جهان مطبوعات خلاصه لری
جهان مطبوعات خلاصه لری
جهان مطبوعات خلاصه لری
روسیه، اسپوتینگ انترنیت سایتی: «تورک آقیمی لایحهسی تورکيه نینگ کوچیگه-کوچ قوشهدی».
روس گازینی تورکيه آرقهلی اروپاگه یېتکزیب بیریشنی کوزده توتگن تورک آقیمی لایحهسی تورکيه نینگ انرژی خوفسیزلیگینی آرتتیریشی جهتیدن مهم اورینگه ایگه. لایحه یولگه قویلگنیده یونان بیلن بیرگه اروپا دولتلری انرژی ترماغیده تورکيه بیلن ینه-ده یقین همکارلیکلر یولگه قویه باشلهیدی. زیرا یقینده یونان گازنی تورکيه آرقهلی قولگه کیریتهدی. متخصصلر نینگ ایتیشیچه پیپ نل لایحهسی تورکيه بیلن اروپا نینگ سیاسي مناسبتلریدهگی برقرارلیک که هم ایجابي حصه قوشهدی.
امریکا قوشمه ایالتلری نینگ CNN خلق ارا خبر کانالی: «دنیا نینگ سناقلی سووگه چومیلیش مرکزلریدن بیری تورکيه نینگ اایسکی شهر ولایتیده».
تورکيه نینگ ایسکی شهر ولایتی نینگ چیفته لر تومنیده سقاریا دریاسی باشلهگن نقطهده پیدا بولگن شیرین سوو چومیش میدانی دنیا نینگ سناقلی مرکزلریدن بیری حسابلنهدی. سقاریا باشیده سوو گه چومیش اوچون نهفقط تورکيهدن بلکه دنیا نینگ باشقه بیر نیچه دولتیدن هم تشریف بویورماقده. شونینگدیک منطقهده کانو و دراگون سپورتلری هم باشلهدی. سقاریا باشی حاضرده سوو سپورت تورلری بوییچه اوتکزیلهدیگن بیر نیچه مسابقه اوچون نامزاد دیسک مبالغه بولمهیدی.
ایران نینگ فارس خبر آژانسی: «ریزه سپور بیلن پرس پولیس قرینداش کلوپ بولدی».
تورکيه نینگ چایقور ریزه سپور کلوپی بیلن ایران نینگ سوپر لیگ جماعهسی پرس پولیس اورتهسیده قرینداشلیک شرطنامهسیگه قول قوییلدی. ایکّله کلوپ اورتهسیده آلدین ایرانلیک فوتبالچی مهدی تارهمي اوستیدن بیر توشونماوچیلیک یوز بیرگن ایدی. شو باعث مذکور کلوپ ییتکچیلری اورتهسیده بولیب اوتگن مذاکره آرتیدن ایکّله جماعه قرینداش کلوپ بولیش بارهسیده قرار قبول قیلدی. ایتیب اوتیش جایزکی فیفا 2016-2017 موسمیده ریزه سپورت بیلن بولگن شرطنامه قاعدهلریگه عمل قیلمهگن ایرانلیک فوتبالچیگه 4 آیلیک جزا بیرر ایکن فوتبالچینی اوز جماعهسیگه ترانسفر قیلگن ایران جماعهسی پرس پولیس گه ایسه 2 موسم مابینیده فوتبالچی ترانسفر قیلیشنی منع ایتیش یولی آرقهلی جزا بیرگن ایدی.
امریکا قوشمه ایالتلری نینگ تورکیش امریکا ویب پورتالی: «Jean-Claude Van Damme تورکيهدهگی بیر فیتنیسس مرکزی نینگ شیریگی بولیش نیتیده».
مشهور هاللیوود یولدوزی Jean-Claude Van Damme اوز نامی بیلن فعالیت آلیب بارگن بیر فیتنیسس-مرکزی نینگ شیریگی بولیش حقیدهگی شرطنامهگه قول قوییش اوچون تورکيه نینگ کوجه ایلی ولایتی نینگ ایزمیت تومنیگه تشریف بویوردی. فیتنیسس مرکزی آچیلهدیگن ریزیدنس قوریلیشیده مطبوعات انجمنی اویوشتیرگن Van Damme، «ایزمیت، کوجه ایلی مینگه جوده هم یاقدی. استانبول نینگ اطرافیده بوندهی عجایب بیر جای بارلیگینی بیلمس ایدیم. تورکيهده ایکنلیگیمدن خرسندمن. مین سپورتنی جوده هم یخشی کورهمن. هر دایم یخشی فیتنیسس مرکزی تیزیمینی کورسهتیشنی، تنیتیشنی آرزو قیلر ایدیم. بو لایحه گلوبال سویه ده. بیرینچی اورنهگینی ایزمیتده یولگه قویماقچیمیز» دیگن افادهلرگه اورین بیردی. Jean-Claude Van Damme ایزمیتدن تشقری استانبول، ایزمیر و انقرهده هم سپورت مرکزلری آچیشنی ریجهلشتیرماقده.