبتنی توسعه بیریش نیتیده ایکن لیکلرینی و بو مناستگه ضرر بیرماقچی بولگن برچه تبلیغلرنی برهم اوروشلری نینگ ممکن ایکن لیگینی ایتدی.

فرانسه AFP خبر آژانسی: اروپانینگ اینگ بویوک مسجدی آلمان نینگ کولن شهریده جمهور باشلیغی رجب طیب ایردوغان نینگ اشتراکی بیلن آچیلدی. مسجدنینگ ساختمانی دینی ایشلر تورک اسلام بیرلیگی تامانیدن تمویل قیلیندی.

آلمان دوچ ویله میدیا ارگانی: 24 جونده گی سیلاولرنینگ آرتیدن جمهور رئیس لیک تیزیمی گه اوتگن تورکیه ده ینگی تیزیم نینگ ینگی مجلسی ایش گه باشله دی. 

چین چینا رادیو انترنیشنل: تورکیه بویوک ملت مجلسی تشقی ایشلر کمسیون باشلیغی ولقان بوزقیر، کمبوچیانینگ انقره دن بویوک ایلچی لیک آچیش قراری آلگن لیگینی و شو بیلن تیگیشیلی پلان ریجه لش گه باشله گن لیگینی ایتدی.

ایران پرس تودی رادیو و انترنیت سایتی: تورکیه بیلن ایران زراعت همکارلیگینی توسعه بیرماقده. ایککی مملکت اینیقسه باغدارلیک و ... تولیدی موضوعسیده پروژه لر ترتیب بیره دی.

انگلستان الشرق الاوسط خلق ارا عرب روزنامه سی: عدالت و ترقیات حزبی سوزچیسی عمر چیلیک اورته شرقده داعش قیسی غیر انسانی مقصد و عمللرگه ایگه ایسه اروپاده گی افراطی راستگرالرنینگ هم عین غیر انسانی مقصد و عمللرگه ایگه ایکنینی ایتدی.