جهان مطبوعات خلاصه لری

جهان مطبوعات خلاصه لری

آلمان DPA: ایردوغان شمالی عراق باشقرووینی ناقانونی خلق رای گیرلیگی نینگ آرتیدن کوپراق آدیم آتیش بیلن تهدید قیلدی

جمهور رئیس رجب طیب ایردوغان، عراق کرد منطقوی باشقرووی گه 25 – سپتمبرده اوتکزگن نا قانونی خلق رای گیرلیگی باعث هوشدار بیردی. ایردوغان "اگر اوزلریگه کیلمه گن تقدیرده کوپراق قدم تشله ی میز. عراق کرد منطقوی باشقرووی هوش قیلسین" دیدی.

روسیه ریئا نووستی: تورکیه ایران گه قره ته چیکلاولرگه قرشی چیقدی

تشقی ایشلر وزیری مولود چاووش اوغلی، انقره نینگ ایران گه قره ته تحریم سیاستی گه قرشی ایکنینی معلوم قیلدی. چاووش اوغلی ایراننی حق سیز بولگنده تنقید ایته میز، حقلی بولگنده حمایه قیله میز. تحریم سیاستی ینگلیش دیر. بیر قطار اولکه لر تامانیدن خوشی کیلمه ییب اونی یوق قیلماقچی بولیشی خطا دیر. ایران بیزگه دشمن می؟" دیدی.

امریکا قوشمه ایالتلری AP: هسپانیانینگ تمامیت ارضی گه احترام قیله میز

تشقی ایشلر وزیرلیگی سوزلاوچیسی حسین مفتی اوغلی، کتلونیا خودمختار منطقه سیده 1 – اکتوبرده اوتکزیلگن نا قانونی خلق رای گیرلیگی بیلن تیگیشلی هسپانیانینگ توپراق بوتونلیگی گه "حرمت قیلیش" نینگ اساس ایکنلیگینی معلوم قیلیب، ایککی تامان نینگ هم هسپانیا قانونلرینی رعایت قیلیشی و شدت گه مانع بولیشی مهم ایکن لیگینی افاده ایتدی. مفتی اوغلی، تورکیه نینگ هسپانیانینگ "بوکبی سینشلرنی" برطرف قیلیشی گه ایشانگنینی ایتدی.

اوزبیکستان جهان: اوزبیک – تورک تجارت ییغینی

اوزبیکستان دولت سرمایه گذارلر کمیته سی بیلن استانبول تجارت اتاقی همکارلیگیده تاشکینتده اوزبیک – تورک تجارت ییغینی اویوشتیریلدی. احتفال آچیلیشینی اوزبیکستان باش وزیر اورین باسری جمشید قوچقاراوف قیلرکن، استانبول تجارت اتاقی باشلیغی ابراهیم چاغلر بیلن تاشکینت بویوک ایلچیسی احمد بشر شن صحبت قیلیب اتدیلر. مذکور کیشی لر ییغینده مشترک پروژه لرنینگ عملگه اشیریلیشی کبی تورلی ساحه لرده آتیله دیگن ادیملرنی بهالندیردیلر.